Животот на Курт Вонегат не бил лишен од иронија. Борејќи се во Втората светска војна, овој потомок на долга низа германски имигранти во САД се нашол заробен во Дрезден, токму кога градот бил уништуван од сојузничките бомбардирања. Бил заробен во кланица, мотив кој подоцна ќе се појави во неговото славно дело „Кланица 5“. И во останатите негови книги преовладуваат антивоени расположенија. Оттаму, чудно е да се замисли дека тој е автор на друштвена игра во која се води - војна.
Морничавите вистински приказни на Филип Боксо (Philippe Boxho) и претходно беа популарни. Но неговата најнова книга од трилогијата, која е оценета како најбизарна и најлуда до сега, е продадена во 300.000 примероци и наскоро ќе биде преведена на 30 јазици.
Вистинското име му било Клаус Кирини, а станал диџеј од - досада. Местото е Ахен, клубот се викал Скоч, а сè почнало кога немајќи локален бенд таа вечер во 1959-та (или несакајќи да троши пари на музичари) газдата поставил грамофон среде салата. Клаус почнал да пушта плочи и да ги најавува на микрофон.
Документарен филм, достапен на ХБО, кој е најдобро да се гледа пред или по оскаровецот „Зона на интерес“. И кој, ако е тоа воопшто можно, му дава дополнителна тежина.
Сцената на отворањето што го преплаши светот и го увери дека „доаѓа ѓаволот“ е и „Тајната вечера“ и баханалија. Барем така е ако се слушаат и двете страни на организацијата.
Во болници низ Британија, актерската група ИнтерАкт им овозможува дружење и читање од омилените книги на пациентите. Дали е утописки да се замисли нешто вакво кај нас?
Што ни вреди да изгледаме младолико ако духовно и ментално почнуваме да старееме уште од дваесеттите, ако забораваме да се радуваме на ситници и ако седиме со главата закопана во секојдневието?
Приказната на Маргарет Стефан и Бертолт Брехт е приказна за експлоатација, измама и непризнаено авторство што фрла сенка на една од најславените фигури на театарот во 20-от век.
„Знам што прави луѓето да созреваат, повеќе од што и да е друго. Преземање тежок проект со одреден товар на јавна одговорност. Тој може да биде голем или мал: серија предавања, бизнис, блог, куќа или дете.“
За оние кои страдаат од реткиот феномен на страв од зајци нема полош момент од Велигден, со сите тие украси и чоколадни фигури на ова животно. Тоа би требало да асоцира на плодност и будење на природата, ама лепорифобот има поинакви мисли.
Познат по своите надреалистички дела и ексцентричното однесување, Дали често знаел и „кодирано“ да одговара на новинарски прашања. Сега посетителите на Музејот на Дали во Санкт Петерсбург (ама не во Русија, туку во Флорида) ќе можат да го прашаат што сакаат, а уметникот кој почина во 1989 ќе може да им одговори со помош на ВИ.
Вчера, 15.04., во аулата на Филолошкиот факултет се одржа навистина необичен настан за нашите книжевни кругови, во кои академици на себе ставија мачкести маски, професори глумеа јавни обвинители со перика позајмена од Драмски, декан удираше со дрвено чеканче по маса, а дел од публиката извикуваше „уа“ и фрлаше со грашок низ судницата. И сето тоа како омаж на едно уметничко движење, зачнато пред цел еден век, од коешто уште има што да се црпи.
Пеги Гугенхајм е икона и една од најзанимливите и највлијателни личности во историјата на уметноста. Како поддржувач, човек од доверба, пријателка и љубовница на големите мајстори на современото уметничко движење, не ја ограничуваат општествените норми на јавниот и приватниот живот.
„Креативниот процес е како патување во непознатото, каде секоја песна е нова дестинација која чека да биде истражена“. Со овој цитат на Тоше почнува приказна која е многу повеќе од музичка, а тешко се опишува и со студениот термин „колаборативна“, кај нас навлезен преку проектните терминологии кои го имаат исцедено од неговиот благороден потенцијал. Единствен начин да го споделите чувството е да го погледнете филмот и потоа да се фатите на орото, „напраени“ од љубов и убавина.
Тешко е да се замисли дека едно време, не толку одамна, советите за родители ги имаше само по книги. А начинот на испорака на советите многу влијае на аргументите и пораките на самата содржина - денес имаме ТикТок.
Истражувач на ликот и делото на Чарлс Буковски, пишувајќи книга за него, никако не можел да ги пронајде про-нацистички писма кои овој автор наводно ги пишувал во десно ориентираните весници во раните 1940-ти, a за кои кружеле гласови со децении. Кога на крај ги нашол, сфатил дека тие воопшто не се тоа.
Секој Божиќ, светот троши милијарди долари на виткање подароци за да изгледаат што е можно подобро. Потрошените пари одат на хартија, кутии, ленти и машни. Некои луѓе се особено стручни за виткање, но нè има и такви што не нè бива многу, па гледаме да си најдеме друга занимација за да помогнеме во спремањето околу празниците.
На 31 октомври 2023, Британската библиотека беше жртва на голем сајбер-напад. Таа денес е физички отворена, но нејзината дигитална инфраструктура е целосно „замрзната“. Ова поттикнува дискусии за тоа што претставува денес институцијата „библиотека“, и дали се тоа навистина само големи простории полни со книги?
