Хрватските бројки покажуваат дека 85% од тамошното население имаат приклучок на јавен водовод, каде водата е со висок квалитет. Ова никако не пречи глобалните бројки да покажат дека Хрватска е 12-та во свет по потрошувачка на флаширана вода, и покрај тоа што таа е 1000 пати поскапа од водата од чешма.

Швајцарија не ѝ дала државјанство на една жена само затоа што многу го тупи за правата на кравите. Еден Косовар по тренерки ептен ќе разбере како ѝ е.

Руската Дума во првото читање го одобри предлогот за декриминализација на домашното насилство. Еднаш годишно ако шамараш и боксираш по дома - у реду е.

Просечниот трошок од речиси четвртина милион долари се пресметува од раѓање додека детето да наполни 17 години, и тој е зголемен за 3% во однос на 2014.

Во нашиот крик по правото на преживување снег без скршеници или какво било друго инвалидизирање, несебично повикуваме на фрлање епски количини сол по замрзнатите улици. Канаѓаните, како луѓе кои се разбираат во студ и мраз, во рецептот за расчистување мразови пробуваат поинаков пристап, наместо многу сол, додаваат нова состојка - сок од цвекло.

Исламистичко училиште во Велика Британија добило негативна оценка од надлежниот образовен инспекторат откако во ненејавена посета и тестирање установиле дека учениците не знаат ниту која е премиерка на земјата ниту која е Хилари Клинтон.

Минатата година сред најголеми протести и палење на пола Париз и околина, во Франција започна европското првенство во фудбал. Иако организацијата далеку поевтина од парите што се даваат за Олимпијади, сепак целата работа ја чинеше Франција сериозни 200 милиони евра. Во тоа време драмата беше дали ќе се извадат парите.

Директорот на холандските железници се врза за ветерница и се заврте со неа за да прослави што нивните електрични возови почнаа да возат на чиста енергија. Директор во македонски железници веројатно би одбрал да го врзат за шина. Колку овде доцнат возовите, да се изнаживее.

Додека Русија е под здружен бараж од секоја можна американска разузнавачка агенција дека успеала да направи травестија од најголемата и најстабилна демократија на светот, и истата да ја уништи со наплив на вистини, некако спласна целата фама за лажните вести што помогнале во изборот на Трамп. Сепак Вокс наоѓа една интересна фалинка во целиот муабет околу лажните вести и нападите на Хилари.

Иако не станува збор за безрезервна љубов, ама на теми како имиграција, економска и политичка интеграција (ЕУ), муслимански радикализам, и противење на култура на либерализам и секуларизација, Путин речиси низ целата десница на ЕУ повеќе е доживеан како сојузник, отколку како закана.

Иако видоа дека Македонија веќе смисли субвенции за све живо и диво, германската партија на зелените сепак најде тема која ние сè уште ја немаме покриено - државата да плаќа за секс со проститутки. Е, тоа е клиентелизам.

Пред помалку од 10 месеци спротивставувањето на Доналд Трамп беше еден од најблагодарните и патриотски потези што еден републиканец може да ги направи. И во тоа време голем број високопласирани републиканци не му премолчеа на кандидатот. Ама, дали пред, дали по изборите, добар дел од нив отидоа на бакни-рака кај новиот претседател на САД.

Јапонија има една од најниските светски стапки на злосторства сторени со огнено оружје. Само шест во текот на цела една година, наспроти 33.599 вакви случаи во САД. Во што е тајната?

Додека секоја можна американска разузнавачка агенција гледа да си го истера меракот и да го оправда барањето поголем буџет за следната година шлепајќи се на "Русите го избраа Трамп" конвојот, Берни Сандерс ја смирува топката и бара од своите соборци демократи да се освестат и да прекинат да бидат без допир со реалноста.

Построги мерки против исламистичките трендови во Германија, што во пракса би значело затворање на сето она што се смета за исламистички џамии во земјата, е мерката што ја предлага вице-канцеларот Зигмар Габриел откако ИСИС ја презема одговорноста за нападот на Божиќниот пазар во Берлин.

Таму кај што не дозволуват уставот и законите, во игра влегуват парите. Неколку историски лекции за тоа како суверенитетот, на кој гледаме како на гранитна уставно - правна и политичка категорија, често пати бил третиран како обична стока за купопродажба.

Пораката на Бордејн е до "привилегираните либерали од Истокот како и јас самиот" чија арогантност кон сите што не се на исто мислење со нив, е причина за распадот на цивилизацијата што го гледаме.

Фотографијата на која комплетно вооружен германски полицаец стои пред детски карусел за да им обезбеди на најмладите "безгрижно" детство зборува сè за тоа со каков багаж влегува Европа во новата година. 

Додека на еден не му се стемни, на друг не му се разденува. На тема на смогот и урбаното загадување тоа значи дека кога во градовите не се дише, ете добра прилика за - селскиот туризам.

Економист од Јеил последнава деценија студира како користењето на разумни аргументи влијае на гневот и фанатичните уверувања. Заклучува дека влијае. На тој начин што помага гневот секогаш да победи.

Годинава кулминацијата во ЕУ се случи на 23 јуни, кога британските гласачи одлучија дека сепак сакаат обидот за обединување на Европа да го пројдат на трибините. Не дека пред и после тоа Унијата не беше растурена со удари од сите страни.

Како годината ја видоа некои светски лидери и битни државници. Не им е лесно на таквите. Клучниот проблем со лидерството е што човек не е сигурен дали го следат или го бркаат. 

Најдобри филмови, најдобри книги, најдобри албуми и најдобри песни, добиени како просек од сите (што дошле при рака) топ 10 листи за 2016 објавени периодов.

Сојузот на Советски Социјалистички Републики официјално престана да постои на 26 декември 1991. Црвеното знаме со срп и чекан дента беше спуштено пред Кремљ во 19:32. Во рок од половина час, на негово место беше издигнато црвено-бело-синото руско знаме.