Неодамна известивме за, во најмала рака, необичната одлука на Загрепската филхармонија да ги извади „веселите“ дела на Чајковски од концертната програма и нив да ги замени со „посоодветни“ на Бетовен и Барбер. Во брилијантен текст на оваа тема, Дежуловиќ во ритам на кисело алегро вивачисимо, ја прави парам-парче, и оваа неинформирана (или лицемерна) одлука, и целиот концепт на „тажна“ и „весела“ музика. 

Ако некоја идна (блиска или далечна) апокалипса не ги збрише сите сервери од лицето на земјата, примарен извор на идните историчари ќе бидат актуелните фејсбук постови и твитови. За минатото исто толку гласно зборуваат сочуваните весници, кои на хартија изгледа ќе потрајат подолго отколку дигиталните пиксели. Накратко: 1938, Кралство Југославија.

И до сега беше тешко да се искажат критички ставови низ уметнички перформанси во Русија. Но актуелната ситуација го зголеми нивото на нивна ангажираност, особено во контекст на можностите кои ги нуди блокчејн технологијата. Додуша, некои и понатаму повеќе сакаат да искажат став физички, со сета душа и тело. 

Фигура седи сама на сцена, облечена во развлечен џемпер и пантолони, со прекрстени нозе. Бавно ги движи своите раце и исто толку бавно ја врти главата. Овој единствен изведувач не е човек. Тој, или тоа, е аниматроник, подвижен андроид или со други зборови, робот.

Напишан во 1956, „Балет на лепрозните“ ќе биде издадена заедно со други кратки раскази и радио драма од почетокот на кариерата на Коен.

Кога ќе се каже „поп ѕвезда“ обично пред очи доаѓаат Боуви, Принс, Адел. Соло изведувачот и композитор, познат по своите мелодии и стихови, е столбот на популарната музика. Прв, или меѓу првите такви во светот бил човек чие име денес е подзаборавено.

Учествуваат на аудиции. Плаќаат даноци уште од првата година. Добиваат критики за своите улоги. И не ги бркаат од сет кога ќе ги наполнат пелените. Штета што најверојатно нема ни да се сеќаваат на овие искуства. 

Селото се вика Дафен, се наоѓа во јужна Кина, и повеќе од 20 години е во центарот на глобалната трговија со уметнички репродукции. Според уметниците, најевтини, затоа што се наводно најлесни за правење, се делата на Ван Гог, а најскапи се нео-класицистите.

Kога пред неколку години една 81-годишна госпоѓа успеа да се искачи на 26-метарски столб и да изведе акробатска точка, сето тоа без сигурносна мрежа, многумина се прашаа - од каде искрсна оваа жена? Она што тие не го знаеа е дека нејзината дотогашна кариера траела цели седум децении, и дека таа е меѓу ретките преживеани од нејзиното семејство, чии членови често страдале од падови при изведба на слични точки. Преживеале, и старост дочекале само оние кои по пат се откажале. Освен Карла. 

Матеј е „наше дете“, растен во Скопје, образуван во САД, денес со своја продуцентска куќа во Лос Анѓелес. Најнова вест поврзана со неговата работа е вклучување на песната Аbout That Time во изведба на THEY., продуцирана од негова страна, во саундтракот на најпопуларната Нетфликс серија во моментов, Inventing Anna. Повод да му поставиме неколку прашања, за неговите музички вкусови, разликата помеѓу сцените на Балканот и во Америка, и што е она што му недостасува од татковината.

Денешниот датум е двојно редок, не само затоа што може да се чита исто нанапред како и наназад, туку и нагоре и надолу. Во 21 век има 29 палиндромски денови во европскиот формат на ден-месец-година. Првиот беше на 10 февруари 2001, а последниот ден ќе падне (да сме здрави-живи) на 29 февруари 2092. 

