- Дарон Ачемоглу, Сајмон Џонсон и Џејмс Робинсон го добија Нобеловото признание за економија за „проучување на тоа како се формираат општествените институции и како тие влијаат врз просперитетот“.
- Добитниците на наградата, формално наречена Sveriges Riksbank Prize in Economics, воспоставена во спомен на Алфред Нобел, се соопштени денес, 14.10., во Стокхолм. Тоа е истовремено последната во низата Нобелови награди која се доделува оваа година, вредна 1.1 милиони долари.
- Признанието на тројцата добитници им се доделува поради тоа што тие ја демонстрирале значајноста на општествените институции во намалувањето на огромните разлики во приходот помеѓу земјите во светот. Сите тројца работат во САД - Ачекоглу и Џонсон на МИТ, а Робинсон на Универзитетот во Чикаго.
- Во нова колумна на Венко Андоновски објавена во Нова Македонија, тој се занимава со односот меѓу моќта - идеолошка категорија и телото - биолошка. Крајната цел на секоја тоталитарна идеологија е да го покори телото, затоа што телата се тие што маршираат во воен строј, водат војни, гласаат и можат да се управуваат.
- Тоа најдобро се гледа врз примерот на гениталиите, кои се епицентар на судирот меѓу билогијата и идеологијата, судир на телото со моќта. Но што кога паланката трпи недостиг од тела, односно материјал врз кјо би можела да ја тренира својата дисциплина? Што се случува кога другиот тип паланчани (откако поминале една ноќ во големиот град или во мотелот на половина пат) ќе отрикјат дека гениталиите можат да служат и за задоволства и уживање, а не само за репродукција?
- „И, додека овие две паланечки војски (отелотворени дури и во спротивставени партиски „програми“) водат војна околу функцијата на гениталиите, речиси никој не гледа дека и едните и другите со своите радикални ставови предизвикуваат ист ефект: масовно иселување на младите. Не гледаат дека гениталиите, кај гладниот и безработниот, немаат смисла ни како извор на уживање ни како „алат“ со кој се гарантира опстанокот на „родот“. Човек со празен стомак ниту помислува на деца и семејство ниту на „бесполезен“ оргазам. И така, си се сменуваат на власт „конзервативните гениталци“ и „авангардните гениталци“, а нашите деца секојдневно се иселуваат, без разлика дали сакаат со гениталиите да создадат семејство или да уживаат во нив.“
- Трубадур со назабена пила наместо лаута. Црн јавач на расипани точаци. Маалски бард. Циркуски кротител на подивени џубокси. Плеснете со рацете, гласно плескајте со рацете за 75-тиот роденден на единствениот ТОМ ВЕЈТС!
- Барајќи го срцето на саботната вечер, на 7 декември со почеток од 20 часот во Буква ќе го гледаме филмчето TOM WE ARE WAITSING (2009), ќе слушаме музика и ќе ги читаме неговите песни во препев на македонски. Гратис: ракија вејтсовача.
- Акустични инструменти и моментални инспирации за изведба на кавери се добредојдени.
