На страна тоа што го пишува во официјалните норми за секоја од претседателските дебати, двете кампањи потпишале таен меморандум со Комисијата за Претседателски дебати, во кои ги уредуваат правилата за дебатите. Од типот - Комисијата треба да се потруди никој од кандидатите да не се испоти.

Соединетите Американски Држави.

Ниту четвртина од Американците не одговориле позитивно на прашањето: "Дали вчера прочитавте печатен весник?"

За да се ублажи табуто меѓу муслиманите чија вера забранува зеленашење, пуштена е Мастер кредитна картичка во која има вметнат компас кој на корисникот секогаш му ја покажува Мека, точниот правец на дневните молитви. Прајслес.

Не сакајќи да ги поврзуваат со грчката влада, посебно не во делот со кредитниот рејтинг, еден од најголемите производители на грчки јогурт (a.k.a. кисело млеко) во светот, се отсели од матичната држава.

На страна желбата на Баумгартнер и гравитацијата на Земјата, главна работа зад успехот на Феликс беше технологијата која му помогна да се качи горе и да се спушти во еден дел.

Уште не е познато колку Микрософт планира да заработи на Виндоус 8, ама затоа се знае дека планира да потроши меѓу 1,5 и 1,8 милијарди долари на негово рекламирање.

Вонсериски лудиот Феликс Баумгартнер успеа во својата намера да се фрли од керамидите на вселената, притоа да го пробие звучниот ѕид и на крај да слета на нозе во пустината Ново Мексико. Ако понеделнички имате дилема дали за нешто што ви е битно вреди конечно да го направите првиот чекор, ѕирнете како изгледа тоа кога пред себе се има бездна од 39 километри.   

Сајт за лични контакти од Данска, организира натпревар само за своите машки членови а наградата е најновиот Ајфон и Ајпад 3. Победник е оној што ќе докаже дека има најмал пенис во земјата.

Подготвувајќи се за сезоната, Американците грижливо пресметаа колку ќе ги чини тоа што зимава нивните сограѓани ќе фатат грип.

DI е среден по големина производител на полупроводници од Јужна Кореја, која без никакви промени во бизнис план, производство, технологија, маркетинг или менаџерски тим, во рок до 3 недели успеа да ја зголеми вредноста на своите акции за речиси 200%.

Норвежаните и дадоа Нобелова награда за мир на ЕУ, што не значи дека Унијата треба да си ласка дека тие воопшто помислиле да станат нејзини членови.

Деновите излезе ново истражување според кое социјалните медиуми се најнеодоливата активност за луѓето. Повеќе од цигари, повеќе од секс, повеќе од спиење.

Додека Кисинџер се заблагодаруваше за Нобеловата награда за мир за потпишување мировен договор со Виетнам, ко-добитникот и преговарач од виетнамската страна Ле Дук То, изјави: "Во југоисточна Азија се уште нема мир. Во овие околности, за мене е невозможно да ја прифатам наградата."

Тоа што сè што се случува во Вегас не остана во Вегас, доведе до голем резил за принцот Хари. Од друга страна целата работа значеше милиони за промоцијата на градот.

Откако излезе од Белата Куќа Ал Гор се посвети на две работи: климатски промени и "зелена технологија." Од оваа занимација до денес има заработено како нафта да продавал.

Зeмете ја најголемата сметка за телефон што сте ја добиле, помножете ја со најголемиот број што го знаете и на крај пак ќе имате помалку за плаќање отколку една Французинка.

Додека се подготвува за првото објавување на сериозна количина тајни во последните неколку месеци, Викиликс комплетно неочекувано воведе наплата за пристапување на сајтот.

Српскиот суд прогласи за виновен еден 68-годишен маж кој бил фатен од полицијата дека не носи лична карта. Човекот е овчар, и е фатен сред планина додека го чувал своето стадо. Бонус - за малку ќе го казнеле и за тоа што кучињата (чувари) не носеле заштитни маски.

Во САД се затвора и последната фабричка лента во земјата која полнеше Кока-кола во мали повратни шишиња. Главна причина - им ги крадат шишенцата.

Околу 500 семејства во Албанија, 140 на Кoсово и непознат број во Македонија живеат во домашен притвор страхувајќи дека некој нивен член ќе биде убиен во знак на крвна одмазда. Сега меѓу Албанците се собираат потписи кои ќе се толкуваат како беса дека се откажуваат од овој начин на терање правда.

Запознајте се со Чарли Фукуа, кандидат за републикански пратеник во претставничкиот дом на Арканзас, кој освен намалување на даноците и отворање нови работни места се залага и за воведување смртна казна за непослушни и бунтовни деца.

Во 2009-та Телефоника охрабрена од правата за продажба на Ајфон во неколку држави, објавува храбри предвидувања за идната заработка. Три години подоцна Телефоника е најзадолжената компанија во светот.

Не еден, не двајца, не петмина, туку комплетното градско собрание на Реџо Калабрија (популација околу 190.000) доби отказ заради врски со мафијата.