Некои вести по својата содржина сами се позиционираат во времето и не мора да проверуваш да не се работи за нешто старо (освен вести како оние дека ќе се гради пруга кон Бугарија). За оваа вест е јасно од која декада доаѓа - од оваа. Во 80-ти години, на пример, ова ќе беше хумор и сатира.  

Теоријата вели дека жените за секс одбираат паметни мажи и заради сопствен ќар и заради еволутивно подобрување на гените на нашиот вид. Ако беше така, човештвото требаше да станува сè попаметно. А свртете се наоколу и ќе видите - не е така. Не само што интелигенцијата не помага туку закономерноста оди во спротивна насока.  

Фасцинантна е бројката на делумно или комплетно фабрикувани научни истражувања кои се објавуваат во бројните научни магазини по светов. Некои од нив се вклучени во највлијателните студии на кои се потпира клиничката пракса. Додека се повлечат, знае да трае и со години. Во меѓувреме, милиони пациенти можеби добиваат погрешен третман.

Допрва се отплеткуваат детали од пандемијата кои осветлуваат како упаднавме во тој чуден период кој ни ги измести животите и навиките. Уште во раните денови, главниот медицински авторитет на Велика Британија им има кажано на надлежните дека ковидот не е толку смртоносен за да се брза со вакцините. Знаете како испадна. 

Болничката храна кај нас се доживува како „казна во казна“. Во Белгија е троа поинаку. Тамошна болница доби високо признание за нивната храна од угледен француски гастрономски водич. Менито на наградената белгиска болница сепак нема да биде ставено во препораките бидејќи за тоа треба и да си малку болен.

Американецот ланец за брза храна „Бафало вајлд вингс“ махерски реплицираше на милионска тужба против нив затоа што она што фамозно го продаваат како пилешки крилца не се крилца, туку обично бело месо. „Да, така е“, признаваат тие, „крилцата не се крилца, ама па не се ни од бафало.“

Нова студија која долго време следела пчели во еден национален парк излезе со два депримирачки заклучока во врска со нив: дека имаме изгубено преку 60 проценти од пчелната популација но и дека пчелите угинуваат со иста стапка и кога се далеку од луѓе и нивните индустриијализации и  модернизации.

„Би можел да се извинам, ама, нека се лечи“ ѝ порача Рамбо на Лејла Кашиќ, продуцентката на емисијата Дневница која го обвини за сексуално вознемирување.УНИЦЕФ брзо го замрзна ангажманот на Рамбо како амбасадор на добрата воља а тој молчеше неколку дена. Еве ја сега неговата страна на приказната.

Кога беше битно, германскиот министер за здравство тврдеше дека вакцините против ковид немаат несакани ефекти. Сега признава дека имаат и дека таквите случаи се вознемирувачки. Карл Лаутербах предлага фармацијата да финансира институт коју би им помагал на оние кои ги сјебале.

Американската компанија планира да произведува автомобили кои на газдата ќе му покажат - кој е газда. Ако не се плати некоја рата, софтверот на колата стартува серија сценарија кои стануваат сè понепријатни. Од гаснење на радиото и климата, па до непуштање на сопственикот да влезе во кола.

Словенците требаше на крајот на овој месец да имаат концерт во Киев, што ќе беше прв настап на голема странска група во Украина после руската инвазија. Но „будните“ им најдоа „проблематични ставови“ па се покрена стандарден линч по социјалните мрежи, се направи притисок врз организаторот и тој на крајот реши да им го откаже настапот.   

За да покаже инклузивност, Нов Зеланд спроведе образовна реформа во која домородните знаења на Маорите се изедначуваат со знаењата од науката, која се претставува како „западна“. Така, на часовите за наука, учениците ќе учат и дека сиот живот пулсира со витална сила дадена од Мајката Земја и Таткото Небо. 

Марвел имаат ненормални протоколи и безбедносни заштити во неколку нивоа за да спречат да излезе муабет за тоа што ќе има во новиот филм па да се расипе исчекувањето и да се изгубат милиони долари. На пример, ангажираните актери добиваат пас-код за посебен сајт. Но, тоа не е сајт на кој ќе можат да го прочитаат сценариото. 

Во подкаст од неполн час, авторот на Дилберт, Скот Адамс, имаше еден сегмент од неколку минути во кој обработува скорешна анкета на Расмусен која покажала дека 47% од испитаниците црнци не се согласувале со изјавата „ОК е да си белец.“ Кратко по ова Дилберт е откажан од сите весници, договорот за книга на Адамс е откажан, како и планираните гостувања и говори.

Замислете да живеете во држава која е толку религиозно крута, што во случај да извалкате неколку страници од Куранот, тоа станува работа за полицијата. Држава во која и деца можат да бидат казнети за наводно непочитување на исламот. Заборавете на Иран. Добредојдовте во Велика Британија. 

Кривицата на одговорните за јавно здравје не е тоа што давале препораки за пандемијата врз основа на она што го знаеле во тоа време, кривицата е што одбиле да ги сменат тие препораки кога добиле нови докази, и тоа што кога студии не ги поддржувале нивните политики биле отфрлени или цензурирани.

Германската влада подготвува механизми кои ќе тргнат против секој кој ќе се осмели да се посомнева во мудроста на безусловната помош за ултранационалистичкиот режим во Украина и администрацијата на Бајден, вели професор Волфганг Штрек, германски социолог и почесен директор на институтот Макс Планк во Келн.

Бизнис инсајдер разговара со осум Онлифанс модели (само едно од нив машко) кои за една година заработиле меѓу 143 илјади и 5,4 милиони долари, пари кои не се само од претплата туку и од разни други услуги што се овозможени преку сајтот.

100 пати почкарт Ајфон од последниот модел што на пазарот го извади Епл е продаден за 100 пати поголема цена. Зад зделката стои љубовта/болеста наречена колекционерство.

Европските регулативи за тоа што се јаде а што не се јаде, се многу построги од американските, каде во супермаркет можете да најдете производи што содржат барем пет хемиски соединенија кои потенцијално се опасни по здравјето. Некои од нив ги имаат и во лебот.

Компанијата која го создаде и го продаваше светски популарниот лек против стомачни киселини и горушица/жгаравица денес вреди 73 милијарди долари а ранитидинот бил нивниот бестселер. Го продавале со децении знаејќи дека содржи опасен канцероген од кој само еден милиграм може да ги мутира клетките на глушец.

Кинески истражувачи веруваат дека нашле начин како да се губат килограми а тоа да нема врска со вежбање, внимавање што се јаде и колку се јаде. Според нив тајната да се јаде помалку лежи во чинијата и начинот на кој е распоредена храната во неа. Уште сега да се разбереме, глупо е.

39-годишен вљубеник во Бога се обидел буквално да оди по неговите стапки и да го рекреира (пре)строгиот пост спомнат во евангелијата. Планирал четириесет дена да не јаде и да не пие ништо, но завршил во болница каде лекарите пробале да го спасат од овој акт на верата. Не успеал да се омрси.

Толку изнесувал ризикот од  смртен исход од коронавирусот пред вакцините. Не кај младите, не кај оние до 20 или до 30 години, туку за сите на возраст до 50 години. Еден во четириесет и пет илјади.  „Зарем не ви е драго што цел свет се испозаклучивме толку време?“, иронично прашува Алекс Беренсон пренесувајќи резултати од една сериозна холандска студија.