Најчесто се спомнува во контекст на ментално здравје и обидите да не се одложуваат обврските. Иако звучи неповрзано, овој ефект се користи и во телевизискиот бизнис, создавајќи ни чувство на „недовршеност“ ако не ја изгледаме серијата или програмата до крај, прекинувајќи ја со доволно возбудливи „клифхенгери“.

Нова студија на поствоено истражување во САД, кога стотици луѓе намерно биле заразувани со жолтица, е шокантно но и значајно за ерата на ковид. Траело цели триесет години, а вклучувало припадници на стигматизирани групи - затвореници, ментално болни и оние кои не сакале да одат во војска. 

Царските архиви во Токио содржат различни медицински совети за долговечност. Меѓу нив и такви кои имаат врска со суптилната уметност на спалната соба. Запомнете го бројот десет.

Фразата која се состои од седум ноти е користена во бројни поп и џез мелодии. Но може да се најде и на почудни места, како во класични дела, поп и рап хитови. Како кога некоја говорна фраза ќе фати корен и луѓето ја употребуваат дури и несвесно, така и „лик“-от изгледа дека е насекаде.

На египетската и другите древни цивилизации гледаме како на култури на надлуѓе, кои немаат голема врска со нашите актуелни и секојдневни предизвици. Освен ако не сте од оние кои сметаат дека станувало збор за вонземјани, Еѓипјаните биле во голема мерка како нас. Требало да работат, а понекогаш едноставно не им бил денот.

Откако беше купена од Њујорк Тајмс за дебела сума, мега-популарната зборовна сложувалка ги исфрли „неподобните“ од своите редови. Со ова само се потврди дека промени во слободниот концепт по продажбата сепак ќе има, иако оние кои го критикуваа потегот тогаш повеќе мислеа на реклами и спонзорства.

Новица Никиќ за вработените и за посетителите на белградскиот театар Атеље 212 е легендарен лик. Во бифето поминал цели 45 години, и не се сеќава на полошо време од ова со коронава. Плус, кај се видело актери да пијат цедени сокови. 

Вториот роман од серијата за Шерлок Холмс, „Знакот на четворката“, објавен во 1890, почнува со тоа како големиот детектив отпакува поткожна игла од својот несесер, си го поткрева ракавот и се подготвува да си стави инекција. „Кокаин“, му вели тој на љубопитниот доктор Вотсон, „седумпроцентен раствор. Сакаш?“. Така станува најпознатиот фиктивен лик - корисник на оваа дрога.

Христијанска религиска заедница со потекло од Велика Британија, била позната по тоа што доживувала епизоди на „тресење“ по целото тело од верски занес во текот на проповедите. Пристигнале во САД во 1774, и не биле пречекани со ентузијазам. Една од причините било нивното отфрлање на бракот и телесните задоволства воопшто.

Доколку користите каква и да е апликација за слушање музика, алгоритамот за кратко време почнува да ви го учи вкусот, па во еден момент изгледа како тој/таа/тоа да ве познава повеќе од некои реални луѓе. Но дали групирањето на одредени бендови и жанрови навистина го отсликува нашиот карактер? Дали психолог би можел да направи проценка на типот на личноста само врз основа на плеј-листа?

„Рачно правена“ е веројатно намерна игра на зборови во наслов на книга на Лиза З. Сигел од 2020, која се рекламира како „прва историја на американската ракотворена и домашно изработена порнографија“. А не дека нема таква и кај нас. 

Истото она што ги тера луѓето да се јавуваат на отворените телефонски линии во телевизиските програми каде дури и водителот ги слуша со половина уво, ги тера и постојано да коментираат под туѓи постови, без оглед на темата. Некои луѓе едноставно се чувствуваат обврзани да имаат став и мислења за сите горливи прашања, и нив да ги искажат во форма на неконструктивно мрчење.

Од амбалажа за благца до пакетчиња нудли, професор Канг Донг-ван собира отпад кој се трупа на брегот на Јужна Кореја, а морето го носи од онаа Северната. Притоа, она што го наоѓа разбива стереотипи, но и укажува на еколошки и други проблеми за кои малку се зборува кога се во прашање овие две земји.