Народот во Русија и останатите поранешни републики на Советскиот сојуз е сè помалку ентузијастички настроен кон демократијата и слободниот пазар, покажува новата студија на Европската банка за обнова и развој.

Ајн Ранд родена во Санкт Петербург, мажена и умира во Њујорк, е еден од водечките американски гласови за идејата дека во општеството има "создавачи" (во смисла богаташи) и "зимачи" (во смисла сиромашни и социјални случаи), a "зимачите" се паразити кои само им стојат на патот на морално-супериорните иноватори, зборови што ни самиот Трамп, ниту па неговите колеги, не би можеле подобро да ги смислат.

Уморни од малтретирањето на локалниот нарко картел, граѓани на едно мексиканско гратче ја киднапирале мајката на главниот бос.

Она што Американците го водат како - Русија се мешаше и ги намести изборите за Трамп, во пракса е обвинување дека руски хакери нелегално стекнале доверливи информации од мејловите на демократите, па им ги дале на медиуми да ги објават. Проблемот е што како никогаш до сега ова не им пречи на дел од Американците, посебно на оној дел што гласаше за Трамп.

По брегзит, главното прашање на "остануваме" кампот беше - како се случи ова. Сега една масовна анализа на повеќе од 3 милиони британски твитови покажува дека ниту спасувањето на националниот здравствен систем, ниту суверенитетот на земјата, туку имиграцијата била главната тема која го натерала британскиот гласач да избере напуштање на Унијата.

Два збора кои се прогласени за зборови на годината укажуваат не само на тоа како живеевме последниве (скоро) 365 дена, туку и што нè очекува во иднина. Едниот е „пост-вистина“, а вториот „снегулка“. Комбинирани, тие отсликуваат атмосфера која не е баш благопријатна за критика и аргументирање со факти, a сатирата се сведува на лажни вести-јадици за кликови на интернет.

Стотици заоблени огледала, од кое секое со големина на автобус, се наредени во редови што покриваат 1,4 милиони метри квадратни од мароканската пустина, што (во подеднакво незамислив приказ) е колку 200 фудбалски стадиони. Идејата е Мароко еден ден од комплексот да пушти продолжен кабел за струја до Европа.

Како многу пати во изминативе десетина години мексиканската полиција ќе распореди дополнителни полициски единици околу едно село, како никогаш до сега акцијата не е дел од војната против нарко-картелите, туку затоа што на едно девојче од селото и се најавиле 1,2 милиони луѓе дека ќе и дојдат на роденден.

Еден од најстарите британски универзитети, Оксфорд, е тужен од свој поранешен студент по основа дека образованието што го добил таму не успеало да го направи милионер. Човекот сега планира на грб на Оксфорд да стане милионер и бара отштета од 1,2 милиони евра.

СНЛ во саботата имаше скеч за компулсивното твитање на Трамп (совршено одглумен од Алек Болдвин) додека се подготвува да биде инаугуриран како претседател. Неполни 45 минути по емитувањето на скечот, Трамп твиташе за скечот за неговото твитање.

Kога на 3 декемри 1944 година во центарот на Атина беа убиени 28 цивили, за масакрот не беа криви нацистите туку Британците и од нив вооружените соработници на дотогашниот окупатор. Гардијан на читателите им открива детали околу срамната одлука на Винстон Черчил да им сврти грб на оние што дотогаш гинеа и се бореа од истата страна што на Грција ѝ отвори рани, кои до денешен ден ја одредуваат политичката клима во таа земја.

Пред некој ден пишавме дека инфлацијата во Венецуела до крајот на 2016 се очекува да стигне 720% и дека боливарот има изгубено секаква вредност, па продавниците веќе не ги ни бројат куповите пари, туку ги мерат на вага. Моментално вредноста на боливарот во голем дел зависи од вработен во Хоум депо во Алабама.

Една од ретките работи околу кои се согласуваат Путин и остатокот од меѓународната заедница е дека Русија има проблем со системска корупција. Во 2012, пред избори тој вети крупни државни реформи против корупцијата. На година и пол пред следните претседателски избори, Путин почна со ловот на „крупен дивеч“.

Секој може да те прошета низ Лондон, ама не секој може да ти го покаже Лондон од перспектива на бездомник, кој како таков има прилично шпартано по градот.

Во Њујорк поради лажирање на сопственото киднапирање, со цел да изнуди пари од родени татко и мајка за да го плати својот цех кај проститутка и наркодилер, уапсен е 38-годишниот Лапо Елкан, приватно денгуба, професионално внук на Џани Ањели, основачот на Фиат.

Познато е дека Кастро бил стар семеен пријател со Пјер и Маргарет Трудо, родителите на актуелниот канадски премиер. Но фрапантната сличност меѓу Фидел и Џастин покрена лавина приказни дека таа блискост во некој момент била претерана. Што има да читате понатаму, ќе кажете: „Tатко му е бе, видов на интернет“.

Јаша Моунк е предавач на Харвард, кој има проблем со една од најосновните претпоставки на западната политика, дека „кога еднаш земјата ќе стане либерална демократија, таа ќе остане таква“, односно дека либералната демократија е хепиендот за секоја држава. Проблемот станува поизразит како што тој почнува подетално да го истражува.

Германскиот производител на оружје Хеклер и Кох повеќе нема да потпишува договори за испорака на оружје на земји што не се членки на НАТО, а и на некои што се.

Државната телевизија на Мароко во една од своите општествено корисни програми демонстрираше "како жените да ги покријат модриците со шминка и да продолжат со секојдневниот живот." Реакцијата на емисијата беше баш како што ја замислувате.

Новинарка на Бибиси по повод смртта на Кастро разговара со експерт на тема Куба. Разговорот го почнува со веќе спремната компилација "диктатор, човекови права, прогон, слобода на говор" и слични клучни зборови што стандардно го проследуваат Кастро во западните медиуми.

По арапската доаѓа време и за западна пролет, сметаат аналитичари во време во кое сè уште не може да се дижестира победата на Трамп и што таа значи за слободарскиот западен свет каков што досега го знаевме. Кованицата допрва почнува да се формира и полни со содржина но, се тркала наоколу....

Ако мачката има 9 животи, тогаш Фидел штотуку ја потроши својата 70-та мачка. Се вели дека кубанскиот револуционер преживеал 634 атентати. Ги надживеа сите свои смртни непријатели освен еден - капитализмот.

Сценариото е следно: објавените мејлови на Хилари откриваат постоење на тајно здружение на педофили чие седиште е пицерија во Вашингтон која се поврзува со блиски соработници на кандидатката за претседател. Бонус во приказната: Асанж (кој не е виден во јавност од октомври) најверојатно е убиен заради објавување на веста.

Пуританскиот дел од Британија е на праг да извојува голема победа ако пројде предлогот за забрана на видеа со неконвенционален секс. Да се објасниме директно: освен оние фетиш порничи, спенкувања и слично, во тоа би спаднала и познатата категорија "four fingers". Замислете вие држава да ви се меша колку прсти можете да употребувате во секс.