Зеленски нема друг излез освен да тргне во напад, за да ги оправда парите и оружјето кои ги доби. Ако газдите се налутат, нему и на неговата компанија им висат не само функциите туку и животите. Затоа има само еден излез, да оди до крај, испраќајќи во смрт илјадници мовилизирани во смрт, процени некогашниот руски претседател и премиер, Дмитри Медведев.

Минатиот јуни ЦИА добила разузнавачки податоци, преку европска шпионска агенција, дека 6-член тим составен од украински специјалци имал намера да изврши саботажа на гасоводот меѓу Русија и Германија, објавува Вашингтон пост.

По неколкумесечна пауза откако беше испуштен од Фокс, најгледаниот американски плејмејкер на вести се враќа, и тоа на Твитер. Првата негова епизода, во првите седум часа имаше публика од 40 милиони луѓе. За контекст: CNN во прајм тајм денес има нешто околу 330.000 гледачи, знаеле да паднат и на 100К.

Оние кои забележуваат дека Парадата на гордоста има станато пародија на самата себе, се обвинуваат за „трансфобија“ и „омраза“, блесав но ефикасен метод за избегнување критики. За сите овие смарачи, важно е да се идентификува каде тоа застрани Прајд, пишува Ендрју Дојл во Спектатор. Инаку, геј е човекот.

Со гласна поддршка од влијателни тинк-тенкови, САД на Украина од почетокот на војната ѝ имаат донирано над 48 милијарди долари само во воена помош. Сега излегува дека таквите тинк-тенкови се финансирани од оние што го произведуваат оружјето кое се испраќа на фронтот. Има логика.

Додека по светот се промовираат како клучно оружје за намалување на емисиите на јаглерод, на малкумина им текнува дека соларните панели имаат животен век до 25 години. Што ќе се прави со милијарди панели кои на крајот ќе треба некако да се отстранат и уништат? 

Поранешен началник на руската агенција против корупција е прогласен за рекордер по примање мито во Русија, што, имајќи ја предвид Русија, треба да значи нешто.

Се работи за една од најголемите брани во Украина која ја пресекува реката Днепар и чија стратешка важност за Русите е што од таму со вода се снабдува Крим, а за Украинците е што водата од оваа брана се користи за Запорожје нуклеарната централа, плус е наоѓа на некои си 30 км од Херсон. Утрово се случи експлозија по која браната е збришана, а водата почна да се излева.

Неверојатен, а можеби и без преседан отворен и искрен одговор на поранешен француски министер за економија за тоа какви сè методи користат САД за одржување на својата светска доминација, вклучително и кон сојузниците. „Но и ние сме виновни, бидејќи имаме заборавено дека слободата секогаш има цена,“ вели Арно Монтебур.

Изминативе месеци некои од најголемите глобални корпорации со неизмерни системи на проверка и одлучување, решија да свртат од стандардните пораки и најдиректно да ја поддржат разбудената идеологија, посебно во делот на промоција на транс-права. Секој што го направи ова му се случи крах на берза од милијарди долари и по него пак излезе нова компанија што го повтори истото.

Првиот човек на американските вооружени сили објави дека е започната обуката на украинските војници на Абрамс тенковите, меѓутоа тие треба да се сметаат за долгорочна одбрана против Русија, а не нешто што ќе и биде достапно на Украина за контраофанзивата.

Кинеската влада масовно ги користи германските воени пилоти излезени од служба за обука на својата воена авијација, и ова не е по мерак на владата што ја платила целата нивна обука и образование.

За разлика од нас, на Американци (кои не играле Age of Empires) не им е баш најпознат поимот јаничари, па магазинот Револвер за својата публика нуди неколку паралели меѓу нив и денешните транс-активисти: во поглед на нивното регрутирање, фанатичната лојалност, гениталното осакатување, социјалната промоција и желбата за статус во Империјата. Ашколсун.

„За жал, задржувањето на старата кола се чини подобра опција од купувањето електрична. Постојат и битни еколошки причини да не се брза со промената“, пишува во Гардијан актерот изненадувајќи нè и со неговото образование: има завршено електро факултет и магистрирано на контролни системи.

Не, не е тоа нивниот прв тапанар Пит Бест. Пред Брајан Епштајн, Битлси имаа друг менаџер кој се налутил кога овие не му платиле за една свирка. Замислете да можете да се вратите во времето и да инвестирате некоја пара во Битлси. Денес тоа би било огромно богатство. Ален Вилијамс имал таков удел, ама дигнал раце. За девет фунти.    

По убиството на Џорџ Флојд на чудесен начин процвета една индустрија која нудеше скапи обуки за диверзификација и уште поскапи експертизи за „најдобри практики.“ Милијарди долари вредна шашма која брзо се вгради во многу моќни јавни и приватни институции. Учинокот на таа сурија експерти и консултанти е некогаш нула, а некогаш минус.  

Религиозната реторика и апокалиптичните визии се чувствуваат како дома во радикалниот еко-активизам. Библиската апокалипса е одмазда за грешниот свет, таква е и зелената апокалипса, само што, за разлика од првата, нема да изгорат само грешните туку топтан сите. Еко-радикалите не следат никаква наука, тие промовираат библиски фантазии.

Во отворена програма со слушатели, го прашуваат Скот Ритер што мисли за неодамнешната изјава на американскиот сенатор Линдзи Грем (Види: Проговори некрофилот Линдзи) дека најдобра американска инвестиција е што ѝ давале пари на Украина за да убиваат Руси. Дали е тоа нормално?

Главната идеја зад нападите на руска територија е да се создаде реална закана за Русија, која би била присилена да се повлече, целосно или делумно, од фронтовските линии за да може да ја одбрани својата заднина. И ова до сега низ историјата се има покажано како успешна тактика, која во случајов има сериозни недостатоци.

Некои од најголемите глобални медиумски групи како Ројтерс, Блумберг и Вол стрит журнал останаа без покана за присуство во седиштето на ОПЕК за викендов, каде деновиве треба да се одлучи за производството на нафта во остатокот од годинава.

Веројатно некаде во Вашингтон се води евиденција колку семинари за демократска контрола на војската се одржани во светот. Нема држава што во вечерната школа на демократијата не ги минала предавањата за парламентарните механизми за надзор на војската, полицијата и тајните служби, исклучувајќи ги од тоа јавните странски служби бидејќи тие се таму како гарант на демократијата.

Како никогаш до сега де-доларизацијата доби на сила на глобално ниво, а главен ќар од овој процес за сега има кинескиот јуан, меѓутоа процените се дека Кинезите и не се нешто посебно желни да го заменат доларот на светско ниво.

Поради незапамтениот интерес за една болест како што беше ковидот, истражувачи штанцаа и им беа објавувани студии кои не задоволуваат ни минимални научни стандарди или пак биле етички спорни. Сега полека се расчистува теренот но штетата ќе трае долго: дури и повлечените студии продолжуваат да бидат цитирани.  

Кога британскиот министер за транспорт триумфално на Тикток покажуваше како 58-метарска руска суперјахта вкотвена во Лондон повеќе нема да смее да мрдне од пристаништето, и покрај целата желба тој не смееше да стапне на нејзе затоа што Британија само ја замрзна нејзината сопственост, но не ја заплени. Идентично е и со останатите стотици милијарди долари замрзнат руски имот.