Зборувајќи за скриената опасност од еуфемизмите "хроничарот на корпоративен булшит" Марк Питерс за Бибиси пишува: работниците не добиваат отказ туку се одработуваат и дерегрутираат, бидејќи компанијата доживува одраст па мора да мине низ сингергиско преструктуирање на бројот на вработени, по што следува реевалуација на талентот, а дел од нив мора да се аутсорсираат, мултисорсираат, ансорсираат или рајтсорсираат.

Следејќи го не така светлиот пример на неколку јужни држави кои во времето кога Обама влегуваше во Белата куќа ветија отцепување од Унијата, а брендирани по движењето што успеа да ја отцепи Британија од другата Унија, во Калифорнија сè повеќе на сила добива калегзит - кампањата за независна Калифорнија.

Самиот Хитлер не е посебно популарен пред да дојде на власт, меѓутоа нацистите брзо го менуваат ова, од едноставна причина што власта ги увеличува идеите на оние што ја имаат во своите раце, пишува професорот по историја на универзитетот Нортвестерн, Питер Хејс.

Речиси 70 години старата книга на Орвел пак се актуелизираше заради комбинацијата на страв од тоа што може да го направи Tрамп, постапките на неговите соработници и општа паника (слична реакција јавноста имаше и по откритијата на Сноуден). Сепак, 1984 не е (баш) светот што го живееме.

Откако вчера Холандија вети дека ќе даде 600 милиони долари за меѓународни програми за абортус и контрацепција за да ја пополни дупката во финансирање оставена од САД, денес на сличен аристократски прекор кон новата постава во Вашингтон се реши и ЕУ, кои од инает ќе инвестираат во борбата со климатските промени. За сега, уште нема твит од Трамп од типот - ви реков дека имаат пари, а само нè цицаат.

Откако кинеската градежна компанија Синобо ленд купи 64% од клубот, Пекинг Гуан денес се проценува на над 800 милиони долари, што според Блумберг е повеќе и од некои од најелитните тимови од Европа, "вклучително и 7-кратниот европски шампион Милан".

На 25 јануари претставници на мексиканската влада пристигнаа во Вашингтон на средба со луѓе од Белата куќа за прелиминарен разговор пред средбата меѓу Трамп и претседателот на Мексико. Двајцата на 31-ви треба повторно да ја преговараат НАФТА, најважниот трговски договор за Мексико. На 24 јануари во 21:37 Трамп на Твитер објави дека ќе го гради ѕидот кон Мексико.

Имаме старосни граници кога се во прашање цигари, алкохол и коцкање, а немаме старосни граници кога се во прашање мобилни телефони и социјални мрежи. Тоа е како да отворите бифе со алкохол и на тинејџерите да им кажете - ако ве мачат адолесцентски проблеми, послужете се. Баш тоа се случува, објаснува британскиот автор Симон Синек.

Американската инаугурација на претседател е замислена како моментот кога раскрстуваш со кампањата за твоето следно вработување и ја преземаш улогата на лидер на земјата. Ама како човек што толку добро си пројде за време на кампањата, да ја прекине кампањата.

Новинарот на Њујорк магазин заглавува во една московска гужва точно две коли пред брзата помош чии сирени упорно и подеднакво безуспешно рикаат за некој да и даде предност. На прашање зошто никој не мрда, сопатникот му одговара: затоа што сите знаат дека возачите на Брза помош прават пари на страна нудејќи ВИП возење до аеродром.

Честопати имаме чувство дека растечката нееднаквост е проблем на 21-от век и дека оние одвратно големи богатства на топ 1% или топ 10% најбогати наспроти сите други се модерна аномалија. Не, историјата и податоците го покажуваат спротивното. Има нешто труло во тоа Западот, само што ние недоволно озбилно ги земавме и Шекспир и Маркс.

Вашингтон пост прави завршна смета за успешноста на Обама во остварувањето на околу 40 големи ветувања што ги дава за време на двете претседателски кампањи.

Колку лоша година беше 2016. Со терористички напади, Британци излудени со брегзит, а Американците избраа Твитер трол за лидер на својата држава. Во Сирија и останатите воени зони, луѓето цела година се давеа во крв. Згора на сè, голем број од нашите најомилени уметници минатата година ја напуштија сцената, засекогаш. И сепак...

Сложно како во ретко кои прилики, белгиските парламентарци го одбија предлогот за укинување на бесплатното пиво и вино кои ги добиваат за да не мораат да ги напуштаат пленарните седници.

Како претседател на САД ќе раководи со огромна машинерија од луѓе. Сепак еден е оној прв и најблизок круг на луѓе во кои владетелот има најголема доверба. Кои се тие кај Трамп, со малку побитолчанети прекари.

Трамп е најбогатиот претседател на САД во историјата на земјата. Трамп приказната во Америка почнува во 1885 кога Фредерик Трамп (дедото на Доналд) се качува на брод и стига во Њујорк. По 100 и кусур години семеен бизнис базиран на работа со хотели (курварник), згради, казина, градежништво, неплаќање фактури и слично, Трамп вчера даде заклетва како 45-от претседател на САД.

Вообичаената траекторија на кариерата на британски шпион е неколку години во државна служба па префрлање во приватен сектор, најчесто со отворање на сопствена консултантска фирма. Кристофер Стил, поранешниот агент на МИ6, што на ФБИ му ги даде документите за корупција во ФИФА, а потоа и досието за Трамп, се пензионира на 44 години.

Одлежувајќи ја 150-годишната казна за повеќе милијарди вредната измама, во која крадеше од богатите и си даваше на себе, Мадоф успеал да монополизира дел од пазарот на црно во затворот Бутнер.

Историски на спротивставени страни, малцинствата и радикално десничарските партии во Европа стануваат неочекувани сојузници. Првите затоа што во десницата гледаат единствена ефикасна заштита од радикалниот ислам, вториве заради добивање поширок кредибилитет во јавноста.

Додека од двор ги собираат расфрланите алатки и ги прибираат во шупа, проверуваат дали исклучиле бојлер и шпорет, а Мишел по којзнае кој пат го потсетува да заклучат „и горе и доле“, во Белата куќа стигнува писмо. Напишано е од човекот што го смисли и го оркестрираше нападот од 11 септември.

Трамп пред некој ден ја критикуваше Меркел за нејзината позиција кон бегалците и се закани дека ќе воведе 35% царина на увоз на БМВ во САД, затоа што Германците биле нефер и не купувале американски автомобили.

Оперативецот што на Американците им го испорача досието за наводните компромитирачки материјали што Русите ги имаат за Трамп е поранешен агент на англиската МИ6. Ова е истиот човек што минатата година на ФБИ му ги испорача материјалите за корупција во ФИФА.

Со потекло од семејство со горда историја на луѓе што се откажуваат, како дедо му кој по првото излегување од рударската јама го фрла шлемот и веќе никогаш не стапнува во лифт, така и главниот лик Петар Пауновиќ се пробува во професијата касиер. Оваа кариера ја завршува по 20 дена, и со длабоко разбирање зошто "касиерките секогаш се надркани".

Се вика Џеси Гибсон и моментално е фитнес модел кој во своето резиме има достигнување од типот - ослабев 57 кила.