- Во Киното Фросина, во Младинскиот културен центар, во 20.30 часот се отвора 9-тото по ред издание на фестивалот „Киненова“ со проекција на првиот македонски долгометражен анимиран филм „Јон Вардар против Галаксијата“ во режија на Гоце Цветановски.
- Годинашен добитник на наградата за особен придонес во светската филмска уметност е австрискиот режисер Улрих Зајдл, кој ќе присуствува на свеченоста и ќе ја прими наградата. Неговиот филм „Кучешки денови“ ја доби наградата од жирито во Венеција во 2001.
- Покрај шесте филма во главната програма каде ќе има филмови од Израел, Хрватска, Грција, Иран, Црна Гора и Македонија, за првпат ќе се претстави и финската кинематографија, а ќе можат да се видат и делата на лауреатот преку филмовите од неговата филмска трилогија РАЈ/PARADISE. Новина е и тоа што поголемиот дел од проекциите се во киното на Домот на културата „Биљана Беличанец“ во Кисела вода.
Целосната програма тука
- Во нова колумна на Венко Андоновски објавена во Нова Македонија, тој се занимава со односот меѓу моќта - идеолошка категорија и телото - биолошка. Крајната цел на секоја тоталитарна идеологија е да го покори телото, затоа што телата се тие што маршираат во воен строј, водат војни, гласаат и можат да се управуваат.
- Тоа најдобро се гледа врз примерот на гениталиите, кои се епицентар на судирот меѓу билогијата и идеологијата, судир на телото со моќта. Но што кога паланката трпи недостиг од тела, односно материјал врз кјо би можела да ја тренира својата дисциплина? Што се случува кога другиот тип паланчани (откако поминале една ноќ во големиот град или во мотелот на половина пат) ќе отрикјат дека гениталиите можат да служат и за задоволства и уживање, а не само за репродукција?
- „И, додека овие две паланечки војски (отелотворени дури и во спротивставени партиски „програми“) водат војна околу функцијата на гениталиите, речиси никој не гледа дека и едните и другите со своите радикални ставови предизвикуваат ист ефект: масовно иселување на младите. Не гледаат дека гениталиите, кај гладниот и безработниот, немаат смисла ни како извор на уживање ни како „алат“ со кој се гарантира опстанокот на „родот“. Човек со празен стомак ниту помислува на деца и семејство ниту на „бесполезен“ оргазам. И така, си се сменуваат на власт „конзервативните гениталци“ и „авангардните гениталци“, а нашите деца секојдневно се иселуваат, без разлика дали сакаат со гениталиите да создадат семејство или да уживаат во нив.“
- Трубадур со назабена пила наместо лаута. Црн јавач на расипани точаци. Маалски бард. Циркуски кротител на подивени џубокси. Плеснете со рацете, гласно плескајте со рацете за 75-тиот роденден на единствениот ТОМ ВЕЈТС!
- Барајќи го срцето на саботната вечер, на 7 декември со почеток од 20 часот во Буква ќе го гледаме филмчето TOM WE ARE WAITSING (2009), ќе слушаме музика и ќе ги читаме неговите песни во препев на македонски. Гратис: ракија вејтсовача.
- Акустични инструменти и моментални инспирации за изведба на кавери се добредојдени.
