Откако вчера Холандија вети дека ќе даде 600 милиони долари за меѓународни програми за абортус и контрацепција за да ја пополни дупката во финансирање оставена од САД, денес на сличен аристократски прекор кон новата постава во Вашингтон се реши и ЕУ, кои од инает ќе инвестираат во борбата со климатските промени. За сега, уште нема твит од Трамп од типот - ви реков дека имаат пари, а само нè цицаат.

Откако кинеската градежна компанија Синобо ленд купи 64% од клубот, Пекинг Гуан денес се проценува на над 800 милиони долари, што според Блумберг е повеќе и од некои од најелитните тимови од Европа, "вклучително и 7-кратниот европски шампион Милан".

На 25 јануари претставници на мексиканската влада пристигнаа во Вашингтон на средба со луѓе од Белата куќа за прелиминарен разговор пред средбата меѓу Трамп и претседателот на Мексико. Двајцата на 31-ви треба повторно да ја преговараат НАФТА, најважниот трговски договор за Мексико. На 24 јануари во 21:37 Трамп на Твитер објави дека ќе го гради ѕидот кон Мексико.

Американскиот проблем со здравството е што неколку децении имаат "ескалација на трошоците без споредливо подобрување во квалитетот." Неодамнешно решение што американските власти го смислија за проблемот е воведување на "плаќање според резултати", и во пракса значи дека докторите добиваат бонуси за одреден "квалитет во стандардите за грижа."

Овој пат изгледа невозможно да се замисли мир по уште една таква војна. Има само една причина зошто таа војна, сепак, нема да ја има. Тука веќе нема ништо стварно важно. Благословените се неважни.

Хилари Клинтон со изборен пораз ја плати цената што се полакоми по парите на Голдман Сакс, најомразената американска компанија и синоним за злото на Вол Стрит. А сега Доналд Трамп рекордно ја накрцка Белата куќа со кадри од таа компанија.

Имаме старосни граници кога се во прашање цигари, алкохол и коцкање, а немаме старосни граници кога се во прашање мобилни телефони и социјални мрежи. Тоа е како да отворите бифе со алкохол и на тинејџерите да им кажете - ако ве мачат адолесцентски проблеми, послужете се. Баш тоа се случува, објаснува британскиот автор Симон Синек.

Африкански активист се залага за симнување на статуа на еден расист во неговиот град. Од Америка добива не само аплаузи туку и стипендија. Стипeдијата доаѓа од фондација основана од - пазете сега - истиот тој расист. Па има ли боље?

Американската инаугурација на претседател е замислена како моментот кога раскрстуваш со кампањата за твоето следно вработување и ја преземаш улогата на лидер на земјата. Ама како човек што толку добро си пројде за време на кампањата, да ја прекине кампањата.

Кога кон крајот на 1980-те Софискиот универзитет со помош на советскиот научен тим воспостави скромна инсталација на Антарктикот, малку кој можеше да замисли каква улога таа подоцна ќе одигра во идеологијата на бугарскиот национализам. Во невозможноста во пост-социјалистичкиот период да го остварат идеалот за "Голема Бугарија", многумина се задоволија со топонимска колонизација на празниот континент.

Додека милиони луѓе протестираа против новиот претседател, во осум американски држави републикански законодавци на големо буткаат закони со кои се криминализира правото на мирен протест. Како оправдание за рестрикциите се наведува сообраќајот, енергетската стабилност, опремата и слично.

Новинарот на Њујорк магазин заглавува во една московска гужва точно две коли пред брзата помош чии сирени упорно и подеднакво безуспешно рикаат за некој да и даде предност. На прашање зошто никој не мрда, сопатникот му одговара: затоа што сите знаат дека возачите на Брза помош прават пари на страна нудејќи ВИП возење до аеродром.

Честопати имаме чувство дека растечката нееднаквост е проблем на 21-от век и дека оние одвратно големи богатства на топ 1% или топ 10% најбогати наспроти сите други се модерна аномалија. Не, историјата и податоците го покажуваат спротивното. Има нешто труло во тоа Западот, само што ние недоволно озбилно ги земавме и Шекспир и Маркс.

Вашингтон пост прави завршна смета за успешноста на Обама во остварувањето на околу 40 големи ветувања што ги дава за време на двете претседателски кампањи.

Колку лоша година беше 2016. Со терористички напади, Британци излудени со брегзит, а Американците избраа Твитер трол за лидер на својата држава. Во Сирија и останатите воени зони, луѓето цела година се давеа во крв. Згора на сè, голем број од нашите најомилени уметници минатата година ја напуштија сцената, засекогаш. И сепак...

Сложно како во ретко кои прилики, белгиските парламентарци го одбија предлогот за укинување на бесплатното пиво и вино кои ги добиваат за да не мораат да ги напуштаат пленарните седници.

Некогашен министер за образование во српската влада и универзитетски професор деновиве бил најден премрзнат на клупа во парк. Приказната е тажна а богами и поучна, само што секогаш постои можност некој да извлече поинаква поука. Па да почне да краде уште повеќе за да се обезбеди на време. Едит: Оваа приказна на српски Курир, други српски сајтови (Блиц, Информер) ја прогласија за тотална измислица. Бетер се од нашиве.

Како претседател на САД ќе раководи со огромна машинерија од луѓе. Сепак еден е оној прв и најблизок круг на луѓе во кои владетелот има најголема доверба. Кои се тие кај Трамп, со малку побитолчанети прекари.

Романија, регионалниот златен стандард за прогон на поранешни функционери и премиери за корупција, од пред речиси 20 дена има нова влада, предводена од истата партија како и премиерот што пред некоја година кој стана пример за тоа дека и претседателите на Влада можат да одговараат пред суд.

Под овој наслов новинарката Асра Нумани го пишува текстот за Њујорк Тајмс, кој почнува со: Која е поврзаноста меѓу еден од најголемите донатори на Хилари Клинтон и Женскиот марш на Вашингтон? Излезе дека е прилично значајна.

Од почетокот на оваа година американскиот Конгрес има сериозен предизвик. Пред себе има закон со кој претседателот би се задолжил да ја извади земјата од членство во Организацијата на обединетите нации. А и овие ќе мора да се селат од таму. И, погодувате, тоа не е сè.

Омиленото балканско хоби - претурање по историјата, само што доби интервентна доза стероиди во форма на 12 милиони страници документи на ЦИА од кои е тргната ознаката државна тајна, а таму: Тито, СФРЈ, Србија, Хрватска, Словенија.

Трамп е најбогатиот претседател на САД во историјата на земјата. Трамп приказната во Америка почнува во 1885 кога Фредерик Трамп (дедото на Доналд) се качува на брод и стига во Њујорк. По 100 и кусур години семеен бизнис базиран на работа со хотели (курварник), згради, казина, градежништво, неплаќање фактури и слично, Трамп вчера даде заклетва како 45-от претседател на САД.

Истиот бегалски бран од пред една година кој ја помести Европа кон десно, успеа да ја натера Германија во позиција да навива и да промовира соработка со Турција.