Во земјата веќе 40 години е дозволено пушење марихуана, ама смееш да дуваш само од "државната" марихуана увезена од Парагвај (според Уругвајците - парагвајско гомно), бидејќи одгледување, продавање и пушење на секоја друга не е дозволено.

Кога би се прескокнале сите останати забелешки околу Мис Америка по сите останати основи, и на проблемот би се пристапил од чист УЈП аспект, би ја фатиле организацијата како лаже за околу 44 милиони долари само по основа на поделени студентски стипендии.

Како што е редот, секоја година фановите на Епл на 2 - 3 дена пред премиерата на телефонот почнуваат да се редат пред продавниците. Годинава (барем во Њујорк) редовите беа преплавени од Кинези, претежно луѓе во години, секој купуваше по 2 телефона и секој плаќаше во готовина.

Пред очите на родителите, викендов во Токио сумо борачи се обидуваат да расплачат што е можно повеќе бебиња. Не е за Меѓаши, за здравје било.

Терминот звучи крајно криминално и лешперски, ама во основа разликата меѓу лајковите од фармите и лајковите од регуларните Фејсбук промоции, е како разликата меѓу цигари купени во трафика и цигари купени на Бит-пазар - нема бандерола, сè друго е исто.

Начинот на кој родителите зборуваат со своите ќерки е причината за тоа што жените многу побрзо пристапуваат до своите сеќавања, со многу повеќе детали и прецизност, во споредба со мажите.

Беше Бред Пит, па Винс Вон, за на крај главниот лик во втората сезона на Вистински детектив да го добие Колин Фарел.

За Франција веќе не постои ни ИСИС, ни ИС, ни ИСИЛ. Им најдоа ново име - Даеш. Ова џихадистите го дочекаа со иста толерантност како и за сè до сега - кој го изговори ова име, му го сечеме јазикот.

Вчера низ светот почна продажбата на двата нови Ајфони, кои кај нас би требало да стигнат некаде околу Нова година. За до тогаш, еве го упатството на Вајард, дали треба да го купите 6-та (или плусот).

Вчера се случи најголемото излегување на берза на една компанија во историјата на Њујорк. Компанијата е кинеската Алибаба, која има повеќе трансакции отколку Амазон и Ибеј заедно. Алибаба е формирана во 1999-та во станот на Ма.

Вработена во приватна болница во Мерсин, град на медитеранскиот брег на Турција, испрати писмо до полицијата и парламентот со тема - смачено ми е да лекувам ранети терористи од ИСИС.

Обидувајќи се да направат нешто фино за муштериите, Епл минатата недела објави дека на секој корисник на АјТјунс му го поклонува (сосема бесплатно) новиот албум на ЈуТу. Се што успеаа да направат е да го навлечат гневот на сите што некогаш имале нешто лошо да кажат за ЈуТу.

На стари години, Де Ниро со госпоѓата решава да се пресели во нов стан во Менхетен. Дали не верува дека уште многу долго ќе го користи, па наместо да плаќа полна цена, актерот реши да го земе станот под кирија.

До сега работеа на автомобили што сами се возат, интернет за цел свет и искоренување на смртта, и ова не е доволно за Лери Пејџ кој смета дека компанијата треба да се фати со посериозни работи.

По 307 години обединетост, денес 4,2 милиони шкотски гласачи излегуваат на референдум за да кажат дали сакаат да продолжат со обединетоста.

Германска фирма за истраги е контактирана од лица кои се заинтересирани за детали околу соборувањето на авионот над Украина. За информацијата даваат 30 милиони долари. (САД за бин-Ладен даваше 25.)

Годинава беше 25 годишнината од протестите на Тиенанмен, настан кој речиси никој млад Кинез (под 30 години) не ни знае дека се случил и покрај тоа што во судирите сред Пекинг загинаа околу 2.000 луѓе.

Групата има приходи од нафта, има армија и оружје, организација и хиерархија, има контрола на огромни делови од Сирија и Ирак, а сега сака да и биде признаена и државноста.

Проблемот со врската меѓу двете работи е што не е корпоративно очигледна за да може да се сведе на ексел во кој што знаеш дека ако изедеш А, ќе сонуваш Б. Ама има врска, барем според научниците.

После години со наслови и рецензии од типот нечовечки и апсурдно големи телефони (за Ноут на Самсунг), годинава Верџ (како и добар дел од досегашните корисници на Ајфон) инстантно легна на брашно во моментот кога Епл објави дека новиот Ајфон ќе има нечовечки големи димензии. Ова на страна, еве ја една од првите рецензии за 6-та.

Избирајќи дали да одат по патот на некои новокомпонирани искуства (како нашиве локални) кога луѓе навиваат и го подржуваат екстремизмот, или ќе ги почитуваат начелата за мир и соживот на својата вера (како што беше во Норвешка), германските муслимани се решија на ова второто. Во петок во 2.000 германски градови муслиманите ќе излезат да протестираат против екстремизмот, ИСИС и таквото толкување на Исламот.

Од сите видови туризам што можеа да цветаат во Данска, се погоди да успее баш - туризмот за секс со животни. Главна кривица за ова е што кај сите нивни соседи, ваквите активности од неодамна беа забранети.

Изграден во Каракас во 60-те и замислен е како "драјв-ин" трговски центар. Замислата се претвора во кошмар откако проектот се закачува на речиси секоја можна препрека по пат, па судбината му се движи од седиште на тајната полиција до дувло за нарко-трговија и проституција.

Пентагон низ САД и остатокот од светот, поседува околу половина милион најразлични имоти кои заедно се протегаат на околу 121.400 километри квадратни. Половина од нив не знаат за што им служат.