Како за влада која активно ја поддржува италијанската опозиција, Французите многу се вознемирија што италијански функционери им вратија мило за драго, порачуваат од италијанското Движење 5 ѕвезди.

Марк Галеоти е автор и експерт на тема руска политика и криминал, чија главна порака од сета таа експертиза е дека Западот комплетно погрешно го има протолкувано Путин како и комплетна Русија.

Ќе испадне дека има зрно вистина во оној блесав стих „чеда сме на Александар“. Според последната теза околу неговата смрт, кога бил прогласен за мртов, Александар сè уште бил жив само што не можел да даде никаков знак за тоа. Ни со рака да мрдне, ни со глас да се јави. Ко нас да нè гледаш.

Кога прв пат го спомна оданочувањето од 70% за американските богаташи, намерата на Александриа Окасио-Кортез е парите да бидат пренаменети за Зелен нов договор, кој ќе има две главни точки: борба против климатските промени и борба против економска и расна неправда. Сега таа и официјално го објави планот.

860.000 граѓани на Велика Британија решиле да откажат претплата за радиодифузна такса. Најкраткото објаснување за ова гласи: Нетфликс. 

Дмитри Песков со години е јавен службеник на позиција портпарол на Путин. Додека тој 'рмба во администрација неговата сопруга Татиана Навка успеа да развие империја за недвижности вредна над 10 милиони долари, барем за толку се знае.

Од рикошет на една вест на ББЦ дознаваме за таџикистански закон кој би можел да нè поштеди од оние инста чалами за тоа кој каде бил за роденден и колку тоа било прејако. Роденден ти е? Викај гости дома. Марјан џабе ли онолку возеше за да се дом'кне до кај неа?

Двете страни се договараат и снимаат филм, некаде пред премиерата во приказната се вмешува #MeToo со стандардна издржаност на обвиненијата, па целиот проект е ставен на пауза.

Пред да запише колеџ, Марк Закерберг добива понуда од својот татко Едвард, да бира дали сака да оди на Харвард или сака да води сопствен Мекдоналдс по франшиза.

Емануел Макрон не е среќен човек. Популарноста на францускиот претседател е толку ниско падната што неговиот американски колега, Доналд Трамп, во споредба со него изгледа како рок ѕвезда.

Во соопштение кое се толкува како де-факто признание дека американските одбранбени ракетни системи Патриот не работат како што треба, американската армија објави дека го купува Железна купола системот од Израел.

Да речеме, ги убиваш Французите за цела територија на Франција да ти остане на располагање за пошумување. Новата вегетација шмука CO2 од атмосферата па климата се лади. Победа?

Истрагата во Амнести интернешнл открива токсична работна култура составена од силеџии, јавно понижување, дискриминација и злоупотреба на моќ, појави против кои оваа организација активно се бори вон своите канцелариски простории.

Незадоволен вработен во банка, инаку програмер, открива клучна мана во системот со која може да вади бесплатни пари од банкомат. И ја користи.

Парите ги даваат активисти за заштита на животната средина, а за да ги добие Папата би требало годинешните велигденски пости да ги истера вегански, што би му дошло по православно мени, и тоа без зејтин.

Фотограф ангажира 15 тинејџери на возраст од 13 до 19 години, ги фотографира и има ги дава сликите да ги уредат колку што мислат дека треба пред да ги објават на Инстаграм или кој и е да е друг социјален медиум.

Лоша вест: Харвард решава да го истражи влијанието што марихуаната го има врз спермата. Добра вест: нема лоша вест.

"Менувачница" на криптовалута соопшти дека не може да исплати 190 милиони долари на нејзините клиенти. Затоа што сопственикот починал. И со себе во гроб ги однел лозинките.

Како и секоја новинарска мака последнава деценија и на оваа корените и се во Гугл и Фејсбук, поточно во нивните деспотски алгоритми кои со една најмала измена можат да те преплават со посетители или целосно да ти ги секнат истите. Од другата страна на шалтерот ова се одразува како нивна способност да изберат кои вести на кои корисници ќе им бидат послужени, а кои ќе бидат тргнати на страна.

Првиот човек на Амазон, Џеф Безос, е еден од најголемите бизнис душмани на првиот човек на САД, Доналд Трамп, а и покрај тоа овие две години од мандатот на вториов се најпрофитабилни во кариерата на првиот.

Доволно е едикојси научник лежерно да нафрли неодговорна проценка, тоа да го грабнат неколку медиуми (има ли појак наслов за лајкови од „За една година ќе имаме лек за рак!“), а колективната амнезија да се погрижи да имаме чувство дека сево ова ни е првпат. 

Без да натураме решенија, подеднаква превенција од проблемов што го имаат родителите на 27-годишниов Индиец е мастурбација или контрацепција.

Ја убија дилемата да се седи дома или да се отиде на некој концерт. Последниов викенд, музичарот Маршмело одржа концерт во моментално најпопуларната видео игра на светот, Фортнајт. Хмм музичар, хмм концерт.

По последните пресметки вредноста на биткоинот е пониска отколку трошокот за негово копање. Во основа сега копањето биткоин се исплати само ако на диво земаш струја од бандера, или ако некој реши да ти ја плати сметката за струја.