Или ќе се накрцка пари од говоранции и мудрувања како Бил Клинтон или ќе си приушти време за некое хоби како Џорџ Буш со своите акварели. Или двете.

Досега водено како главно обележје на десницата, и тоа посебно на нејзиниот крајно неразумен дел, поседувањето оружје стана сè позачестено и за левиот дел од Америка под сосема разумното оправдание дека по изборот на Трамп, тие се подготвуваат за колапсот на општеството. Освен главниот лик, алибито е верна копија на тоа што десницата го збореше последните 8 години.

Прелесното расфрлање со поимите фашизам и фашисти доведува до нивна инфлација - колку повеќе ги има во оптек, толку помалку вредат или нешто навистина значат. Наместо прецизна вредносна содржина, се добива обична навреда која зачестено служи за дисквалификација на политичките противници. А има нешто примамливо и во тоа што кога ќе го прогласиш противникот за фашист, во своите очи автоматски стануваш антифашист.

На социјалните мрежи се појави хаштагот #RussiansDidIt, кој Руска реч го објаснува како „три едноставни збора што помагаат да се извадите од која било непријатна ситуација“.

Летово двајца тинејџери снимаат видео како преспиваат во Икеа, видеото прво добива над 1,5 милиони прегледи на Јутјуб, а потоа и дузина следбеници, тинејџери, кои го копираат нивниот пример.

Во западните извештаи од Алепо нема да ги сретнете имињата на групите што се борат против војската на Башар Ал Асад. Во тие извештаи сите тие ќе бидат означени како „бунтовници“, небаре се Титовите партизани што со храброст и пожртвуваност ја ослободија Југославија од нацистите. А не се.

Една од најлуксузните продавници во Њујорк, Тифани, е лепенка со една од моментално најобезбедуваните згради во Њујорк, Трамп тауер. Ова само по себе значи многу полиција и многу барикади, а ништо од овие две работи не е ни најмалку луксузно.

На 7 ноември 1938 17-годишниот Хершел Гринспан влегува во германската амбасада во Париз и со пет истрели го убива дипломатот Ернст вом Рат. Ова беше алибито за на 9 ноември паравоените нацистички единици и цивили во Германија да ја спроведат Кристалната ноќ, во која се убиени 91 Евреин, а над 30.000 Евреи се уапсени и затворени во концентрациони логори.

Човекот што веќе сериски произведува електричен автомобил (и комплетно ја поремети автомобилската индустрија), го направи најефикасниот и најдобар систем за собирање сончева енергија, направи соларни керамиди, работи на вселенска ракета за повеќе употреби и работи на хиперлуп-технологија, рано во саботата објави дека сега му се копа под земја и му се прават тунели.

Откако по новинари, експерти, ЦИА и разузнавачи, дојде ред и Обама да каже дека Москва стои зад хакирањето на мејловите на демократите, портпаролот на Путин порача дека САД мора или да покаже докази за тоа што го збори или да прекине.

Ветуваа дека нивниот Мекбук Про ќе држи 10 саата без полнење. Откако корисниците масовно увидоа дека батеријата им трае едвај 3 часа, компанијата реши да го реши проблемот така што - нема да го реши.

Во средата на средбата меѓу првите луѓе на американската технолошка индустрија и Трамп, во последен момент е „шутнат“ првиот човек на Твитер. Причина - за време на кампањата одбил да му одобри емоџи на Трамп.

Ако сакаш некој сигурно да се опседне со мислата на, на пример, нутела, само кажи му „во следните две минути те молам не мисли на нутела“. Е, исто и ако на луѓето им кажеш да не мислат како расисти.

Народот во Русија и останатите поранешни републики на Советскиот сојуз е сè помалку ентузијастички настроен кон демократијата и слободниот пазар, покажува новата студија на Европската банка за обнова и развој.

Ајн Ранд родена во Санкт Петербург, мажена и умира во Њујорк, е еден од водечките американски гласови за идејата дека во општеството има "создавачи" (во смисла богаташи) и "зимачи" (во смисла сиромашни и социјални случаи), a "зимачите" се паразити кои само им стојат на патот на морално-супериорните иноватори, зборови што ни самиот Трамп, ниту па неговите колеги, не би можеле подобро да ги смислат.

Уморни од малтретирањето на локалниот нарко картел, граѓани на едно мексиканско гратче ја киднапирале мајката на главниот бос.

Она што Американците го водат како - Русија се мешаше и ги намести изборите за Трамп, во пракса е обвинување дека руски хакери нелегално стекнале доверливи информации од мејловите на демократите, па им ги дале на медиуми да ги објават. Проблемот е што како никогаш до сега ова не им пречи на дел од Американците, посебно на оној дел што гласаше за Трамп.

По брегзит, главното прашање на "остануваме" кампот беше - како се случи ова. Сега една масовна анализа на повеќе од 3 милиони британски твитови покажува дека ниту спасувањето на националниот здравствен систем, ниту суверенитетот на земјата, туку имиграцијата била главната тема која го натерала британскиот гласач да избере напуштање на Унијата.

Два збора кои се прогласени за зборови на годината укажуваат не само на тоа како живеевме последниве (скоро) 365 дена, туку и што нè очекува во иднина. Едниот е „пост-вистина“, а вториот „снегулка“. Комбинирани, тие отсликуваат атмосфера која не е баш благопријатна за критика и аргументирање со факти, a сатирата се сведува на лажни вести-јадици за кликови на интернет.

Стотици заоблени огледала, од кое секое со големина на автобус, се наредени во редови што покриваат 1,4 милиони метри квадратни од мароканската пустина, што (во подеднакво незамислив приказ) е колку 200 фудбалски стадиони. Идејата е Мароко еден ден од комплексот да пушти продолжен кабел за струја до Европа.

Како многу пати во изминативе десетина години мексиканската полиција ќе распореди дополнителни полициски единици околу едно село, како никогаш до сега акцијата не е дел од војната против нарко-картелите, туку затоа што на едно девојче од селото и се најавиле 1,2 милиони луѓе дека ќе и дојдат на роденден.

Еден од најстарите британски универзитети, Оксфорд, е тужен од свој поранешен студент по основа дека образованието што го добил таму не успеало да го направи милионер. Човекот сега планира на грб на Оксфорд да стане милионер и бара отштета од 1,2 милиони евра.

СНЛ во саботата имаше скеч за компулсивното твитање на Трамп (совршено одглумен од Алек Болдвин) додека се подготвува да биде инаугуриран како претседател. Неполни 45 минути по емитувањето на скечот, Трамп твиташе за скечот за неговото твитање.

Kога на 3 декемри 1944 година во центарот на Атина беа убиени 28 цивили, за масакрот не беа криви нацистите туку Британците и од нив вооружените соработници на дотогашниот окупатор. Гардијан на читателите им открива детали околу срамната одлука на Винстон Черчил да им сврти грб на оние што дотогаш гинеа и се бореа од истата страна што на Грција ѝ отвори рани, кои до денешен ден ја одредуваат политичката клима во таа земја.