Првите од четирите планирани С-400 батерии и беа испорачани на Турција во јули 2019 како дел од договорот вреден 2,5 милијарди долари. Како одговор на ова САД ја протера Турција од проектот за Ф-35 воениот авион, плус воведе санкции против турската агенција за воени набавки и нејзините вработени.
Во понеделникот турскиот министер за надворешни работи објави дека земјата има испратено голем број инженери на обука во Русија, и дека руските експерти нема да останат уште долго во земјата.
„С-400 ќе биде 100% под наша контрола. Не е возможно да се прифатат повиците од други држави да не ги користиме,“ изјавил Чавушоглу.
Руската страна пак тврди дека Турција нема да ги врати експертите, туку дека тоа ќе зависи од нивниот договор „во согласност со договорениот распоред“.
Минатата недела, американската заменичка државен секретар, објави дека Вашингтон и понудил на Анкара алтернативи за кревање на санкциите поврзани со С-400.
