41% од нашите екосистеми се на раб на колапс, предупредува истражување спроведено во САД. Сè повеќе животни и растенија што го одржуваат здравиот животен баланс на Земјата се во ризик од истребување, а без нив, и ние нема долго да издржиме.

Во САД на едно ливче продадено во Вашингтон се падна премијата од Пауербол во износ од речиси 755 милиони долари, сума која и покрај блесавиот износ е само 9-от по големина џек-пот во историјата на САД.

Фондацијата Бил и Мелинда Гејтс - која се држи стамено иако нејзините основачи се разведоа после 27 години брак - призна дека било грешка што зазеле толку голема улога во Светската здравствена организација. Покрај сите оние пребогати држави на светов, оваа фондација е втор најголем донатор на СЗО.

Грдите (официјално „неатрактивните“) луѓе е многу поверојатно да сакаат да продолжат да носат заштитни маски и по завршувањето на ковид пандемијата, за разлика од оние кои не мора да се кријат зад пандемијата.

За да ја демонстрираат својата правоверност, американски компании регуларно организираат обуки за „диверзитет, еднаквост и инклузија„ за своите вработени. Обуките се скапи и бесцелни ама на менаџерите им фуфка да прекинат со нив за да не го навлечат бесот на будните преторијанци. Само паднатите профити можат да ги разбудат.

За Шеврон веќе пишувавме дека пливаат во пари. Сега и БП ги пријави годишните профити за годината во која избувна војна во Украина која предизвика огромен пораст на цените на енергенсите. Тие профити им се рекордни не само за лани- преклани, туку за последните 114 години.

Приходите на руската влада од нафта и гас издишале во јануари што придонело за најголемиот буџетски дефицит за првиот месец во годината најмалку од 1998.

Греота за сите жртви од земјотресот кој ја погоди Турција и Сирија. Досега се зборува за 5.000 жртви но таа бројка ќе биде можеби и повеќекратно зголемена. Да не биде таа несреќа сама, природната катастрофа погоди област во која милиони луѓе бараа мир и засолниште од 12 годишната војна во Сирија. 

Хормонот кој природно се појавува и ги прави луѓето да се чувствуваат сексуално напалени, научници успеале да го претворат во инекција за оние кои имаат проблем со либидото. И не само напалени, туку се чувствувале и попривлечно. Оф, кој ќе ги трпи таквите.

Поранешниот израелски премиер обелодени дека САД и западните сојузници ги блокирале неговите обиди за мир во Украина. А тој се чинел можен и дофатлив, бидејќи двете страни се согласиле на сериозни отстапки. Само што правеле 'есап без крчмарот' кој решил да мава по Путин а не да преговара со него. 

Поранешен американски полковник и негов колега со децениски стаж во Украина на почетокот од војната решаваат да ја формираат Моцарт групата која треба да биде украински пандан на далеку попознатата и озогласена руска Вагнер група. Додека Вагнер го предводи рускиот јуриш во Бахмут, во Киев Моцарт прогласи стечај.

Русите во Украина го имаат Вагнер, а Американците Моцарт. Двајцата основачи на Моцарт фатија да се тужат по американски судови за измами и корупција а во суштина на спорот лежи потенцијалот Моцарт да се развие во глобална група која ќе оперира во разни воени жаришта. Судот во Вајоминг треба да реши кој од нив двајца ќе испадне Густав Малер. 

Изминативе месеци Бајден редовно е по вести по основа дека негови вработени или некоја американска служба открила доверливи документи кај него по дома (и во гаража) кои не би смееле да мрднат од Белата куќа, па сега Американци се сомневаат дека тие документи тек така случајно завршиле таму.

Кон крајот на септември, експлозија ги разруши цевките на Северен тек од армиран бетон и целосно го отсече германскиот од рускиот дел од гасоводот. До сега истрагата стигна до тоа дека експлозијата не била случајна.

Наспроти очекувањата дека Тајван би бил освоен во инвазија налик онаа на Нормандија со истурање на стотици илјади кинески војници на бреговите на островот, сега се повеќе во игра е опцијата за истоштување со воведување на поморска блокада која би го изолирала Тајван.

Од најдолната точка 2008, кога се случува хипотекарната криза во САД а потоа и во остатокот од светот, денес пазарите за недвижности низ светот или имаат достигнато рекордно ниво на вредност или се близу претходните рекорди. И тоа ќе се заврши со крах.

„Сите врескаат за тоа колку лош човек е Путин заради инвазијата на Украина а САД моментално држи под окупација една третина од Сирија. И, која третина е тоа? Онаа каде што е нафтата“, рафално му истрела политичкиот коментатор Џими Дор на Такер Карлсон кој ретко го гледаме вака замолчен.

Она што кај нас се вика рамковни квоти и „балансер“, во САД е диверзитетот и инклузивноста. Не само што се инсистира на одредена боја на кожа, туку мора и јавно да се демонстрира приврзаност кон догмата. Многу уметници сведочат за оваа атмосфера, само што во својата слободарска Америка, се плашат да си го кажат името.

Уште пред првиот руски војник да стапне во Украина, првиот човек на украинското разузнавање, генерал-мајор Кирило Буданов, јавно алармираше за претстојната руска инвазија и намерата да се освои Киев, и за малку кариерата ќе му завршеше тука ако за неколку часови не започнеше руската специјална операција.

Најголемиот пораз што Русија успеа да и го нанесе на Украина е да ја претвори во територија со која не може да се владее, смета унгарскиот премиер, според кого Западот е веќе во војна со Русија.

Откако се воведоа модерните полимерни банкноти, на најчесто употребуваната австралиска банкнота од 5 долари, стоеше ликот на британската кралица Елизабета. Таа почина и време е да се смени дизајнот на банкнотата. Ама, не со Чарлс. 

До март минатата година вработените на Мета во Њујорк, освен платата добиваа и гага храна со можност и за дома да си пакуваат, гага превоз до врата, па дури и гага перење алишта. Во март работите почнаа да изгледаат како некој да го прегледал цехот за сето ова.

Решил да ја тужи „жената на својот живот“ откако таа му рекла дека го гледа само како пријател. Значи, корпа. Со ваквото нејзино гледање на работите, му нанела траума и депресија. Плус, туку по некое време таа ги отфикарила сите контакти со него. И како да не ја тужи и да ѝ бара 3 милиони долари?

Навраќајќи се на сопствените недоразбирања со разузнавачките структури во САД, Трамп не пропушти да му спомне на ФБИ дека агентот што требаше да ги открие руските врски на Трамп, е уапсен заради врски со Русија.