Норвешка си потопи еден свој воен брод под команда на НАТО. Бродот се судрил со нафтен танкер при што тој завршил на дното а танкерот ќе мора некогаш да се фарба бидејќи бил изгребан. На Норвежани не им е јасно како брод наменет за опаки воени ситуации не успеал да избегне едно од најбавните пловила на светот.

Автомобилскиот гигант кој е еден од најстарите симболи на американскиот начин на живот и лежерниот конзумеризам, реши да купи фирма која се занимава со скутери и нивно споделено користење. Автомобилџиите ќе направат сè што треба за кога ќе го спомнете нивниот бренд, да не помислите на ауспух.

Откако беше збунет од УСБ драјв, од немајкаде јапонскиот министер за сајбер-безбедност ја призна најголемата фалинка во своето резиме - никогаш нема користено компјутер.

По година и кусур конкурси, разгледувања, кандидатури и слично, Амазон неделава објави дека новото седиште на компанијата ќе го отвори во Њујорк и во северна Вирџинија, и за овој потег ќе добие државни субвенции во износ од 4,6 милијарди долари. Или: компанијата која чува 8,6 милијарди долари во кеш на оф-шор сметки за да не плати данок во САД и чиј сопственик е најбогатиот човек во светот, од американските даночни обврзници ќе добие на поклон 4,6 милијарди долари затоа што ќе отвори нови канцеларии.

Пред да ги извадиме нашите локални есапи, натежнати со сопствени математики, фино е да се погледне како проблемот, од кој идентично страдаат и далеку поголеми градови од нашиот, го објаснуваат посериозни истражувања.

Само на обновување и крпење на златните тавани, некогаш најскапиот хотел на светот (по градба, не по цена на соба) Емирати палас во Абу Даби, годишно троши 130.000 долари.

Оние кои го постираат сега ова видео, инаку едно од последните во насилно прекинатиот живот на Зоран Ѓинѓиќ, го наведуваат како крунски доказ дека неговите странски сојузници за него имаа само една задача, да го скине Милошевиќ а откако неа ја изврши, им стана непотребен па заврши како што заврши.

„Ако противотров за Трамп е Клинтон, тогаш противотров за ракот е инфарктот“, пишува за една од последните гротескни комбинации во кои Хилари повторно се враќа во игра колумнистот на Индипендент, Хаф и РТ, Џон Вајт.

Статијата е за едно потенцијално откритие кое стана хит на релевантна научна конференција а се работи за можноста бактерии од дебелото црево да си го наоѓаат патот до мозокот и таму да се населат за озбилно. Ќе ви ја раскажеме ние приказната поштено, ама нема да се отргнете од впечатокот дека вакви патешествија веќе имате видено во многу „успешни“ деловно-политички транзициски приказни во Македонија и Балканот.  

Останувајќи на својот (здрав) став содржински да не коментираат твитови на Трамп француската влада по повод последната тирада на американскиот претседател, само порача дека Трамп нема „основна пристојност“.

Како што започнаа, веќе традиционалните, есенски пожари низ Калифорнија така тамошните власти препорачаа граѓаните да почнат да користат N95 маски (бројката означува дека филтрираат најмалку 95% од честичките). Како што народ почнаа да слуша препораки, така аптеките низ големите градови останаа без ниту една маска.

Може не врши никаква работа во моментот, но за сета онаа американска воена армада испратена на гранциата со Мексико ова ќе дојде како добра вежба во случај Мексико некогаш да реши да нападне, барем така изгелда стратегијата во главата на американскиот министер за одбрана Џејмс Матис.

Тоа се тие берзантски калкулации кои никогаш докрај нема да ни изгледаат логични. Американската транспортна компанија Убер за само еден квартал укнижила загуба од 1.07 милијарди долари, па сепак, банкарските кругови проценуваат дека ќе се продаде за многу повеќе отколку пред загубите.

Освен дека е чудо во фудбал и дека на ефикасен начин најде излез од кризата и колапсот на нејзиниот банкарски систем, малата земја има адути и за долги патеки. Мнозинството од нејзините млади на возраст од 14 до 17 години се вработени, најмногу во секторот трговија.

Време е да се признае неуспехот на таканаречената европеизација на Балканот, пишува Игор Штикс.

Компилација од санкции, вртење кон домашно производство и јуриш во освојување на се попространи земјоделски земјишта, доведе до формирање на нова професија во Русија - каубојци.

Додека во нашиот галоп кон НАТО не остана дно што не го допревме (се молат надлежните ова да не го сфатат како предизвик), прво Макрон, па сега и Меркел откриваат сепаратистичка наклоност и се амбициираат околу формирање на сопствена европска армија.

Додека цели генерации неуспешно се стремеа за идеали од типот „да грам буде грам“ научниците решија да ја направат првата промена на килограмот во последниве 100 години.

Не само што САД им продаваат оружје на Саудијците за да го дотолчат и онака утепаното население на Јемен, туку и директно учествуваат во воздушните напади на земјата снабдувајќи ја саудиската авијација со гориво во лет за овие да не се прекинуваат сред бомбардирање.

Не можејќи да сфати како Британија воопшто заврши на патот на отцепување од Унијата, премиерот на Шпанија, Педро Санчез, повика на второ гласање за брегзит, објаснувајќи дека не му е јасно што чека Тереза Меј за да свика втор референдум.

Долго се очекуваа резутатите од едно повеќегодишно истражување за долгорочните ефекти од земањето витамин Д и рибино масло како суплементи. Конечно излегоа. Некој џабе се клука. 

Треба да се престане велосипедите да се продаваат на екологија и здрава животна средина. Ги возиме затоа што се забавни, здрави, евтини и практични - и затоа што ги нервираат луѓето што возат кола.

Првиот човек на Боринг компанијата порача дека компанијата не е само за фенси футуристички проекти како подземни тунели од град до град, туку дека радо ќе се зафатат и со помагање во решавањето на реални работи како копање канали за канализација.

Затоа што не може доволно да се нагласи обемот на пари, уште еднаш ќе го повториме насловот: Алибаба за 24 часа направи промет од 30,8 милијарди долари.