Во последниот период американскиот долар се држеше добро и цврсто. Покажа сила во однос на компетитивните валути на земјите од БРИКС, неговата вредност се држеше добро и во однос на златото. Единственото нешто кое не успеа е да го спречи зголемувањето на вредноста на рубљата која под жестоки санкции покажува извонредна жилавост.

Крвава безизлезна ситуација, или нешто полошо, станува поверојатна доколку Западот не сфати дека Киев мора забрзано да се приклучи кон Алијансата, порачува поранешниот потпретседател на британските Конзервативци, Мајкл Ашкрофт.

Ако Трамп или Болсонаро ви изгледаа ексцентрични и контроверзни, чекајте да го видите Хавиер Милеи, крајниот десничар кој стана претседател на 45 милионската Аргентина. Вака „полемизира“ човекот кој има фитил пократок од оној на Јаран од Ноќна Мора: - Оние левичарски говна... - (водителката) Ама зошто ги нарекувате така? - Затоа што се говна.

Затоплувањето на планетата нема да се случи баш така брзо како што се очекуваше. Науката само што откри дека растенијата ќе апсорбираат повеќе јаглерод диоксид отколку што првично се пресметуваше па важечките модели ја преценуваат брзината со која ќе се одвива процесот. 

Сосема неочекувано, ОпенаАИ го смени еден од своите основачи, Сем Алтман, кој беше и извршен и член на бордот на директори на компанијата. Нејасно е кои биле неговите гревови а би било јако кога за ваков потег би го прашале ЧетГПТ што мисли кој треба да биде сменет, па овој го исфрлил неговото име.

Како што рускиот претседател се подготвува за втората годишнина од неговата војна против Украина, неговата самодоверба е тешко да се заобиколи, пишува во есејот за Вол стрит журнал поранешниот разузнавачки офицер од Националниот разузнавачки совет задолжен за Русија, Јуџин Румер.

Кога во една Финска, на политичарка ќе ѝ требаат цели четири години да куртули од затвор за нешто што го кажала, и тоа под сериозни обвиненија за злосторства против човештвото, тогаш е јасно на кој пат е слободата на говорот на Запад. Но, Финска е само „канаринец во окното“, како што некогаш рударите тестирале дали долу има отровен воздух.

Независната годишна ревизија на Пентагон повторно пропадна откако луѓето во министерството за одбрана не им испорачале на ревизорите доволно документи за тие да можат да создадат целосна слика за нивното трошење.

Првиот човек за маркетинг на Анхојзер-Буш за американскиот пазар поднесе оставка откако и шест месеци по егзибицијата со Дилан Малвени групацијата со целата своја маркетинг сила и понатаму не може да го запре крварењето во продажбата на Бад лајт.

Почетната позиција на западните разузнавачки служби „не им се мешаме што прават“ по години ипол војна се претвори во паника дека постапките на украинските разузнавачи ќе се одразат директно на безбедноста на Западот.

Новиот закон за електронска идентификација и автентикација што ЕУ сака да го донесе доаѓа со член кој предвидува дека издавачите на сертификати за енкрипција треба да соработуваат со владите и да им дозволат да го шпионираат енкриптираниот интернет сообраќај.

Робот кој без проблеми се користел пет години за сортирање зеленчук, решиле да го подобрат и да го направат уште поефикасен. Му додале екстра сензори и дополнителен софтвер па техничар сакал да провери дали системот работи добро. Очигледно не, бидејќи роботот помислил дека не се работи за човек туку за кутија пиперки.    

Од никого побараната иницијатива предложена од двајца пратеници на израелскиот парламент, за западните држави да почнат да прифаќаат повеќе Палестинци, беше надградена од израелскиот министер за финансии, кој ги повика Палестинците „доброволно да мигрираат“ од Газа.

Користејќи ја опцијата за директен пренос на Доујин (кинескиот Тикток) корисничката Женг Шијангшијанг успева да продаде 10 милиони примероци од најразлични производи што ги промовира на своите преноси во вредност од над 13,7 милиони долари. И сето тоа изгледа многу поневеројатно отколку што звучи.

Вашингтон Пост објави па повлече карикатура со еден висок член на Хамас кој неодамна призна дека не му е важна цената која ќе се плати за нивните политики. Освен проблемот со цензурата, овој случај на некои им личи премногу сличен на неодамнешните хистерии со Black Lives Matter.  

Нетанјаху сака да остане на власт и после војната а тоа го може само ако ги смири тврдите елементи во својот кабинет. Тоа го прави неспособен да игра за траен мир па неговиот план се сведува на вечна доминација на Израел врз Палестинците. Ако некој може да го убеди во поинаков исход, тоа е американскиот претседател.  

Втората фаза од нападот на Хамас требала подлабоко да продре на израелска територија во надеж дека ќе инспирира насилство на Западниот брег и пошироко, покажуваат докази што ги обработува Вашингтон пост.

Фридман му беше домаќин на Илон и го расчачка милијардерот за војните што се случуваат денес, за потенцијалниот иден конфликт меѓу САД со Кина, плус некои теми што повеќе го интересираат како СпејсИкс и Грок, неговиот проект за ВИ.

Само затоа што во моментов Израел ја толчи Газа како ретко кога во изминативе децении, целосно се нормализираа протести како неодамнешниот во Њујорк под наслов „Квирови за Палестина“. Во сите други времиња таков протест би бил дел од скеч на СНЛ или наслов на Онион, во рангот со „Вегани за чварки“ или „Јагниња за Велигден“.

Европската унија ги информирала земјите членки дека е малку веројатно дека ќе го исполни ветувањето за снабдување на Украина со 1 милион парчиња артилериска муниција. Рокот за ова беше март 2024.

Масовната смрт и уништувањето на Јапонија во Втората светска војна го подисплаши тогашниот воен скретар на САД, дека Америка ќе добие репутација дека го надмашила Хитлер по сторените злосторства. Истиот тој човек подоцна потпиша атомски напад на Хирошима и Нагасаки. Актуелното спржување на Газа, Израел го правда со таквите и слични „светли примери.“ 

Научници заклучуваат дека мозокот може сам дај ја поправи штетата што му е направена од претерано пиење алкохол, единствено што се очекува од вас е да не пипнете алкохол некои си 7,3 месеци. Не, не може. Ни капка.

По години минати како пост-апокалиптичен тематски парк запоседнат од наркомани, дилери и бездомници, центарот на Сан Франциско беше светнат во генералка пред доаѓањето на кинескиот претседател Ши Џинпинг и самитот на АПЕК.

Додека рајата по инерција се замајава со рециклирање или пак ги шмука оние одвратни картонски цевчиња за да ѝ се помогне на планетата, кај големиот бизнис сликата е сосема поинаква. Најголеми поединечни загадувачи кои нè приближуваат кон опасните нивоа на загревање се проекти кои се нарекуваат јаглеродни бомби. Е, во нив, големите банки истураат силни милијарди долари.