Летово ќе бидат исликани милиони фотографии, ќе бидат снимени исто толку видеа, и сите тие повеќе или помалку ќе личат едни на други, особено оние од најпознатите туристички атракции. Ајфел си е Ајфел колку пати и да го сликаш. Колосеумот си е Колосеум. А можеби и не е?

Вистината е дека не сме баш сигурни околу жанровското одредување на книгава. Причина: таа ја опишува страсната врска помеѓу еден.маж и „огромна монета", британска фунта која има чувства. Со нетрпение очекуваме вакво еротско дело инспирирано од стопирањето на ИПА фондовите.

Вчера 3.07. медиумите ја пренесоа веста дека на 77 години починал славниот режисер на „Ловец на елени" и „Сицилијанецот". Во текот на кариерата имал големи подеми и катастрофални падови. Но она што остава впечаток е и списокот на негови замислени, понекогаш и почнати, но никогаш нереализирани дела.

Во Битола наводно има(ло) израз со кој се одредува статусот на возрасен маж - ако е „војнет", то ест бил во војска и е женет, значи има завршено голем дел од животните обврски. Но што е со оние мажи и жени кои не се во брак, и кои остануваат такви цел живот? 

Звукот може да биде силно оружје, како на протестни маршеви или активистички собири, кога служи за промоција на некоја благородна идеја и за сплотување. Но што е со онаа музика која се користи за тортура?

Сте дошле во ситуација да сакате да преведете нешто на македонски, и да ви се потребни многу повеќе зборови отколку во англискиот? Не е ни добро, ни лошо, туку едноставен лингвистички факт - некои јазици бараат повеќе детали за да формираат нешто што изгледа како заокружена реченица

Додека славните теоретичари на економијата замислено гледале низ прозорецот развивајќи апстрактни теории за вредноста на трудот, некој морал да им ја зготви вечерата, и да им ја принесе покрај работната маса. Taка, тие останале при очи слепи за улогата на нивните мајки, жени и сестри во глобалната економија.

Џастин Трудо се занимавал со разни работи во животот - боксувал, држел обуки за скокање банџи, има неверојатни јога вештини. Плус е млад и симпатичен. И, да, премиер. Доволно елементи за да се најде во стрип на Марвел.

Спомнување мајки и сестри, па дури и татковци. Гениталии и дејанија врзани со нив. Морони, мамини мази, магариња и кучиња. Има нешто универзално во навредите, од Кина, преку Етиопија до Европа.

На 150 годишнината од формирањето на денес славниот бренд Џек Даниелс, компанијата сама почнува да ја промовира приказната според која вистинскиот рецепт за вискито всушност бил на еден роб. Што им текна токму сега?

Детската фасцинација од тоа да свртиш телефон и да чуеш глас од другата страна постои и денес, но целата постапка сега е толку олеснета, а мобилните толку достапни, што возбудата бргу спласнува. Во „наше време" беше поинаку.

Како може композиција која не била направени ни со ронка желба за промовирање национализам, врз стихови кои зборуваат за пријателство и братска љубов помеѓу луѓето низ целиот свет, да биде користена за пропагирање сосема спротивни идеи? Жижек ќе ви објасни.

Признаваме, по исходот од референдумот во Британија баравме филм кој би можеле да го поврземе со актуелната ситуација, како некое пророштво или социолошки коментар на британскиот менталитет. Не сме сигурни дека ова е тој филм, ама па е многу, многу забавен.

Ако имате хронично напнат израз на лицето, црвена коса и иста таква брада можете да се пријавите на јавниот повик - наградата е 5000 евра, а вашата глава ќе биде излеана во бронза (без коњ).

Почнува како хумористична и благо иронична репортажа за една садо-мазо ниша, а продолжува како крими трилер, со моменти на политички коментар. Да не се гледа ако имате јак скокот.

Заради приватни причини имаме причина да го делиме ова мислење на музичкиот новинар Дејвид Хепворт, изнесена во негова нова книга. Ама годината си е јака, исто како и музиката создадена во тоа време. 

Неговиот последен роман „Покорување" (осврт тука) требаше да биде промовиран токму на денот кога се случи терористичкиот напад на Шарли Ебдо. Денес, кога сите го очекуваат исходот од можниот Брегзит, тој ноншалантно си отвара изложба. „Отсекогаш сум бил мајстор на тајмингот", вели со познатата камен-фаца.

Неколку европски писатели им пишуваат отворено писмо на жителите на Островот, споделувајќи ги своите размислувања за тоа дали вреди да се остане или да се излезе од ЕУ. Во основа она што им го велат е - не си одете!

Од една страна, мимикрирањето на политичка сатира во форма на детски сликовници е симпатично, можеби на долги стази и поучно. Од друга страна, мора ли и децата да ги заморуваме со истите ликови со кои сме опседнати ние?

Што се случило кога Американците прв пат добиле можност да испраќаат поголеми пакети по пошта? Залепи марка на бебето, и испрати го кај баба и дедо.

Дури и оние кои не биле баш добри во пишување состави во школо станаа речити на социјалните мрежи. Но за пет години зборовите нема да бидат алатката со која ќе комуницираме на Фејсбук. Кој знае дали ова е добра вест, или логореата само ќе биде заменета со прекумерна визуелизација?

Ова е главната тема на краток текст на славниот португалски писател Фернандо Песоа. Иако објавен во далечната 1922, тој делува неверојатно актуелен, спојувајќи во нешто што изгледа како идеолошки оксиморон две спротивставени позиции на постигнување човечка слобода.

Непрецизното адресирање е причина за непристигнување на пратки во 75% од светот (што е повеќе од 135 држави). Голем број луѓе така стануваат „невидливи" и тие, затоа што живеат некаде кадешто нема официјална улица, населба или општина, не можат да добијат известувања или помош. Eдна британска фирма има решение.

„Мудро е она дете што го познава татка си", напишал Шекспир. Марк Твен пак во негов стил додал: „А необично е она кое истовремено безрезервно го почитува". Нова книга - збирка кратки приказни за неколку познати татковци раскажани од нивните деца (и од славни деца кои раскажуваат за нивните помалку познати родители), е издадена во чест на Денот на таткото, кој во САД се одбележува третиот ден недела во јуни.