Јуриј Кнорозов бил советски лингвист, кој имал огромен удел во својата област - разоткривање на тајните на писмото на древните средноамерикански цивилизации. Денес сепак е најпознат по приказната дека својата сијамска мачка Асја ја ставал како ко-автор на неговите дела.

Научниците сè уште не го знаат одговорот на ова прашање, но имаат некои интересни претпоставки. На пример дека контрадикторноста на реакцијата (слична на плачењето при голема среќа) всушност има за цел да ни ги избалансира чувствата, просто за да не пукнеме од страв.

Детективски роман напишан од еден од најпознатите автори на овој жанр во Јапонија, чии дела се преточени и во филмови и серии. Еден од оние во кои на крај и не е толку важно кој е убиецот, туку како низ насилната смрт на еден човек се расветлуваат често мрачни и затскриени катчиња од социјалната реалност на една земја - во случајов стереотипно совршеното јапонско општество.

Дали сте го почувствувале ефектот на Проектот Хидра? Без оглед колку напорно работите, како никогаш да не можете да стигнете до целта - на патот постојано искрснуваат нови и нови предизвици кои само го одолговлекуваат процесот. Сечете една глава на ламјата - на нејзино место се појавуваат три. Звучи познато?

Не е за македонско-бугарски прашања. Не е државна изборна или за тендери. Ова се луѓе чија единствена задача била - да пробуваат чаеви.

Актерот со веројатно најславниот глас во филмската историја почина на 8 септември на 93 години. Но многу пред да им го позајми гласот на Дарт Вејдер или на Муфаса, тој имал проблем со пелтечење кој се заканувал никогаш да не проговори пред непознати.

Би требало да измислат посебна ознака за документарци кои се однесуваат на специфичен поп-културен, во случајов телевизиски производ, која би гласела: „Само за љубители“. Затоа што навлегувањето во толку детали од некоја серија е можно да се следи (логично) само ако ја имате гледано. Ако овој услов ви е исполнет, тогаш повелете на сесија со креаторот на она што сигурно сте го засакале и на кое со задоволство ќе се потсетите. Ако не, знаете што треба да направите.

Дмитри, правнук на Фјодор Михајлович Достоевски, почина во средата, 04.09., на 79 години. Бил внук на едно од четирите деца на славниот писател, кој исто така се викал Фјодор. Последното од неговите десетина работни места било возач на специјален туристички трамвај во Санкт Петерсбург, кој застанувал на значајни места поврзани со неговиот предок.

„Незгодноста“ на некоја ситуација, однос или настан, наместо да биде повод за тревожење, може да послужи како можност за поинаков начин на пишување на социјалното сценарио, oдносно пополнување на дупките кои тоа ги содржи кога се во прашање табуизирани ситуации.

Милијардерот Хауард Хјуз си се досетил како да си „стрима“ своја програма децении пред Нетфликс и ХБО. Гледачите биле среќни што конечно можеле да имаат 24-часовна програма, но неговите каприци ги излудувале.

Во текот на американските избори од 2018, човек по име Денис Хоф - ѕвезда на реално шоу од Невада, сопственик на бордел и автор на книга под наслов „Уметноста на тоа да си макро“, се кандидирал за позиција во собранието на матичната држава и успеал да ја добие. Притоа имало само еден проблем: Хоф бил мртов. И ова не е единствен ваков случај.

Со оглед на тоа колку малку се знае за тоа како ги поминува пензионерските денови, Ангела Меркел би можела и навистина да е аматер-детектив како што е прикажана во оваа серија.

Проекцијата на новиот филм на Алмодовар во Венеција доби 17-минутен аплауз. И ова е само еден од бројните примери во последно време на ракоплескања по премиери кои се натпреваруваат во должина, без тоа да има некоја голема врска со реалниот квалитет на филмот.

На прво слушање, да бидеш опишан со придавка која има врска со книги би требало да укажува на начитаност и интелектуалност. Ама штеник од типот на црв или молец?

Рене Лаенек бил француски музичар, изумител и доктор, кој го запечатил своето место во историјата со голем број значајни придонеси кон медицината. Сепак, најважниот помеѓу нив е еден од симболите на медицинската професија - стетоскопот. 

Петок попладне, шестмина наставници од средното училиште „Руди Дучке“ во неименуван германски град едвај чекаат да си одат дома. Но некој чука на вратата од канцеларијата - родител кој бара правда за своето дете. Во џебот има пиштол.

На почетокот на 1930-тите, група Европејци, главно составена од Германци, одлучиле да остават сè зад себе и да се преселат на изолиран остров. Што може да тргне наопаку помеѓу два пара и авантуристички настроена тројка? Наскоро за нив пишувале светските медиуми.

Невработеност, самоубиства, бездомништво. Филмот снимен според сценарио на Брехт зборува за ситуацијата на почетокот на 1930-тите во Германија, кога многумина биле со празен стомак и морале да живеат под шатори во близина на главниот град. На времето бил забранет поради своите критички (комунистички?) пораки, а властите исекле дури 230 метри од оригиналниот филм.

Воочи почетокот на новата школска година и во тек на факултетските уписи, да видиме како во минатото се пишувале писма на покајание до администрацијата на образовните институции доколку некој се огрешел од кодексите на однесување. 

Насловот звучи како нешто што има врска со политика и нашите маки со соседот. Но „сугестологија“ или „сугестопедија“ е експериментална гранка од педагогијата, која истражува начини на забрзано учење. Aвторот на теоријата е Бугарин.

„Ништо не е засекогаш“ и „Никогаш не можам да кажам збогум“ ќе бидат достапни на 1 октомври, на пластика која е најподатна за рециклирање. Сиот приход ќе оди во организацијата чиј ко-основач е Брајан Ино.

Музејот на Медитеранот или МУЦЕМ, како што вели и самото име, е мултидисциплинарна институција која комбинира антропологија, историја, археологија и современа уметност за да го прикаже широкиот спектар на медитеранскиот свет и неговиот дијалог со Европа. Е сега тој музеј дозволува и посетители-нудисти, на нова изложба посветена токму на нудизмот.

Мартин Лорело ја шокирал публиката секаде кадешто ја изведувал својата точка. Не се знае како, можеби од раѓање а можеби од повреда, но вратот му овозможувал поголема флексија од вообичаената за човечко суштество - всушност можел да ја врти главата за 120 степени, така за да гледа наназад и истовремено да пие пиво. 

Главна улога во „Златниот монокл“, како што гласи насловот на филмот снимен во 1922, е на Илај Норвуд. Снимката е неодамна реставрирана од страна на Британскиот филмски национален архив.