Истражувајќи за својата книга Неспокојот од изобилието, авторката Рејчел Шерман открива дека на богатите им е непријатно од тоа што се богати, или барем им е непријатно да бидат етикетирани како "богати". Притоа да нема заблуда дека заради незгодното овие луѓе планираат да се отарасат од парите или да ги праќаат децата во државни училишта.

За два стенд-ап специјали плус правата за неговиот серијал „Комичари во кола пијат кафе“ Нетфликс на Сајнфелд му исплати 100 милиони долари. За споредба, ХБО отприлика истите пари ги даде за целата 6-та сезона од Игра на тронови.

И покрај критиките за стереотипната слика за Балканот од автори како Марија Тодорова, Западот сè уште го гледа Балканот со предрасуди, од сликите за „српските влакнести мажишта“, па до Меланија како „невеста по нарачка“ и нејзиното „советско (?) југословенско“ потекло. Можеби нема уште долго да трае таквиот однос. Не затоа што Балканот се „прозападни“, туку затоа што Западот се „побалканчи“.

Обидувајќи се да се помири со својот пораз, Хилари Клинтон ја повторува истата празна реторика и сомнителни политики кои доведоа до тоа, пишува Џејми Пек во анализата на "Што се случи".

Ако продолжи како што е тргнато од Еми наградите 2017 ќе остане запаметено само тоа дека Шон Спајсер излегол на бина и кажал 17 зборови, кои излегоа дека се 17 зборови повеќе отколку прагот на толеранција на борците за сечии слободи и права на изразување.

Италијанско градче реши да воведува бесплатни паркинг места резервирани исклучиво за жени. И наиде на лавина осуда од  - жените. И не заради тоа што паркинг местата се со стандардна големина, то ест им се мали.

Спротивно на Леонид Брежњев и Советскиот Сојуз, Тито не мислеше дека млади луѓе со гитари и тапани можат да ја срушат државата. И на крајот, испадна во право.

Муабетот е за сè побројните паметни уреди кои ги имаме по дома и се поврзани на интернет. Сме ги платиле, ги користиме, ама во суштина не ги поседуваме, заради первертираниот концепт на интелектуална сопственост. Како во средниот век, сета земја е на кралот а ако му платиш, ќе ти даде дел да го копаш.

И онака скептичните кон вакцинација Талибанци (вистинските, забрадените, не овие што се само неразумни по Фејсбук на темата) уште повеќе се побунија против редовното вакцинирање откако се дозна дека ЦИА ја употребила програмата за вакцинирање во Пакистан за откривање на Осама бин Ладен.

Два дена откако забранија отворање нови хотели во централното градско подрачје, градските власти донесоа дополнителни пакет мерки со кои сакаат до 2020 година да ја зауздаат гранката која им донесе многу пари ама им го одзема раатот.

Додека низ престолнините ширум ЕУ, Орбан е обвинуван за национализам, ширење омраза и придружно портфолио, неговите мерки и политики (огради, враќање бегалци...) се повеќе се прифаќаат од лидерите од истите овие престолнини.

Во саботата вечерата во најочекуваната боксерска борба во последнава деценија Генадиј Головкин и Канело Алварез влегоа во ринг и без тронка жалење, чување и пазење приредија 12 рунди непрекинат бараж од директни удари, аперкати, ескиважи и севкупно врвен бокс за гледање. На крај, во моментот кога судиите требаа да ја дадат својата оценка и да го прогласат победникот, одлучија дека борбата завршила нерешено, без победник, што беше дочекано на волеј од речиси комплетната публика и боксерски експерти.

Во време кога хрватските лозари не можат низ цела Далмација, Херцеговина или Босна да најдат кој да им работи на лозјето (а младите дремат на интернет барајќи поевтини тури за одмор), двајца Французи ја искористуваат дупката во системот за да истераат неколкунеделен гратис одмор.

Во пресрет на 69-тото доделување на телевизиските еквиваленти за Оскар, истражување открива дека ретко кој гледал нешто од номинираните за награда. А добар дел од луѓето не ни слушнале за сериите. 

Не е рецепт за крап. Научен експеримент е, кој покажува колку човекот и рибата се браќа по алкохол. Ќе се курчи, другиве ќе го следат, ама после ќе папса па групата ќе го батали.

Да се облече пилотска униформа едно време значеше работа на престиж, одлична плата и врв на кулоќа. Во меѓувреме, оваа професија толку го има изгубено својот гламур што авио-компании пропаѓаат бидејќи никој веќе нејќе во пилоти.

Човекот е типичен анти-естаблишмент кандидат, колку што е анти-левичарскиот естаблишмент, толку е и анти-десничарскиот, и моментално најголемиот краткорочен проблем за републиканците е што мислат дека тие победиле на претседателските избори, објаснува во интервју за Лос Анџелес Тајмс, довчерашниот советник на Трамп, Себастијан Горка.

Причината зошто новинарката на Ел Спектадор првично одбива да ја гледа серијата на Нетфликс е затоа што како дете израснато во Колумбија таа своето детство го минува следејќи го животот и приказната на Пабло Ескобар секоја вечер, директно, на телевизиските вести. Ама потклекнува под притисок на околината.

Делувајќи како поделена личност, додека декларативно се залагаат за поголеми социјални права во општеството (повисока минимална плата, здравствена заштита и сл.) големите технолошки компании во исто време активно и крајно успешно работат на сопствениот директен придонес против проширувањето на овие права преку наоѓање се поинвентивни начини за неплаќање на даноци, од кои ваквите промени би требало да бидат финансирани.

Прв совет на билдер што вежба 14 години, од кои 8 е на стероиди: немој да земаш стероиди. Втор совет: не ме гледај мене.

На средбата во Лима, Перу, МОК ги објави добитниците на организацијата на Летните Олимписки игри во 2024 и 2028 - главниот град на Франција и главниот град на филмската индустрија.

Британската престолнина редовно е високо рангирана на листите за најдобри градови за живеење во светот, додека во исто време подеднакво редовна е и на списоците на најскапите градови на светот.

Не е тешко да бидеш популист во Источна Европа (како што може да се види од Полска, Унгарија и Словачка), проблемот е национализмот стварно да ти држи наспроти западниот капитал во твојата земја.