Некако низ годините ИТ индустријата успеа на сите позиции во своите редови што не се поврзани со продажба, маркетинг и дизајн да им го накалеми терминот „инженер“. И ова е погрешно по голем број основи. На пример, инженер инженер има вистинска должност кон јавната безбедност и сигурност.

Помошта што организаторите на вакви настани ја добиваат од Фејсбук не се однесува само на промоција на борбите, туку и на развивање на цела мрежа за безкрупулозна трговија со кученца.

Пред 20-тина години откриваат дека извесен ген има големо влијае врз ризикот од депресија. На основа на тој научно докажан факт се калемат куп истражувачки трудови кои прецизираат секакви можни детали поврзани со темата. Две децении подоцна, се констатира дека фактот баш и не е факт а целата научна документација изградена врз него, сега може да се користи за виткање тегли ајвар.  

Во 1997 Ричард Ашкрофт од Верв ја пишува една од химните на бритпоп ерата „Bitter Sweet Symphony“, и до пред некој ден тој немаше речиси никакво право врз песната затоа што земал семлп од песна на Стоунси.

Се работи за генетска терапија по име Золгенсма наменета за третман на смртоносната спинална мускулна атрофија кај новороденчиња, и Новартис ја продава за 2,1 милиони долари.

Експлоатацијата на вработените станува многу поприфатлива за околината кога вработениот го сметаат за „пасиониран“ околу својата работа, покажува споредба на повеќе студии.

Неколку дена по отворањето на Уметничкото биенале во Венеција, на плоштадот во главниот град се распостелува див тезгаџија што вади 9 уметнички слики за да ги продава. За некое време доаѓа полиција и го пакува човекот затоа што е без дозвола. Не се знае дали продал нешто. Од вчера се знае дека е Банкси.

Најмалку две лица се умрени откако одлучиле да послушаат еден Јутјуб надрилекар според кој аутизам се лечи со пиење варакина. До сега еден од клиповите на темава има над 2 милиона прегледи, па веројатно ова нема да бидат последните два случаја.

Доколку се продолжи со загревањето на планетава луѓето низ Европа ќе мора да почнат да работат драстично помалку часови неделно за да се избегне климатска катастрофа. Колку драстично? Максимум 9-работни часа неделно.

Дали затоа што не знаат каде точно грешат или затоа што се уште нема некои цврсти правила што сè може да биде толкувано како сексуално малтретирање, околу 60% од мажите менаџери изјавиле дека им е непријатно да работат во близина со жени. И ова е раст од 32% во однос на минатата година.

Речиси секој втор анкетиран Американец изјавил дека смета дека арапските броеви не треба да бидат дел од наставната програма што се предава во американските училишта.

Без да се навлегува во уметничката вредност на делото на Џеф Кунс и дали тоа е споменик на „преценет кич од 1980-те“, останува фактот дека неговиот зајак е најскапо продаденото дело од жив уметник, рекорд што баш и не го личи многу во време кога богаташите се вонредно привлечна мета за отстрел.

Од денеска, килограмот не е она што беше до вчера. Од 20 мај 2019 година стапува на сила нова, радикално поинаква дефиниција на оваа мерка од Меѓународниот систем на единици. Макс Планк лајкс дис.  

Родителите што своите деца ги растат како вегани треба да бидат судски гонети, решија белгиските доктори по неколку смртни случаи на деца во тамошни училишта, јасли и болници.

Во најгерманската можна кражба, група крадци решиле дека најдобар начин до лесни пари и брзо богатење е да оберат цела нива со јагоди.

Како што добиваше на изглед, боја и сјај, доматот во последниов период  сè повеќе губеше на мирис и вкус. Тоа е толку болна загуба што кога денес човек ќе наиде на прав патлиџан, лицето му се озарува како да открил таен портал до своето детство. Зошто денешните немаат вкус? Како ќе имаат кога им фалат цирка 5.000 гени?  

Во 2017 година, надлежните американски институции одобруваат еден безобразно скап лек кој на докторот му кажува дали си го испил. Две години подоцна, признаваат дека можеби и не било најпаметно на човек кој страда од шизофренија да му нудиш апче кое има чип во себе. 

Приказната за легендарниот бразилски фотограф Себастијао Салгадо и неговата сопруга Леила потсетуваат на онаа мудрост од кинеската поговорка: „Најдобро време да засадиш дрво било пред 20 години. Второто најдобро време е денес“.

Старите не сакаат да престанат да возат на стари години (70+) и тоа ти е.

Учество во ризични активности всушност е многу важно при спречување на повреди, со неверување заклучуваат луѓето кои се занимаваат со детската игра, и недостатокот на истата.

Иако речиси сите се тркаат како своите производи да ги направат полесни за користење или тие да бидат инстантно употребливи, постои една контра цака која е уште појака во продажна смисла. ИКЕА тоа најдобро го знае.  

Иако деца се повеќе и повеќе дремат на телефони и таблет уреди, телевизорот и понатаму останува доминантен извор на забава за деца на возраст меѓу 2 и 11 години.

Повеќе од еден век знаеме дека физичкото опкружување влијае на менталното здравје на луѓето. Како што минува време научници и доктори само трупаат нови докази за тоа какви се дијагнози и психички состојби се предизвикани со самото тоа што некој живее во град. И стандардно, колку повеќе накај центар на град, толку е полошо.

Последен збор во науката е дека младоста не мора да биде клучен фактор во нечиј успех, било да е деловен, било да е спортски. Постои нешто што тешко се мери но игра и тоа каква улога. Се вика мудрост.