Вонг Фу, или „Фуи“, како што го викале пријателите, бил главен шанкер во ресторанот Чајна Бол во Њујорк, а ѕидовите му биле прекриени со слики од славни актери и актерки што го посетиле.
Меѓу нив и Џули Њумар, која му ја потпишала фотографијата.
Кога дошло ред да за кастинг, Весли Снајпс и Џон Легуизамо веднаш прифатиле. Улогата на Вида станала хит и на аудиција се појавиле такви имиња, да просто нема да ви се верува: Роберт Дауни Џуниор, Вилијам Болдвин, Гери Олдман, Метју Бродерик, Џејмс Спејдер, Џон Кјузак, Мел Гибсон, Роберт Шон Леонард, Вилем Дефо, Џон Туртуро, Мет Дилон, Роб Лоу, Џони Деп, Том Круз и Робин Вилијамс. Само да се замисли секој од нив во улогата е цел еден нов филм во глава.
Патрик Свејзи бил меѓу последните на аудицијата и многу сакал да ја добие улогата. Режисерот Бибан Кидрон има кажано дека начинот на чекорење и грациозното движење е тоа што му ја донело. Си донел свои шминкери да го трансформираат во жена и инсистирал режисерот да се прошета со него по град за да му докаже дека може да пројде како жена.
Понатаму, во интервјуа и спомени на актерите и учесниците, снимањето е опишувано како „тешко“. Еден проблем биле часовите поминати со шминкер и во костими на кои мажите не биле навикнати, а друг самата локација и четири-и-пол месеци долгото снимање што знаело да предизвика и нетрпеливост меѓу некои.
Првата и последната сцена се снимени во Њујорк, со десетици њујоршки драг кралици и андерграунд ѕвезди на градот со мали улоги и како статисти. Меѓу нив и Рупол, Џои Аријас, Лејди Бани, Мис Андерстуд, Кендис Кејн, Флотила Дебарџ, Мис Коко Перу и Квентин Крисп. Тројцата главни актери се дружеле со нив заради истражување за улогите.
Еден ден, на снимањето се појавила и Џули Њумар да гледа, што довело и до нејзиното камео-појавување.
Видете овде зошто во животот ни требаат повеќе Види.