Несудениот македонски златен спонзор Субрата Рој сака да излезе од затвор ама за тоа му треба секретарка, канцеларија, опрема за видео конференции и уште пар неопходни деловни алатки (фикус?). И, судот најверојатно ќе му го дозволи тоа.

Јавно, ама без да се трудат да бидат многу гласни, Светската здравствена организација поддржа укинување на казните за поседување дрога за лично користење, а им даде и препораки на државите како да го направат тоа.

Французите откриваат дека 70% од рестораните во Париз кои нудат домашна храна, всушност служат загреана фабрички произведена храна. Ова го решаваат со воведување закон со кој секој што лаже дека служи домашна храна се казнува со 300.000 евра. Сега треба да решат од каде точно почнува домашното готвено.

По последниот ужас кој на осуден на смртна казна му го приредија затворските власти во Аризона, судија од федералната апелација предлага да се укинат неефикасните смртоносни инјекции и луѓето да бидат ферски ставени пред стрелачки вод.

Тоа што вам ви е смешен Џон Оливер, не значи дека и е интересен и на воената хунта на Тајланд, посебно кога ја исмејува владата и монархијата на земјата.

Кикстартер идејата да се соберат 10 долари за правење компир салата, заврши со неверојатни 50.000 долари. Иако признава дека сè почнало како заебанција, човекот кој ја водеше оваа лудо успешна кампања има пар совети за сите оние кои планираат да соберат пари од луѓе на интернет.

По пристигнувањето во Холандија, секоја од жртвите со посебен автомобил беше пренесена од аеродромот до гробиштата. Ова е видео од еден од мостовите на кои беа собрани луѓе за да ја поздрават поворката со починатите.

Во Британија се колат 17 милиони птици неделно. Гардијан прави тајна истрага за хигиенските услови на фармите и фабриките за пилешко месо кои ги снабдуваат најголемите супер-маркети и ланци за брза храна во земјата - KFC, Теско, Алди, Асда. Целата работа ја снима.

1988-ма САД и Иран веќе некое време се во притаена војна. Американците во Персискиот залив го имаат крстосувачот УСС Винсенс. На 3-ти јули Американците погрешно проценуваат дека еден ирански цивилен авион е воен и го соборуваат. Загинуваат сите 290 лица на авионот, меѓу кои и 66 деца.

За пари пари. И да покажат дека не се глупи глупи.

Фајт Клуб, Да се биде Џон Малкович, Матрикс, Блер вич проект, Магнолија. Тие ја предвидоа револуцијата во филмот, која никогаш не се случи, пишува Ескваер.

Израел и Палестина пак се пукаат. Цивилите пак гинат. Семејствата губат домови, хаосот продолжува. Пак. Ништо од ова немаше да се случува ако Израел беше сместен онаму каде што има логика: Во Германија.

Не е дилемата околу потребата на светска банка, туку околу тоа дали има потреба од светска банка со над 10 илјади вработени, која повеќе никој не ја есапи.

Во март кога Русија го анектираше Крим, ЕУ и наметна санкции на земјата. Кога пред неколку дена беше соборен малезискиот авион, ЕУ најави уште посилни санкции. Во исто време Русите и понатаму не изгледаат како да паѓаат на овие закани.

Холандскиот велосипедист Мартин де Јонг два пати ја избегнува смртта пропуштајќи ги двата кобни лета на Малезија ерлајнс (МH17 и MH370). Како што објасни Вулф Блицер на СиЕнЕн и во двата случаја Де Јонг во последна минута решава да не се качи на летот. Проблемот е што нема никаков доказ дека де Јонг воопшто направил резервација за карта за летовите.

Зградата е веќе изградена, и е предвидена за луѓе кои се подготвени да живеат во најмалите можни станови на светот. Микро-становите ќе почнат да се продаваат од 26-ти јули, (а покрај тоа како ви изгледа насловот) се меѓу подостапните домови на пазарот. Локација, едно од најнаселените места на светот - Хонгконг.

Њујорк е четврти на листата на градови според бројот на милионери што го има во својата популација. Се на се, секој 25-ти Њујорчанец е милионер.

Отворена веб  мобилна иплатформа која на граѓаните им го олеснува учеството во решавањето на политичките прашања кои ги засегаат. Засега, резултатите се скромни, бидејќи мрзата и незаинтересираноста често се потценети фактори.

Владите на државите кои полошо стојат од Данска на глобалниот индекс на среќата можат да накриват капа: одговорот зошто Данците секогаш се на врвот на среќните луѓе на оваа планета да ти лежел во генетиката.

Досега имаше летен, зимски, бањски, планински, здравствен, верски... Сега има и црн, односно мрачен туризам. Се сеќавате како скопјани сеиреа гледајќи што се случува во Арачиново?

Пред десетина години, Роуд Ајленд несакајќи ја легализира проституцијата која се одвива во затворен простор, И тогаш, во државата се случува нешто прекрасно.

Како што со стареење еволуира твојот вкус за храна, така и твојот организам не се однесува исто кон една иста храна ако ја јадеш на 20 и ако ја јадеш на 60 години. Во основа колку повеќе старееш, толку е покревок организмот во однос на твоето мени. Ова се некои од правилата препорачани од нутриционистката и порпарол на Британската диететска асоцијација - Хелен Бонд.

Сопругата била во такси накај аеродром со кој заминувала на 10 дневно деловно отсуство. Сопругот ѝ пратил писмо во кое педантно ѝ набројува зошто нема да му биде тешко да издржи без жена.

Во јануари 2012-та, Коста Конкордија заринка во близина на италијанското крајбрежје и две и пол години остана таму. Неделава бродот треба да биде тргнат од таму. Целата операција ќе и донесе на италијанската економија околу 1 милијарда долари.