Поминаа шест години откако деликвентната активистка Грета Тунберг „научно“ предупреди дека климатските промени ќе го збришат човештвото до 2023 година ако не ги исфрлиме фосилните горива. Климатски активисти денес велат дека мразот на Арктикот ќе се стопи некаде помеѓу 2035 и 2067 година. Некој некогаш сигурно ќе погоди. До тогаш ќе се бележат промашувањата.

Првпат во историјата Британија влезе во „атеистичка ера“, со повеќе атеисти отколку верници во Господ. Научниците мислат дека имаат одговор зошто луѓето ѝ го вртат грбот на религијата. Верските обичаи им се здодевни.

Микропластиката на најразлични начини продира во човековото тело и најчесто се вгнездува во мозокот, повеќе отколку во другите органи. Загрижувачка е концентрацијата на честички од пластика во мозоците на луѓето со деменција. Не е доволно испитано како пластиката влијае врз здравјето, но се поврзува со мозочни и срцеви удари.

Супербактериите што станале отпорни на сите познати антибиотици убиваат по повеќе од 1,27 милион луѓе секоја година. Нови антибиотици речиси и да нема. Израелски научници откриле дека во нашето тело сме имале арсенал против бактерии и штоф за природни антибиотици.

До 2050-та, над половина возрасни и една третина тинејџери ширум светот ќе бидат влезени во категоријата дебели (правилниот збор е ужасен: обезни). Преброени по човек, најмногу ќе ги има во Кина, Индија и САД, но на сцената се појавуваат некои неочекувани тешкаши. Нигерија, на пример. Во 2021 година имала 36 милиони буцмасти а на средината на векот ќе ги има 141 милион. Машала.

Мобилниот телефон сигурно ви е при рака. Или можеби на него ги читате овие редови. Ве фаќа уплав ако не го гледате околу себе? Ново истражување потврдува дека смартфоните се дрога слична на никотин или алкохол. Апстиненцијата може, но не мора да го подобри расположението.

На 75 години почина Дејвид Џохансен од групата која, кога почна да пржи на почетокот на 70-тите, п од панк немаше на европската сцена. Заедно со Велвет и Стуџис ја обележаа њујоршката сцена во таа деценија иако во првата фаза имаа само два албума. Кога се распаднаа, во Европа допрва почнуваше панкот бидејќи вирусот веќе беше раширен.   

Бандити поставуваат заседа, се качуваат на возот, ја запираат локомотивата во пуст дел на Аризона и бегаат со полни торби плен. Само што не е 1875, туку 2025 година. Бандитите не јаваат коњи туку возат камиончиња. Пленот не се сефови полни со пари или злато,  туку патики. Илјадници скапи „најки“.

Не е ништо ново ако се каже дека лошите животни навики ни го скратуваат животот. Лошо е кога тоа ќе го потврдат научниците со податоци дека просечниот животен век во Европа престанал да се зголемува по 2011 година. Формулата за долговечност останува иста: помалку лоша исхрана, повеќе физички активности.

Секнувањето на чешмата на УСАИД и паниката која се создаде во глобалниот медиумски пејсаж ја бустираше веќе постоечката криза на терминот „независни медиуми“: како се независни ако се зависни од пари на странска влада? Иако Агенцијата со своите проекти таргетираше странска публика, пораките се враќаа во Америка, овојпат од странски медиуми, како „веродостојни, независни и доверливи“ извори за цитирање.

По долги и прилично жестоки дебати и преписки, кавги и јавни жигосувања, нова студија од Универзитетот Јејл потврдува дека вакцини против ковид кај некои луѓе може да предизвикаат несакан синдром што се манифестира со заматување на умот, умор и вртоглавица, но и имунолошки последици.

Колонија дабари во заштитеното подрачје на планината Брди во близина на Прага во Чешка, неповикани и доброволно завршиле еден клучен државен проект за ревитализација на мочуриштата. Со својата акција, на локалните власти им заштедиле околу 1,2 милиони евра.

Пратеникот на американскиот претседател за специјални мисии, Ричард Гренел, повика на укинување на финансирањето на државните медиуми како што се Гласот на Америка и Радио Слободна Европа. Вели, освен од бирократијата која ја гуши, Европа сега е слободен континент и нема потреба од такви медиуми кои веќе никој не ги слуша. Илон Маск се согласи.

Иако Франција има недостаток на гинеколози, еден од нив бил казнет со привремена суспензија од вршење на професијата откако рекол дека е некомпетентен да прегледа маж кој тргнал да менува пол и да транзитира кон жена. „Немам професионални знаења и искуства со мажи дури и кога ќе ги избричат брадите“, рекол казнетиот гинеколог.

На уште едно дувло на најразлични разбудени иницијативи кое гордо ги парадираше своите политики во времето на Бајден деновиве од ведро небо му дојде инспирација дека треба да раскрсти со истите.

Помладите генерации се повеќе следат некоја „духовност“ по сопствен избор, и е помалку веројатно да бидат атеисти отколку нивните родители или баби и дедовци.

Од корпоративниот сајт на Амазон, вториот по големина работодавец на светот, без трага се збришани сите корпоративни политики на компанијата во кои се истакнуваше како таа се залага за ЛГБТ правата и расната рамноправност.

Во ера кога пензионирањето изгледа како хоризонт кој сè повеќе се оддалечува, извршниот директор на една од најмоќните компании во светот, БлекРок, има пасив-агресив порака до работниците. Лари Финк вика: Никој не треба да биде принудуван да работи повеќе отколку што сака, но, лудо е да се пензионирате на 65 години.

Познато е дека осаменоста и социјалната изолација делуваат негативно на вкупната состојба на човекот а едно ново кинеско-британско истражување ја покажува биолошката равенка на таа состојба. Кога ќе чуеме „протеини“, обично имаме позитивни асоцијации, меѓутоа не секогаш е тоа оправдано.

Оскаровецот и еден од најдобрите живи композитори на музика, Ханс Цимер, е ангажиран да работи на химната на Саудиска Арабија и уште неколку проекти во земјата.

Во име на нечија заштита, знаеле да се прават големи бељи. Таква е и оваа намера на британскиот премиер Кир Стармер да ги заштити вработените лица да не бидат вмешувани во дискусии на сензитивни теми на нивните работни места, вклучително и од страна на клиентите. А ако се случи тоа, казнет да биде работодавецот. Навидум ок, ама ај да видиме некои ситуации.

Додека младите во богатите западни земји се зависници од мобилни телефони, поанксиозни се од сите претходни генерации и во име на „здрав живот“ се ужаснуваат од експериментирање со супстанци и диви журкања, нивните баби и дедовци се потсетуваат дека се генерации пораснати на секс, дроги и рокенрол. И како што стареат, сè повеќе се враќаат на старите навики.

Доналд Трамп најави планови за оживување на Холивуд кој, според неговото (и нема само негово) мислење, последниве години упорно губи публика и пари и си дозволува да пропаѓа заробен во челуста на родовите и други разбудени идеологии. За таа цел, како прв чекор, именуваше тројца „специјални амбасадори“ кои ќе треба да го спасат симболот на американскиот сон. 

Кризата која доведе до тоа Шпанците последниве години да не можат ниту да купат стан, ниту да платат кирија, Мадрид планира да ја решава со воведување на 100% данок за имот купен од лица што не се државјани на ЕУ.