Вчера, на првиот ден од Курбан бајрам, Швеѓанец искина и запали Куран пред централната џамија во Стокхолм, во знак на некаков си нему оправдан протест. За разлика од претходните, овој протест имаше дозвола за одржување од шведската полиција.

Повеќе од 100 американски лидери, вклучително претседатели, конгресмени, гувернери и врховни судии се потомци на семејства кои поседувале црнци. Ова ги опфаќа и сите живи американски претседатели, со еден исклучок, не Обама, туку Трамп.

Еден од замениците на Герасимов на украинскиот фронт, а едно време и главен руски командант на целосната специјална операција, генерал Сергеј Суровикин е уапсен од руските власти заради соработка со Пригожин.

Во некои американски држави, доволно е да кажеш дека се чувствуваш како жена за да ти бие обезбеден престој во женски затвор. Една таква „жена“ оплоди две затворенички, го тргнаа од таму ама пак се обидува да се врати. На некои од овие им текнува дека се жени дури откако ќе бидат осудени на затворска казна.  

Речиси редовно на неколку повторени официјални „не ја брзаме Украина“ доаѓа по некој ишарет од американските медиуми дека Украина што и да прави треба да гледа да ја забрза контраофанзивата. Овој пат пораката е од Вашингтон пост.

Британија ќе потроши 63.000 фунти повеќе за да смести некој мигрант во безбедна држава домаќин како Руанда, отколку ако истиот тој човек остане на островот.

Како што постои џанк-фуд, така постои и џанк-рекламирање, кога парите на клиентите одат лапни-голтни, на сајтови чија содржина автоматски е генерирана или од вештачка интелигенција или од слабо платени амали во тн „контент фарми.“ Само за една година, на тој начин во ветер отишле 13 милијарди долари. Ама на некои клиенти тоа јако им звучи, „се рекламираме преку Гугл“.

Двете најмоќни членки на Унијата се решени до крајот на годината да ги „реформираат националните права“ на земјите членки на ЕУ, што главно се однесува на правото на вето и едногласното донесување одлуки во Брисел.

Пред Пригожин да се повлече во саботата вечерта, повеќе западни функционери контактирале со украински функционери на различни позиции и нивоа за да ги предупредат да не помислат да го искористат хаосот во Русија и да почнат со напади на мети во земјата.

На вториот работен ден по обидот за вооружен преврат на цела или дел од руската влада, руските власти објавија дека се откажуваат од сите кривични обвиненија против лидерот на Вагнер, Евгениј Пригожин.

Без разлика кои беа вистинските намери на водачот на Вагнер, Владимир Путин не вади туку-така тенкови во Москва и не одржува вонредни обраќања до нацијата. Нејасно е зошто Пригожин тргна, уште понејасно зошто запре и се сврти назад. Но, тој тргна против рускиот врв во време на војна. Би било наивно да му се предвиди долг и просперитетен живот.  

По три седмици контраофанзива украинската армија наидува на серија фрустрирачки проблеми кои целосно ги комплицираат нејзините воени планови, дури и кога е опремена со ново западно оружје. Најголемиот проблем, како што ќе објасни еден украински полковник од фронтот е „сè е минирано, секаде.“

На последните осум филмови, меѓу кои тешкаши како Чувари на галаксијата, Малата сирена и Лајтиар (од Тој стори), студиото Волт Дизни е во минус од 900 милиони долари.

Градските власти на Њујорк сакаат да го забранат користењето на јаглен и дрва за пица печките во пицериите низ градот, како би се помогнала борбата против глобалното затоплување.

Пред многу, многу години, филозоф и научник се кладеле дали до оваа година науката ќе знае како се формира човечката свест. Научникот бил убеден дека до 2023 година, науката ќе ја реши оваа непознаница, филозофот се сомневал во тоа. Победил филозофот.

Да му се правеше ова на Андреј Сахаров или на Нелсон Мандела, секоја организација за човекови права во светов ќе го осудеше тоа со праведнички гнев. Секое НВО ќе се редеше да даде поддршка. Секој новинар ќе пишуваше едиторијали. Вака - штама. Ако тој биде екстрадиран и осуден, за следниот таков случај ќе бидат потребни само 10-тина минути.

Ако во училиштата пуштат момчиња во женски спортови, тогаш девојчињата уште од мали нозе се учат дека не можат да победат во ништо. А подоцна, тоа што некои мажи ќе го намалат тестостеронот за да влезат во женски спорт, не значи дека не ги носат предностите што ги добиле минувајќи низ машки пубертет: им останува висината, им останува големината на рацете, капацитетот на белите дробови, густината на коските....

Декласификуваниот извештај од истрагата на американската разузнавачка заедница покажува дека појавата на болеста кај тројца научници од лабораторијата во Вухан на крајот во 2019 ниту ја потврдува ниту ја негира теоријата дека ковид потекнува од лабораторија.

Бунтот на лидерот на Вагнер против руската војска беше шок за голем дел од светот, но не и изненадување. Пригожин долго време го сметаат за насилен и неконтролиран играч во конфликтот на Путин со Украина.

Партијата на италијанската премиерка Мелони турка измени на законот за урбано планирање со кои во земјата ќе се забрани досегашната пракса за пренамена на гаражи или магацини во места за молитва.

Американскот хемиски гигант 3М на врат имаше илјадници судски тужби од граѓани, градови и наеелени места дека им ги трујат водите и почвата со таканаречените вечни хемикалии. Решија да ги замолчат со 10,3 милијарди долари. Патем, великодушно им ветија и дека веќе нема да ги трујат. Добро, не баш одма.

Најголемата лага што си ја кажуваме е дека ја сакаме вистината и везден сме во потрага по вистината. Ние ја посакуваме неа - во теорија. Во пракса, ја избегнуваме, негираме и се плашиме од неа. Вистината гласи: Вистината е тешка и... непријатна.

Том Морело и Зак де ла Рока од Rage Against the Machine предводат листа од преку 100 музичари, уметници и организатори кои инсистираат од салите во кои настапуваат да биде отстранет софтверот за фацијално препознавање.  Таа технологија е страшна кога е непрецизна, уште пострашен е светов во кој таа работи 100 посто совршено.

Ако не сте убедени во тезата дека сериозно ескалираниот конфликт меѓу руските богови на војната кој доведе до тенкови на улиците на Москва и вонредно телeвизиско обраќање на Владимир Путин е само уште една препредена операција на руските тајни служби за одвраќање на вниманието од некој важен тактички маневар, тогаш Кремљ има сериозен проблем. Украина лајкс дис.