Музејот Ханторијан во својата колекција која е достапна на заинтересираните истражувачи до скоро имаше мртвородено бебе од африканско потекло. Истото е повлечено од каталогот (не и од збирката) по критика на британска писателка и авторка на нова документарна серија за човечките зоолошки градини од почетокот на 20 век.

Најпознат е како фудбалер, eден од најдобрите на Манчестер Јунајтед на сите времиња. Но има и долга листа на актерски остварувања, што во театар и во серии, што на филм. Сега одлучил да се опроба и како пејач.

Ситуацијата на Блискиот Исток е главна светска тема, а во согласност со тоа помина и отворањето на најголемиот саем на книгата во светот, франкфуртскиот Бухмесе. Со својот говор словенечкиот филозоф предизвика излегување од салата и протестни повици од голем број присутни, кои неговите зборови ги протолкуваа како оправдување на тероризмот на Хамас. 

„Големата местенка на Амазон“ на младиот автор и провокатор Уба Батлер на креативен начин ја разоткрива експлоататорската политика на најголемиот онлајн трговец на светот, поради која вработените возачи мораат да уринираат во шише. Ако мислевте да појадувате симит-погача со газоза, одложете малку.

Доколку е добро направен, филм за до сега нераскажана епизода од релативно блиското минато, која содржи доволно елементи на политички трилер и човечка драма, не може да не е успешен. Така е и со оваа екранизација на роман за „српскиот Чернобил“, кој ја доби главната награда за најдобар филм на вчера завршениот фестивал Киненова. 

Од најраните денови на телевизијата во 1946 до 1960, Џон Неги секоја недела ја пренесувал истата порака - без оглед колку сте смотани или неталентирани, секој може да направи цртеж следејќи неколку основни принципи. Неговото име е неправедно заборавено.

Шведски хорор со моменти на комедија, од жанрот „слешер“, кој е истовремено остра критика на корпоративната култура и собирите од типот на тим билдинг. И овој почнува така, со тимот на куп, а завршува со тоа што повеќето од членовите се оправдано отсутни.

Дали жедта за лимонада, пијалокот кој го продавале децата по улици, го спасил францускиот главен град од целосно уништување во текот на епидемијата на Црната смрт? Дали габичната инфекција на житото довело до Крстоносните војни? Според книга на Том Нилон, трговец со антикварни книги и автор кој пишува за храна, сето ова е можно.

Дали уживате во киснење во када (со вода стоплена на евтина струја), ама па на моменти посакувате да имавте поголемо купатило на сметка на местото што го зазема? Така размислувале креативни дизајнери од 19 век кои кадата ја ставале дури и во - дневна соба.

Неколку истакнати автори и издавачи од светот го обвинија Франкфуртскиот саем на книгата за „задушување“ палестински гласови, откако церемонија која требаше да се одржи во чест на палестинската авторка Аданија Шибли беше откажана поради актуелниот конфликт.

Забавна крими-комедија која на едно место ги обединува најголемите имиња на полската литература и сликарство од крајот а 19 и почетокот на 20 век. Дури и да не ги знаете нивните биографии, доволно е да го замислите следново: Григор Прличев, браќата Миладиновци, Петар Мазев и Петре М. Андреевски се будат после пијана журка, а до нив има мртво тело на човек што не го познаваат. Како не ни текнало до сега, нели?

Во 1984 излезе книгата на Чарл Пероу, „Нормални несреќи“, која тврдеше дека прекумерното вградување на системи за безбедност и предупредување не дава резултати, односно дека тоа може да има и спротивен ефект, да ја зголеми сложеноста на системите и да создаде нови категории опасности. Од тогаш тоа многукратно се има потврдено. Меѓу другото и на Оскарите.

Звучат необично, како Италијанци кои се обидуваат, ама не успеваат баш да зборуваат грчки. Всушност припадниците на народот Грико тврдат дека се потомци на големи средовековни па дури и древни грчки заедници кои некогаш постоеле на територијата на италијанските региони Апулија и Калабрија.

Поради генералка на Милениумскиот мост, делата кои уличниот уметник Бен Вилсон ги има правено последниве десет години треба да бидат отстранети. Во негова одбрана илјадници граѓани потпишаа петиција со која бараат тие да бидат заштитени.

Едно од големите дела на германската книжевност, трагичната драма на Гете може да се толкува како предупредување, дека алчноста води кон катастрофа. Оттаму по малку е иронично што нејзините славни протагонисти, Фауст и Мефистофел, сега се наоѓаат на колекционерска паричка издадена од Министерството за финансии на Германија. Но по неа ќе следат уште седум, поврзани со други дела.

Колку пати се случило предмети кои можеле да бидат дел од музејски и библиотечни колекции да завршат на буниште, затоа што сопствениците или не ја знаат нивната вистинска вредност, или ги немале вештините да ги реставрираат по поплава или пожар? Во Порторико смислиле единица за брзи интервенции за културно наследство, која пружа помош по повик.

Пред нешто повеќе од една година пишувавме за дебитантскиот роман на Венер Херцог, „Светот на самракот“, посветен на јапонскиот војник кој 30 години не признавал капитулација по завршувањето на Втората светска војна. Сега славниот режисер има нова книга, овој пат мемоар, под интересен наслов, со уште поинтересни анегдоти кои и да се измислени вредат суво злато.

Еден мит со децении кружи низ националните паркови во САД - дека секој кој нелегално ќе земе парче фосилизирано древно дрво од таму ќе биде доживотно проколнат. Стотици луѓе кои го сториле ова подоцна зажалиле за делото и го вратиле украденото, заедно со писма во кои го изразуваат своето каење. Но една промена во тактиката на парковите почнала драстично да го намалува бројот на кражби.

Не се мисли на „кокошки“ во форма на шмизли од женски род, туку на реални домашни птици. На фарма во Нов Зеланд е компонирана и изведена композиција специјално за нив и нивната благосостојба. Ако се најде јунак, во околина на Скопје препорачуваме една фарма за кози, каде се произведува одлично сирење. 

Еднаш месечно во изминатите речиси три децении, режисерот Гери Фиалка, познат како соработник на Френк Запа, ги собирал членовите на својот книжевен клуб за да ја читаат „Финегановото бдеење“ на Џојс. Пред неколку дена тие конечно стигнаа до последната страница. Која изгледа дека и не им е баш последна...

Сер Јуџин Гусенс бил британски композитор и диригент, другар на Пикасо и на Стравински и човек со чие име се поврзува огромниот проект на изградба на Сиднејската опера. Истовремено, тоа е човекот кој загубил сè поради својата контроверзна врска со тн. „Вештерка од Кингс Крос“.

Три кратки, меѓусебно поврзани новели од овогодинешниот добитник на Нобеловата за литература, со истовремено мрачна и топла приказна која се одвива во студена земја. Патем, единственото дело од овој автор преведено на македонски, објавено во 2018. 

Да, убаво прочитавте. Прашањето делува необично затоа што сметаме дека вредноста на нашата планета е непроценлива. Но еден астроном успеал да ѝ стави цена. Таа во моментов е превисока, но како што сме тргнале, наскоро може да биде на попуст.