Статистиката укажува на парадокс: додека се работеше од дома, учинокот на вработените не беше намален. Сега е проблемот, кога луѓе навикнати да работат без канцелариски оговарања и шефчиња кои парадираат наоколу, се враќаат на старото место од кое на капитализмот му ги подаруваат најплодните денови од својот живот.  

Когнитивна дисонанца е кога ти е непријатно што имаш две мислења кои се судираат меѓу себе. Ама барем ти е непријатно. Има и кога тераш две контрадикторни приказни а не ти чуе. Тоа се нарекува двојно мислење и му беше познато уште на Орвел.

Тоа што едно време флертуваше со идејата да режира еден од филмовите од „Ѕвездени патеки“ на никој начин не значи дека Тарантино воопшто помислува да припари до Марвел филмовите, напротив, како што вели, ок е вака.

Единствената англиска клиника за „развој на родовиот идентитет“ се соочува со масовна колективна тужба од родители кои се уверени дека клиниката ја злоупотребила збунетоста и ранливоста на нивните деца за да ги насочи кон терапија со неповратните блокатори на пубертет.

Ако есенва сте нешто даун, да знаете, не е до хемијата. Нема разлика во нивоата на фамозниот серотонин кај депримираниот и недепримираниот мозок. Добри познавачи на менталното здравје потсетуваат дека тие никогаш и не тврделе поинаку; проблем е кога фармацијата ќе запне а народ ќе си прераскажува што има чуено.

Пандемијата заминува но во наследство ни остава  - вишок смрт. Не се умира од ковид, ама се умира повеќе отколку пред да почне белјата. Зачестените смртни исходи на проблеми со срцето и дијабетес укажуваат дека пандемијата допрва ќе прави зулум и дека индиректно ќе усмрти и повеќе луѓе отколку кога коронавирусот беше главен.

Интернетот е доминантниот еко-систем во кој луѓето добиваат информации. Изобилие и од публика и од содржини, но многу нешта во тој систем се подрасипани или неповратно отидени бестрага. Не случајно она што некогаш се викаше „новинарство“, сега се нарекува „производство на содржини“. Ко да е трикотажа.

Добитник на џекпот од 30 милиони долари од јужна Кина одлучил за парите да не им кажува ни на сопругата, ни на детето, не за друго, туку да не ги расипат парите и да станат мрзи.

Прво немаше да се заразиме. Па немаше да заразиме други. Па после, и да се заразиме, барем нема да умреме или завршиме во болница. Октомври 2022 година, Оксфордска студија сугерира дека вакциналната заштита од „смрт и болница“ по некое време станува негативна.

Градските власти во Оксфорд сакаат на жителите да им направат „сè да им биде на 15 минути“ ама цената за тоа е да им биде ограничено слободното движење на истите. ПС: Главниот иницијатор за 15-те минути, воопшто не ни живее во Оксфорд. 

Извештајот од истрагата на комисијата на американскиот Сенат заклучува дека ковид-19 вирусот „е поверојатно, отколку што не е“ дека е протечен од лабораторија.

Првиот човек на Католичката црква не само што призна дека свештеници, калуѓерки и останато свештенство гледаат порно, туку и ги замоли малку да олабават со тоа.

Тројца релативно млади но апсолутно спремни Њујорчани, пишале на дилер на кокаин со цел да „наредат“, и така им се паднала мешавина каде имало и фентанил. А, „да се стави фентанил во кокаинот е како да се капне цијанид во пијачката“ појаснува таткото на една од жртвите. Остатокот од приказната е лесно предвидлив и нема среќен крај. 

Деновиве во Иран почина човекот кој повеќе од 60 години одбива да користи вода и сапун од страв дека ќе го разболат. Аму Хаџи имаше 94 години.

Од 2016 до 2021 изгледаше како секој збор и минута од секое излагање на тогашниот американски претседател да е детално претресувано и проверувано, како и што треба. Од моментот кога Бајден дојде на власт се повеќе изгледа како проверувачите на факти да се на колективен одмор.

Во добар дел од пандемијата, ако некој се посомневаше во природноста на коронавирусот, веднаш беше ставан во екипата која верува и во рамна земја и други конспирации. „Економист“ сега пренесува нова студија која вели дека за да се дојде до толку долг геном каков што го има овој вирус, некој требало да го склопи.  

Мечка страв- мене не страв, двајца ентузијасти решаваат еден ден да испијат колку што пиел Черчил. А тој пиел цел ден, секој ден. Едниот од авантуристите завршува со врзан јазик и заблуда дека е смешен, а другиот признава дека утредента се истурил од повраќање.

Ќе се најде земја која има ресурси кои им требаат на американските корпорации. Ќе се натераат да се задолжат кај ММФ и Светската банка за проекти за кои ќе бидат убедени дека многу ќе им помогнат. За реализација на проектите ќе се ангажираат се-знае-кои компании (Бехтел, добри?). Ако во тоа не успеат економските убијци, доаѓаат шакалите кои рушат влади и убиваат лидери. Мислите туку така паѓаат авиони?

Ремикси лесно се прават ако секој инструмент го имаш засебно на канал. Но, Битлси за некои рани албуми имале само 4 канална миксета, па на секој канал се ставани по неколку инструменти. Како да треба торта да „отпечеш“ за да дојдеш до нејзините основни состојки.

Холандската полиција од Ротердам започна пилот програма во која планираат да конфискуваат скапа облека и накит од млади луѓе кои ќе им изгледаат премногу сиромашно за да го имаат тоа на себе. Ако „осомничените“ не докажат како купиле нешто што го носат, тоа ќе им биде конфискувано. Џамахирија на европски начин.

На изборите за конгресмен од Менхетен, на пат да победи кандидатот на Демократската партија. Неговиот ривал, независниот кандидат Мајк Иткис, прибегна кон радикален потег за да го привлече  вниманието на гласачите: сними порно филм. Се молат локалните политичари да не помислуваат на истото, оти тие, уште порното ни го немаат огадено.

Се сеќавате на муабетот дека дури и да не ти е гајле за своето здравје, одговорно е да се вакцинираш за да го спречиш ширењето на вирусот и така да ги заштитиш најмилите, особено старите? Сега од Фајзер признаваат дека пред да ја пуштат вакцината меѓу луѓе, воопшто не било тестирано дали таа спречува трансмисија на вирусот.

Некогашната порно ѕвезда позната под псевдонимот Лана Роудс, јавно побара забрана на порно индустријата, за време на гостувањето на подкастот The Skinny Confidential Him & Her, каде сподели дел од искуствата од прва рака од кои повеќето не се за особено величење. 

Фајзер направи партнерство со Марвел во кое  суперхероите ќе треба да објаснат (пред се на децата) колку е добро да се вакцинираш и да примаш бустери.