Комитетот за разузнавање објавува извештај од 500 страни за контроверзната програма на ЦИА за притвор и испрашување на затвореници. Истрагата за извештајот трае 5 години и чини околу 40 милиони долари, заклучокот е дека програмата е неуспех, а информациите кои со неа се добиени од затворениците не се ниту уникатни, ниту пак посебно вредни.

Додека ние со години не успеваме ни елементарно да се преброиме, статистичарите на масивните порно сајтови Pornhub и Youporn извадија детални пресеци на сексуалните афинитети на луѓето од целиот свет. И ете така, сега не знаеме колку нè има ама знаеме дека сме повеќе по задници отколку по цицки. 

Пушачите се првите Евреи на нашето време, одвратна неариевска раса со жолти заби и нокти на кои наскоро ќе им се придружат сите оние кои го коштаат буџетот на Здравиот Рајх и јадат мрсна храна, пијат алкохол, водат љубов без кондоми, носат тесна облека, гледаат телевизија, висат на интернет, се тетовираат или сред лето се сончаат меѓу 10 сабајле и 4 попладне.

Не е првпат да го потопуваат, се надеваме дека нема да биде ни последен пат како повторно ќе се појави.

Милиони Американци мечтаат да се ослободат од товарот на долговите и еден ден да се разбудат а никаде и никому да не должат ништо. Оптимизмот опаѓа.

Се вели дека некој има добар вкус ЗА музика. Ама што е со вкусот НА музиката? Еден експериментален психолог се обидува да дознае дали постои врска меѓу сетилото за вкус и одредена мелодија.

"Колку што Запад е поарогантен, посамоуверен и понезаинтересиран, толку исмеваниот руски систем ќе биде попривлечен за оние на европските маргини. Така и ни треба кога Бугарите се мрзливци кои паразитираат на нашата социјална помош".

1о феноменални примери на државна лакомост.

Неговиот случај го обелоденија пред неколку години и сè уште е тоа убедливо најголемата количина дрога конзумирана од еден човек. За 9 години, Англичанец кркнал 40.000 таблети екстази. Добар е, освен што е параноичен, не може да ја отвори вилицата и никако да се сети дали е вторник или недела.

Голтањето магнети е штетно за вашето здравје. Еурека! Пушењето им штети на вашите пари. Невозможно! Поодалечените предмети потешко се гледаат. Тоа е тоа.

Една од партиите-сестри на партијата на Меркел, Христијанско-социјалната унија на Баварија (Christlich-Soziale Union in Bayern), предизвика контроверзи заради барањето имигрантските семејства да се обврзани да зборуваат германски и дома.

Њу Рипаблик е основан 1914-та и цел век е еден од клучните американски магазини. Во 2012-та, магазинот го купува Крис Хјус, тогаш 29-годишниот, Фејсбук милионер. Во септември годинава, тој го најмува поранешниот директор на Јаху Њуз, Гај Видра, за ЦЕО на магазинот. На почетокот од месецов тие го отпуштаат главниот уредник, а по него си заминаа сите останати уредници и новинари.

За три децении, Броз одгледал точно 8801 филм. Гледал просечно по 285 филма годишно, а најревносен бил во 1957-ма кога не пропуштил ниту еден ден без да погледне филм. Слична пасија имал само Гебелс, но тој гледал за да цензурира, а 'Стариот' главно за да се олабави. Притоа, не бил многу пребирлив.

Откако десетина дена на интернет пуштаа необјавени филмови на компанијата и чувствителни корпоративни тајни како плати, планови и слично, луѓето што го хакнаа Сони сега одлучија да почнат и да ја уредуваат програмската политика на филмското студио.

Една од убавите нуспојави од начинот на кој денес се регулирани авторските права е што фановите на легендарни музичари се во ситуација секоја година да добијат нешто старо а вредно од нивните идоли.

Помошниците на Обама "учтиво ама строго" побараа од новинарите во Белата куќа да не ги срамат пред гостите и да не ни помислат да прават селфи со принцот Вилијам.

26 центи од секој дониран долар во американскиот Црвен Крст одат на трошоци за собирање средства, а откако доларот ќе влезе во организацијата, од останатите 74 центи се одбиваат и дополнителни трошоци за "менаџмент и општо." Ова е спротивно од се што до сега го зборуваше ЦЕО-то на организацијата Геил МекГоверн.

Тешко дека ќе најдете нешто попросто од амебата, дури и на македонската јавна сцена. Па сепак, тоа глупо едноклеточно створче има 200 повеќе пати ДНК од Ајнштајн.

Во јули полицијата се обиде да го приведе Ерик Гарнер. Обидувајќи се, еден од полицајците го задави Гарнер кој почина на лице место. Од целиот настан има видео. И покрај ова полицаецот што го уби 44-годишниот црнец нема да биде суден по оваа основа. Само во 2014-та до Њујоршката полиција има 87 жалби за давење.

Една од најсовршените модерни бајки е идејата дека твоите калорични гревови од ужасниот начин на исхрана подмачкан од алкохол, можеш да ги испереш со магијата на детоксификација. Може, се додека веруваш во бајки. Во реалност станува збор псевдо-медицински концепт, кој функционира колку и змиско масло.

Ватикан во ревизија на своите банкарски сметки откри разлика од стотина милиони евра, за кои до сега не знаеле (или се правеле дека не знаат) дека ги имаат.

Најнаивниот од сите бели прашоци на светот, вештачкото млеко за доенчиња, почна околу себе да собира неочекувана публика - организиран криминал кој прави милиони долари од него.

Колку и да е бесцелно секојдневното мрчење и кукање и оплакување на својот живот и околина, на тоа може да се гледа и како на ритуал кој ги зближува луѓето. Праксата нè советува да бегаме од такви, теориски звучи сосема пристојно.

Документи од 2012-та покажуваат дека НСА има собрано технички информации за функционирањето на 70% од мобилните мрежи во светот (701 од 985 мрежи) и има листа од 1.201 е-маил "селектор" кој се користи за пресретнување на детали за компанијата од кореспонденцијата на нејзините вработени. (Селектор е термин на НСА за уникатно идентификување на меил или телефонски број.)