Освен за претседателските избори, парите се дадени и за кампањите за кандидати на ниво на сојузни држави за избор на гувернери, правобранители и законодавци.
Од парите, 4 милиони долари се дадени за демократските кандидати за двата дома на Конгресот. Околу 2,5 милиони се дадени на организација која промовира право на абортус, истата сума е доделена и на организација која се залага за поголема застапеност на афро-американци во власти на сојузно ниво.
Најголемата еднократна сума што Сорос до сега ја има донирано е 125 милиони долари, која во јануари 2022 ја даде на Демокраси ПАК една од организациите што собира пари и поддршка за Демократската партија.
Сорос фонд менаџмент, кој ги исплати овие 60 милиони, во февруари инвестираше 400 милиони долари во радио-компанијата Аудаси, која поседува 220 национални радио станици во САД. Се претпоставува дека компанијата и нејзиниот имот ќе биде искористен за трубење на прогресивната агенда на Сорос.
