Херојството на Украинците во борбите против руската армија на почетокот од војната се отсликуваше и со непрестаен наплив на нови волонтери за влегување во униформа и заминување на фронт. Последниве месеци ентузијазмот на овие вторите полека почнува да се губи, пишува Вол стрит журнал.

Некои вести по својата содржина сами се позиционираат во времето и не мора да проверуваш да не се работи за нешто старо (освен вести како оние дека ќе се гради пруга кон Бугарија). За оваа вест е јасно од која декада доаѓа - од оваа. Во 80-ти години, на пример, ова ќе беше хумор и сатира.  

Белгија, политичкиот центар на Европската унија и сè нешто европско, и посебно Антверп, повторно ги имаат највисоките бројки на користење кокаин во Европа.

ФБИ се соочува со еден од најголемите скандали кои му се случуваат во последно време. Еден негов поранешен шеф за разузнавање прво беше обвинет за сомнителни руски врски но во меѓувреме се обелоденуваат и детали за неговото сојузништво со Еди Рама во прогон на политички противници и рекетирање непослушни бизнисмени.  

Сведоштво на еден професор кој држел семинар за талентирани млади луѓе кои набрзо потпаднале под влијание на разбудената идеологија па почнале да се бунат зошто се учи за било што друго освен за расизмот против црнците. На крајот, успеале да го доведат во ситуација да дигне раце од семинарот и да ги остави сами да си кажуваат воук мантри.

Тесла е еден од столбовите на климатската агенда на Бајден, Спејсикс е клучен за амбициите на НАСА за истражување на вселената со луѓе, Старлинк е највиталниот комуникациски систем за Украина и украинската војска, и сето ова е во рацете на еден човек, што беше доволно голем проблем и пред тој во својата колекција да го додаде и Твитер.

Заради остриот скок на каматните стапки Холандската централна банка (ДНБ) минатата година ја завршила со минус од речиси половина милијарда евра, нешто што им се нема случено од 1931.

Кога е во прашање Меѓународниот кривичен суд во Хаг, поранешниот советник за национална безбедност на Трамп, Џон Болтон, е на сличен став како и официјална Москва, дека тој не треба да постои. Што не значи дека Болтон не би го апсел Путин по друга основа.

За Бајден и Белата куќа не беше ни најмалку пријатно тоа што беа оставени да седат на страна додека нивните двајца најголеми противници, Русија и Кина, на само разговараа околу мировниот договор за Украина кој САД претходно го прогласија за неприфатлив.

Изјавата на британското министерство за одбрана дека Украина во пакет со Челенџер 2 тенковите ќе добие и муниција со осиромашен ураниум, Москва ја протолкува како директна закана од Западот за користење нуклеарно оружје против Русија.

Најсреќната земја на светот (според извештајот по кој ние доста објективно сме проценети како најнесреќни луѓе на Балканот) почна да нуди курсеви за странци кои ќе доаѓаат таму ќе бидат учени како да бидат среќни. Ок, ќе отидеме, ќе го завршиме курсот со одлична оценка и што после кога ќе се вратиме овде?  

Засега највпечатливото издание на вештачката интелигенција, ЧатГПТ, за време на тестирањата за четвртата верзија како дел од задачите ангажирал човек за да му реши една CAPTCHA што требал да ја совлада.

„Лесно е од овде да бидете чирлидерки на војната, од безбедно и сигурно место, илјадници километри далеку од линиите на фронтот. Но, мислам дека ќе биде корисна вежба за нас да се потсетиме што доживуваат обичните Украинци“, им порача на колегите од Европскиот парламент, ирската пратеничка со јазик како жилет, Клер Дали.

Главниот обвинител на Меѓународниот кривичен суд, Карим Кан, и неколку судии од истиот се под истрага во Русија заради нивната одлука да побараат апсење на рускиот претседател.

Факултетот по теологија од Универзитетот во Хелсинки реши својата најпрестижна академска  титула да ѝ ја даде на Грета Тунберг. Озгора на тога, ова не ѝ е прв докторат на 20 годишната климатска активистка која пред неколку години го обвини светот дека ѝ ги одземал соништата.  

Движењето Блек лајвс метер и каузите кои гравитираат околу него од 2020 до денес добиле или им биле ветени 82,9 милијарди долари од најразлични американски компании и корпорации, објавува Њузвик.

Минатата година во Токио во полиција се вратени најдени паричници во кои имало пари во износ од речиси 28 милиони евра (3,99 милијарди јени), или во просек нешто повеќе од 76.000 евра на ден.

Бранењето на тоа што и остана од Бахмут ја чини украинската армија илјадници артилериски гранати на ден, и ова ја става во сериозен ризик можната украинска пролетна офанзива за враќање на остатокот од источните територии што моментално се под руска контрола.

Теоријата вели дека жените за секс одбираат паметни мажи и заради сопствен ќар и заради еволутивно подобрување на гените на нашиот вид. Ако беше така, човештвото требаше да станува сè попаметно. А свртете се наоколу и ќе видите - не е така. Не само што интелигенцијата не помага туку закономерноста оди во спротивна насока.  

Како што Шулц најави пред една година, така германскиот парламент и го изгласа пакетот од 100 милијарди евра за инвестирање во и унапредување на германската армија. Од тогаш не само што не е вложено едно евро од ветените пари, туку Германија моментално располага со помалку оружје отколку што имаше пред почетокот на руската инвазија.

Инаку таблоидната дилема во случајов може да е предзнак за покажување досега незабележана надмоќ на Ши во државата каде црната коса од антички времиња се поврзува со сила и енергија, заради што беше неопходно за најмоќните мажи низ кинеската историја да се фарбаат.

Фасцинантна е бројката на делумно или комплетно фабрикувани научни истражувања кои се објавуваат во бројните научни магазини по светов. Некои од нив се вклучени во највлијателните студии на кои се потпира клиничката пракса. Додека се повлечат, знае да трае и со години. Во меѓувреме, милиони пациенти можеби добиваат погрешен третман.

Некогаш еден од столбовите на глобалниот финансиски систем, Кредит Свис груп АГ, по напнати 48-часовни преговори повеќе не постои, и за 3 милијарди швајцарски франци ќе се претопи во швајцарската банка УБС. За луѓето што ја следат банката, нејзиниот пропаст беше само прашање на време.

На пуштањето во погон на 4-та проширена и надградена верзија на ЧатГПТ, ЦЕО-то на компанијата, Сем Алтман, јавно призна дека и тие се малку извадени од памет, и предупреди дека „технологијата доаѓа со вистински опасности.“