- Дејвид Бекер, Демис Хасабис и Џон М. Џампер го добија високото Нобелово признание за 2024, за нивното откривање на кодовите на протеинските структури.
- Една половина од наградата оди кај Бејкер, за неговиот дизајн на протеини со пресметковни методи, а другата половина ја делат Хасабис и Џампер за предвидување на структурата на протеините.
- „Животот не би постоел без протеини. Тоа што сега можеме да ги предвидиме протеинските структури и да дизајнираме сопствени протеини е огромна благодат за човештвото и има огромен потенцијал“, се вели во соопштението на комисијата.
- Американецот Џон Хопфилд и британско-канадскиот научник Џефри Хинтон ја поделија овогодинешната Нобелова награда за физика за откритија кои доведоа до втемелувањето на машинското учење.
- На прес-конференцијата, комисијата изјави дека двајцата употребиле алатки од физиката за да развијат методи кои стојат во основите на денешните моќни невронски мрежи, кои вршат револуции во науката, инженерството и секојдневниот живот.
- Пионер на вештачката интелигенција, Хинтон го напушти Гугл во 2023 и изјави дека го направил тоа за да може слободно да зборува за опсаностите од технологијата, откако сфатил дека компјутерите би можеле да станат попаметни од луѓето многу побргу отколку што тој и други експерти го очекувале.
- Почина Михаил Ренџов, еден од најреномираните македонски поети, прозаист и преведувач, објави неговиот син, музичарот Петар Ренџов. Имаше 88 години.
- Ренџов завршил Правен факултет, но неговата голема љубов беа поезијата и литературата, па со години работел во Националната и универзитетска библиотека „Свети Климент Охридски“ во Скопје и беше е член на Друштвото на писателите на Македонија (ДПМ).
- Автор е на дваесетина збирки поезија, меѓу кои и „Иселеник на огинот“ (поезија, 1965); „Ноќно растење на зборот“ (поезија,1967); „Каде од оваа страна“ (поезија, 1968, „Издишки“ (поезија, 2013). Го превел и епот „Гилгамеш“.