Чен Шуе e кинеска авангардна прозна авторка и книжевна критичарка, која пишувала за Данте, Борхес и Кафка. Ја нарекуваат најпроминентната кинеска писателка кога станува збор за експериментална проза, а поголем дел од нејзините дела се преведени и објавени на англиски. Таа претходно беше во поширока конкуренција за Меѓународниот Букер за романот „Љубов во новиот милениум“ и збирката кратки раскази „Јас живеам во гетото“.
Нејзиното име до средата вечер водеше во обложувалниците, но во моментов на пишување на текстов води Јун Фосе, норвешки автор и драматург.
Од останатите автори во моментов застапени на списокот ги има и „вообичаено осомничените“ Мураками, Ружди, Кадаре, Атвуд. Единствената симетрија што можеме да ја забележиме во листите на досегашни добитници е дека од 2017 принципот е машко (Ишигуро)-женско (Олга Токарчук)-машко (Питер Хандке)-женско (Луиз Глик)-машко (Абдулразак Гурна)-женско (Ани Aрно). Можеби конечно Пинчон?
Она што сигурно знаеме е кој од списокот нема да ја добие наградата - Мишел Уелбек, Пол Макартни, Пол Сајмон, Пети Смит и...Лана дел Реј! (да, и тие се таму) А и на Мураками повеќе среќа следен пат.
Линк за следење на прогласувањето во живо во 13 часот тука
