Успехот на електронските картички од типот на Wrongcards, кои содржат саркастични а понекогаш и навредливи пораки до оној кому му се упатени, може да се објасни со малиот злобник во секој од нас. Но ова е поинакво - молиш некого да те хејта. Ама со посебно изработена разгледница само за тебе.

После куп вакви списоци на „знаци кои...“, конечно дочекавме и таков кој се однесува на книги. Но не се секирајте, дури и да не задоволувате голем број од овие услови, тоа не значи дека не ги сакате книгите. „Навлеченост“ конечно и не е најздравиот однос. Ни кон книги, ни кон луѓе.

Еден од најсаканите француски композитори и шансоњери почина на 79 години по долга болест.

Другарот Боро бил толку присутен на овој сајт, што понекогаш се воздржуваме да не преведеме нешто ново од него, само за да не ве удавиме. Ама сега еве ветуваме дека за некое време ќе апстинираме. И тоа затоа што - му објавивме книга!

На денешниот празник, да ги испитаме малку границите на писменоста. Дали таа е догма, или помеѓу неа и очигледната неписменост има простор за малку лежерност. Дали, ако за ништо друго, да си писмен се исплати затоа што тоа е - секси?

Боб полни 72. И ја чувствува нашата љубов.

На прв поглед сосема обичен документарец на Даг Блок за неговото семејство. На втор, потресно сведоштво за точноста на една стара руска поговорка - дека душата е темен подрум. А особено онаа на твоите родители.

Замислете дека сте поканети на некаква мистериозна забава. Добивате знак на распознавање, рачен часовник, а на одредено место ве чека човек кој ќе ве однесе на едно чудно, „забрането" место - цистерна за вода.

Има така некои класични книжевни ликови и дела, кои иако малкумина реално ги имаат читано, се вистински поп-икони. Еден од нив е сигурно е данскиот принц и неговата вековна дилема. Мешап од негови спомнувања во филмови и ТВ шоуа, а сигурно има и уште.

Вчерашната вест за смртта на клавијатуристот и со-основач на Дорс, разжалости многумина. Но што всушност работел тој сите тие 40 години по распадот на групата? Еве некои од неговите проекти, кои главно останале во сферата на експерименталното и не го добиле заслуженото внимание.

Да не ни беше вака објаснето, навистина немаше да знаеме, и ќе стоевме ко збунети среде продавница, со необичниот предмет в рака. Сега е јасно - тој е за читање. Има неограничен рок на употреба. И нема опасност при правилно користење. За последново сепак сме некако скептични.

Како поддршка на Англискиот ПЕН, кој се залага за слобода на пишувањето и права на писателите во светот, познати писатели прифатиле да напишат белешки на своите први изданија, кои потоа ќе бидат дадени на продажба. Некои од нив откриваат до сега непознати детали за делата, и за односот на авторите кон нив.

Пред неколку дена излезе нова книга на познатиот американски истражувач на умот, филозофот Даниел Денет, „Интуициски пумпи и други алатки за мислење". Еве некои од нив кои се навистина корисни. Oсобено ни е драг Окамовиот брич, а иако е тешко, се обидуваме да го следиме и она за негубење време на глупости.

Дали кога готвите по рецепт повеќе сакате да ви нацртаат или да прочитате што треба да направите? Ако сте од првите, ова е книга за вас. 

„Ми се допаѓа тоа што го работиш" е нов документарец кој ги регистрира секојдневните животи на девет жени во тек на десет дена, додека тие снимаат лезбејски порно филм во Њујорк. Трае шест часа, а можете да го гледате онлајн за десет долари. Порака: и тие се само луѓе.

Во театарот Стерија во Вршац се подготвува претстава посветена на прерано починатиот музичар.

„Тоа ти е ко некој роман. Дневнички белешки од кои направив книга. Поминав некое време во Италија, па ете, пишував. Интимни белешки за планинарење, и тоа прво планинарење во животот. Па после као се муваш со некоја женска, добро јадеш, пиеш добро вино, и на крај од тоа излегува роман. Ма супер!"

Откако објавивме дека преведувачите на новиот роман на Браун морале да бидат во бункер додека го преведувале на 11 јазици, сега наидовме на уште поинтересна информација. Како славниот писател ја разбива сопствената авторска блокада.

Оваа година престижната британска награда која се доделува од 1994 ја доби книга за убиство на хотелски рецепционер од страна на британски војници во Ирак, и збирка текстови на Мари Колвин, која минатата година погина во Сирија додека известуваше за тамошниот конфликт.

Автобиографијата на еден од најславните тенисери во историјата на овој и-не-толку-бел спорт потврдува. Дека тој не бил несфатен, туку едноставно - кретен.

Оваа недела, по повод 40 години од првото објавување на Алан Форд во Хрватска, во Загреб се одржува премиера на претстава по мотивите на славниот стрип.

Веста на денот, кои некои портали по инерција заради тоа што се работи за актерка ја класифицираа под „забава“, е дека една од најубавите жени во светот се одлучила „од мирно седење“ да си ги извади обете гради. Еве го нејзиното писмо во Њујорк Тајмс во целост, во кое ги објаснува нејзините мотиви, како за операцијата, така и за обзнанувањето на целата работа.

Барајќи начин како сами себе да си го осветлиме утрово, наидовме на филмчево, кое нема шанси да не ви предизвика блага насмевка. Заради едно пијано кое се вика св. Франкештајн, и еден симпатичен тип, кој го вози. Да, го вози.

Во „Последната битка" на Стивен Хардинг, која излезе од печат пред неколку дена, се опишува еден необичен настан: заедничка битка на американски војници, француски затвореници и германски војници, на крајот на Втората светска војна.