Гневен на уште еден до бога глуп испад на Баптистичката црква на Вестбороу (сектата најави протести на погребот на Робин Вилијамс), австралиски тв водител и понуди на црквата бесплатен превоз и сместување во Ирак, за таму да го бранат христијанството и да им протестираат на ИСИС. Овие изгледа прифатија.

Официјално ова е една од најтешките суши во историјата на Калифорнија, заради што властите мораат да црпат вода од вештачките езера со кои ја покриваат дневната потрошувачка (луѓе, индустрија земјоделие). Сликите за споредба се направени во 2011-та.

На 12. август родителите на Џејмс Фоли добиваат меил од ИСИС, во кој групата најавува дека тој ќе биде егзекутиран. Последен пат тие биле контактирани од ИСИС во ноември минатата година, кога за Фоли бил побаран откуп од 100 милиони евра. Глобал Пост го објавува целиот меил со дозвола од родителите, верувајќи дека "тој дава увид во мотивацијата и тактиките на Исламската држава."

Проблемите со пари создаваат проблеми во планирањето на време за вежбање и здрави оброци. Овој проблем се решава со неефикасни стратегии за слабеење, кои на крај не решаваат ништо.

Во 1985-та Ана Винтур станува уредничка на британскиот Вог, 3 години подоцна ја префрлуваат на истата позиција ама на американското издание. Речиси 30 години подоцна, не е мрдната од таму.

По зборовите на Адам Севиџ, крајот на оваа сезона е и "крај на ера," од шоуто си заминуваат тројцата помошници водители: Кери Бајрон, Грант Имахара и Тори Белечи. Следната година ќе ги гледаме само Адам и Џејми.

Кога во држава преплавена со кокаин некој се фаќа да прави криминал со пелени, човек почнува да им верува на тазе татковци ужаснати од парите што ги оставаат за пелени.

Бизнисот со киднапирање и последователна продажба на киднапираниот е вториот по големина извор на пари за терористичките организации. Пред него се само спонзорствата од државите, а зад него заостанува ограбувањето банки, приватните спонзорства и други форми на собирање пари.

Месецов Сони објави дека од премиерата во ноември до сега веќе има продадено 10 милиони Плејстејшн 4 конзоли. Деновиве првиот човек на Сони за конзолата во интервју призна дека не знаат зошто толку добро им оди со продажбата. И тоа по јапонски стандарди е знак за проблем.

На почетокот од летото во тајна воена мисија две дузини командоси од Делта форс прават упад во нафтена рафинерија на северот од Сирија, во кратката престрелка ги совладуваат сите милитанти на ИСИС и откриваат дека таму нема ниту еден заложник.

Пред неколку дена милитантни на ИСИС упаѓаат во едно село со Јазиди на северот на Ирак. Бараат цело село да се откаже од својата вера и да станат муслимани. Сите селани се согласуваат со барањето. Одбива само селскиот главешина.

Во ноември 2012-та, Џејмс Фоли враќајќи се кон Турција застанува во едно интернет кафе во северот на Сирија. Фоли е со својот преведувач и во кафето се задржале околу еден час. Од тука фаќаат такси и тргаат кон турската граница. На сред пат вооружени лица го стопираат таксито и го вадат Фоли. Од тогаш Фоли исчезнува - се до вчера.

За шоуто на полувремето на Супер Боул 2015-та НФЛ е во преговори со Колдплеј, Кејти Пери и Ријана. Преговараат кој од нив ќе му плати повеќе на НФЛ за да пее на полувреме.

Откако уште еден советски споменик сред Софија беше урнисан со графити и боја, Москва и најофицијално побара од Бугарија повеќе да се потруди во спречување на вандализмот на советските споменици и да зачисти.

Во 1960-та по матурирање Мухамед ал-Талбани почнува бизнис со рачно произведени благи од сусам и кокос. Тој се развива низ децениите и во Газа гради фабрика вредна 30 милиони долари, која за Рамазан треба да го снабди пазарот со благо. Кратко пред празникот почнува најновиот судир и фабриката на ал-Талбани е срамнета со земја.

Официјално никој не пие алкохол во Иран, и никој не е алкохоличар. Неофицијално ова е една од најпогрешните статистики за Иран.

Крајната сума што ќе ја потрошите не зависи од детето колку бара, толку родителот колку има да потроши. Некаков просек за фискалната што ќе ја добие Американецот кога ќе стане возрасен е меѓу 250 и 300 илјади долари. Куче е десет пати поевтино.

Официјалните бројки на Фејсбук се дека секој 7-ми човек на планетава барем еднаш месечно се закачува на социјалната мрежа. И покрај ова начинот на кој функционира "њуз фидот" во најдобар случај на корисниците им е јасен до ниво дека се работи за алгоритми и магија.

Тргајќи од старата кинеска поговорка "нема нешто што човек не би направил за 30 минути кредит за мобилен," во Пекинг се инсталирани машини кои вашето ѓубре го трампаат за припејд минути.

Нигерски свештеник ја покажа својата човечност и им понуди лек на заболените од ебола во соседна Сиера Леоне, испраќајќи им на властите - 4.000 шишиња (негова) света вода.

Кинеските и руските функционери предупредуваат за потенцијална хуманитарна криза во мирната американска провинција Мисури, каде прастарите локални тензии зовреа во директно насилство.

Телевизијата прво комплетно се префрли од документарци на реални шоуа, па потоа почнаа да пушта реални шоуа со сомнителна автентичност (Амиш мафија), за годинава да претрпи цел бараж критики од научниците за тоа како програмата за време на Неделата на ајкулите е само измислици.

Како најголеми глобални бубалици, сред свет во кој има 10 активни војни, Шведска објави дека прославува 200 години мир. Дополнувајќи го впечатокот, шведските племенски мудреци објаснуваат дека сето ова време најтешко им било што морале да научат како да заземаат не-конфликтен став во секој конфликт.

Сопственикот на дневниот весник Епл Дејли (од Хонгконг), Џими Лаи, доби посмртница на цела страна во конкурентскиот Ориентал Дејли. Да нема забуна првиов газда е жив, и цела редакција од кај овие вториве го знаат тоа.