Европската инвестициска банка (една од финансиските институции на ЕУ) се зарече дека ќе го одржи своето ветување да инвестира 20 милијарди долари годишно во следните 5 години во борбата против климатските промени.
Вернер Хојер, првиот човек на банката, порача "Ние Европејците мора да го водиме слободниот свет против климатските скептици," алудирајќи на претседателот на САД, кој вети дека ќе ја укине комплетната стратегија на земјата за борба со климатските промени. Трамп најави и дека ќе ги повлече САД од Договорот од Париз за климатските промени.
Минатата година од 88,5 милијарди долари што банката ги позајмила, 20,2 милијарди долари биле за проекти поврзани со климатски промени.
Според пресметките на банката, 100-те милијарди долари што планираат да ги посветат на борба со климатските промени во следните 5 години, се повеќе од која било друга мултилатерална институција.
Во вчерашниот извештај Европската агенција за животна средина наведе дека jужниот и југоисточниот регион на Европа ќе се соочат со најнегативните ефекти од климатските промени на континентот, што на терен ќе значи дека "топлинските бранови и сушите ќе станат поинтензивни и почести".
За подобро разбирање на влијанието на климатските промени, ѕирнете го ова:
