Тајм објави детално интервју со Зеленски и инфо од неговите најблиски соработници во кое се дава увид во промената на неговото расположение, лутината што никој од сојузниците не верува  во победа на Украина и нималку сјајната состојба на војската. Покрај сите оние милијарди долари воена и друга помош од Запад, текстот има поднаслов: „Осамената битка на Владимир Зеленски“.    

Германски Билд објави манифест до дојденците во земјата во кој им се објаснува дека домаќините не мислат да го сменат својот начин на живот само затоа што им дошле гости. Им се порачува дека е важно да го научат јазикот, има и лекции за бонтон. Едни одушевени од декларацијата, други велат дека е ова е лошо напишан но добро сумиран манифест на германскиот расизам. 

Нашиот свет е во хаос, и ние сме сред хаосот. Од терористичкиот напад на Хамас врз Израел се соочуваме со нова димензија на омраза во нашата земја - против нашите вредности, демократијата и против Германија, пишува Билд во воведот на својот Манифест за Германија.

На социјалните мрежи лесно им беше да удираат сатар и да цензурираат околу војната во Украина, откако Запад консензуално ја прогласи Русија и Русите за единствени кабаетлии. По инерција, истото го пробаа и со содржините поврзани со изралеско-палестинската војна, ама тонч - тука ситуацијата е малку покомплицирана во поглед на тоа кој е добриот а кој лошиот.

Да, сакаат тие да го сотрат оној другиот и притоа не прашуваат за цехот, само што со децении меѓу нив постоеше плодна кохабитација. Ваков Израел му требаше на Хамас за да покаже дека умереноста на оние од Западниот брег не врши работа, а Нетанјаху знаеше дека сè додека постои Хамас, ќе има изговор дека нема со кого да прави мир. 

Еуроклиар, белгиската компанија што ги чува замрзнатите руски милијарди, објави дека руското купче пари од јануари до септември годинава се зголемило за 3 милијарди благодарејќи на покачените каматни стапки, што е околу 10 пати повеќе од истиот период лани кога сумата порасна за некои си 347 милиони евра.

Германски студенти деновиве гласаа околу едно од најгорливите прашања што ги тангира во 2023: дали во јавните тоалети во еден тамошен универзитет треба да се постават „глори-холс“ за анонимен секс.

Кратко кажано: да ги нема. Израелското министерство за разузнавање изготвило таен документ во кој се скицира што треба, во неколку фази да се прави со палестинското население од Газа. Ок, да ги има, само не во Газа, туку во северен Синај. Како оваа идеја ќе ја избегне квалификацијата дека се работи за класично етничко чистење, ваљда попат ќе смислат Американците.   

Американскиот министер за надворешни работи, Ентони Блинкен, за време на посетата на Доха, побарал од катарскиот премиер новинската мрежа Ал-Џезира „да го стиши малку“ покривањето на војната во Израел.

Веројатно едно од најхуманите оружја што Израел ќе ги употреби во војната против Хамас и нивните тунели ќе бидат „сунѓер бомбите“ чија главна намена ќе биде да ги затнуваат подземните премини што ги користат палестинските борци.

Работејќи со примероци од глодари собрани само од  јужниот кинески остров Хајнан, кинеските научници успеале да откријат 8 вируси кои до сега не сме ни знаеле дека постојат, од кои еден е од исто семејство со ковид.

Арапскиот свет е едногласен во поддршката за своите браќа и сестри во Палестина. Да, ама на зборови. Истите тие после ќе речат, нема да ги отвориме границите и нема да примаме бегалци од Газа. А можеа и претходно да направат нешто за нив, да запнат и да ги извадат од сиромаштија и беда. Парите што му се даваа на Хамас очигледно отидoa за други работи. 

Зеленски го откажа говорот во романскиот парламент бидејќи тамошните опозиционери најавија дека ќе го реметат. А тие водат на анкети и имаат вртоглав пораст на поддршката. Ставот на Орбан е познат а Словачка ја откажа воената помош за Украина па Романија е следниот предизвик за позицијата на ЕУ. Само што Романија е многу поважна.

Соочени со растечки залихи и забавување на продажбата, битни директори од автомобилската индустрија неделава признаа дека не испаднало дека „струја ќе ни оди работата“ и дека нивните планови за електрични возила се покажале како преамбициозни, барем во догледно време. Скоро сите електрични денес се продаваат со попусти, ама и натаму тешко се продаваат.

Четири години по првиот случај, коронавирусот си го живее својот живот, постојано мутирајќи за да обезбеди свој опстанок. Сега на сцена се две варијанти кои, покрај оние веќе познатите, додале нови симптоми на нивно присуство. Во меѓувреме, американска студија утврди дека вакцинираните деца и млади, го шират вирусот во период ист како и другите. 

Њујорк тајмс седнува и од ново го гледа видеото што израелски и американски високи функционери го наведуваат како клучен доказ дека смртоносната експлозија во болницата Ал-Ахли Араб е дело на залутана палестинска ракета. И не се баш сигурни во официјалната верзија.

Процентот на возрасни Италијанци кои сè уште живеат со своите родители традиционално е висок, но една мајка била принудена да преземе драстични мерки откако нејзините два сина - говеда со по 40 и кусур години - упорно одбивале да ги напуштат удопствата на семејниот дом. На нејзина среќа, се погодила судијка.

На црнците кои живеат во Европската Унија, третманот не само што не им се подобрува туку им се влошува. Расисмот кон нив е во пораст последниве години е една третина годинава биле мета на некаква расна дискриминација. Освен во Германија и Австрија, каде бројките се двојно поголеми. Плус сиромаштија.

Војната во Украина беше шокантна и потресна за целосната западна јавност која изминативе три генерации нема видено војување на ова ниво. Таа гледа измачувачка, убиствена бруталност во која мажи влегуваат во борба, претрпуваат тешки загуби, и потоа преживеаните - по краток одмор, ако имаат среќа - се повторно вратени во борба, и повторно и повторно се додека војниците почнат да веруваат дека смртта е сигурна.

До сега се убиени околу 50 луѓе од заложниците што Хамас ги киднапираше на 7 октомври, но не од нив туку од израелските воздушни напади на Газа, објавија Ал Касам бригадите на Телеграм. Хамас во нападот киднапираше најмалку 220 израелски државјани.

Апсење на американски оперативци за промени на режими во Тбилиси, сугерира дека можеби се готви пуч на владата на Грузија, што би бил круна на најновата шарена револуција, некаков Мајдан 2.0. Како што украинската контра-офанзива доживува неуспех, Запад се чини нетрпелив да отвори втор фронт во својата прокси-војна. Инаку, што би правел Канвас во Грузија?

“Блек Рок е најмоќниот концерн на светот за кој никој не слушнал“, напиша своевремено германската новинарка Хајке Бухтер за овој неформален владетел на светот. Во Србија влегоа тивко, деновиве вработуваат а опозицијата ја имаше фатено уплав дека се имаат намерачено да го откупат јавниот долг, за што земјата би ги заложила своите природни богатства.

Се работи за водечкиот извозник на фентанил во САД, кој по наредба на Чапитос групата (предводена од четворицата синови на Ел Чапо) во иднина не смее ниту да произведува ниту да шверцува од крајно смртоносната дрога.

Ќелијата на Хамас што го организираше најсмртоносниот напад на Израел цели две години успеала да му се скрие на израелското разузнавање комуницирајќи преку мрежа од жичани телефони поставени низ нивните тунели под Газа.