Дали би волонтирале за деноноќно да корегирате дело на наш познат писател, за тоа да може да се објави онлајн? Дали би се труделе да нема ниту една грешка, просто од срам и заради почит кон авторот? Кај Русите има такви луѓе. И тоа најмалку три илјади.

Скопските липи, сармата на мајка ви, мирисот на некој кој ви е драг - замислете да можете да си ги сочувате во кутивче, и да си „шмркате" од нив кога ќе ве фати носталгија?

Maкедонското списание Macedonian Journal of Medical Sciences е едно од 300-те на чија адреса пристигнала намерно лажирана научна статија на новинар од Science. И едно од оние кое ја - објавило.

Уметноста на „спуштањето" е токму тоа - вештина која произлегува од нечиј табиет, но која и се бруси во текот на годините, збогатена со животно искуство и мотивација да се возврати во вербалниот пинг-понг. Еве неколку одлични примери, какви ретко среќаваме во бледите расправии помеѓу нашите јавни личности.

Какви сè потајни желби, гревови и страсти има оваа навидум благородна и софистицирана професија, чии претставници, повеќе од било кој обичен смртник, би требало да знае како, и со луѓето, и со книгите.

Eленор Катон, со нејзините 28 години, е најмладата добитничка на наградата која ја доби за романот „Луминати" (The Luminaries), роман на 848 страници - најдолгиот кој некогаш добил Букер.

После бестселерот „Како да водиш љубов како порно ѕвезда", Џена на 21. октомври ќе го објави својот дебитантски роман со сладок наслов - „Шеќер".

Пред неколку години шведска Икеа го смени фонтот од Футура во Вердана, а оние лојалните на првиот кренаа вистински бунт. На повеќето од нас секако не ни беше гајле. Но што ако се работи за писмо на еден цел народ?

Денес (14.10) во Париз завршува четиридневниот фестивал посветен на 50-годишнината од смртта на Едит Пјаф. Толку години беа потребни за католичката црква конечно да го прифати „врапчето" во своите редови.

Германскиот, со неговата способност да формира „долга магарица“ од неколку зборови, често е извор на заемки, барем во англискиот. Schadenfreude (сеир) или Zeitgeist (дух на времето) се само некои примери. А зошто покрај постоечките да не се измислат и нови?

Вселенска одисеја која визуелно ќе ве остави без здив, а сценаристички ќе направи да се запрашате - зошто имало потреба во таа величествена тишина некој воопшто да отвара уста?

МекДоналдс - оној што го нема во Скопје - одлучи да стане издавачки гигант. Во следните два месеца играчките во пакетите за деца ќе ги замени со книги. Иронија: тие ќе бидат со нутриционистички педагошки пораки.

Не е ни Јапонец, но рок музичар, а не е ни машко - Манро е тринаесетата жена и прв жител на Канада добитник на престижната награда. Летово изјави дека ќе се пензионира, а сега има и добра причина да си го одржи зборот. Поточно милион и двеста илјади причини. 

Да не делуваше убедливо, ќе мислевме дека е иронија упатена до сите влади кои кратат од буџетските средства во областа на културата. Но изгледа дека вистинската причина за згаснувањето на славната библиотека не бил пожар, туку нешто навидум многу побанално, а подеднакво страшно.

„Мојот српски волк" е љубовно романче од извесна Харизма Најт. Има само 90 странички, ама доволно да собере куп негативни критики на Амазон, од типот „ѓубре", „ужасно", „грозно". Но еден осврт на Good Reads може да послужи како урнек за рендање на ваквите жални книжевни обиди.

Режисер, актер и продуцент, Шеро во музичките кругови ќе биде запамтен по антологиските оперски поставки, особено по тетралогијата „Прстенот на Нибелунзите“ на Вагнер, чии дела, и по два века од неговото раѓање, остануваат голем предизвик и за режисерите и за изведувачите.

Стариот добар Бук за тоа дали навистина се потребни идеални услови за да создаваш, или тоа е сепак жесток внатрешен порив, кој одолева на сите животни премрежја. И стрипче според негова песна на оваа тема.

Новата книга „Што го прави човека херој?" тврди нешто во кое често ни е малку тешко да поверуваме - дека човечкиот мозок е програмиран за несебичност. И дека песната на Мараја Кери не е толку лигава колку што звучи.

Авторот на нашиот омилен стрип доби свој астероид! 4942 Манро (претходно познат како 1987 DU6) орбитира околу Сонцето на внатрешниот раб од главниот астероиден појас, и не е закана за Земјата.

Најновиот број на музичкиот магазин Moџo е посветен на 10-годишнината од смртта на Џони Кеш, и оди со ЦД, под наслов „Џони Кеш и пријателите". Eдна од песните на него е најдобра поетска дефиниција на тоа што е „пола“ која до сега сме ја сретнале.

За да бидеш одличен во прогнозирањето кој ќе ја добие наградата на Шведската академија во областа на литературата се потребни извесни квалификации. Познавањето на она што го напишале кандидатите не е една од нив.

Oвој петок во Загреб се отвори третиот меѓународен уметнички фестивал „Екстравагантни тела", кој ги анализира начините на кои општеството ги одредува границите на нормалното и патолошкото. Темата оваа година е третото доба, попознато и како старост.

Истражувачи од Универзитетот на Пенсилванија анализирале статуси на 75,000 волонтери (!) и притоа се обиделе да пронајдат сосема различен начин за толкување на човечката личност, подвид: Фејсбук корисник.

Повеќето од нас се задоволни со слушање музика. Но германскиот фотограф Мартин Климас сака и да ја визуелизира. Чистењето по секоја фото сесија му е бонус.