Ле Пен освои само една третина од гласовите на претседателските избори кои таа и нејзиниот Национален фронт ги изгубија од центристот Емануел Макрон.
Ваквите резултати таа ги прогласи за „историска и масивна победа“ на нејзиното движење кое сега е устоличено како најсилната опозициона партија во Франција.
„Ги повикувам сите патриоти да ни се придружат“, рече Ле Пен која ја чекаат парламентарни избори следниот месец. „Следниве месеци на Франција ќе ѝ бидете повеќе потребни од кога и да било порано“.
За Марин Ле Пен гласаа околу 11 милиони Французи, двојно повеќе отколку што vo 2002 godina освои нејзиниот татко и основач на Националниот фронт, Жан-Мари Ле Пен.
