Библиофилите од целиот свет знаат за исландската „божикна книжевна поплава“ во која издавачите темпираат нови книги за време на божикните и новогодишните празници. Легендата вели дека секој граѓанин на оваа оддалечена но ултра-читачка нација тогаш подарува и добива книги. Нивната љубов кон читањето има и своја предисторија.

Рачно испишано предупредување во пиљара да не се „дупчат праските“. Фино отпечатен знак над писоар кој повикува да се „уринира со прецизност и елеганција“. Ова се примери на превод од јапонски на англиски на пораки испишани во јавен простор, кои до сега беа предмет на сеир на остатокот од светот. Но и Јапонците знаат како да вратат.

World of Warcraft, Uncharted или новиот филм за Супер Марио - стана вообичаено ликови и заплети од игрици да се прелеваат во светот на филмот. Но сега Би-би-си Радио 4 сака истото да го направи во сферата на аудио раскажувањето.

Ако, како што вели Педро Калдерон де ла Барка, животот е навистина сон, тогаш тој - животосонот - во својот најраскошен облик, како ужасен кошмар или како најнежна љубовна приказна, се одвива во мракот на кино салите. Таа изолираност од она надвор и втопеност во она внатре може да се доживее и во најскромното селско кино со клупи наместо седишта, и во оние со најсовремени технолошки перформанси. Оваа книга е за тоа како при крајот на 19 век филмот пристигнал во Македонија, како бизнис, забава и како начин да се мечтае.

Режисерот крена во воздух Боинг 747 за неговo претходно дело, „Тенет“. Сега, за потребите на биографскиот филм за еден од пионерите на нуклеарното вооружување, на екранот ќе прикаже експлозија на атомска бомба која нема да биде компјутерски генерирана.

Како е можно парчиња леб со нешто помеѓу да траат речиси цела година под вода? Одговорот на ова прашање е поврзан со тоа како јаглеродот се движи во длабоките води, а има импликации по борбата против климатски промени. 

Се вика „Чамец за спасување“ и е годишен настан организиран од Филозофскиот клуб при Универзитетот Монтевало во Алабама. Интересен мисловен експеримент кој низ годините покажува каков е ставот барем на студентите и вработените околу тоа кои животни вештини и знаења се најпотребни во кризни времиња.

На 85 години почина композиторот кој беше најпознат по своите соработки со Дејвид Линч. Но дури сега, преку неговиот некролог, многумина ќе дознаат и за други славни личности со кои работел.

Била ќерка на некогашни робови, а своето богатство го направила благодарејќи на домашно подготвен производ за нега на косата наменет за Афро-Американки.

Почетокот на новиот филм кој се прикажува на Нетфликс, „Пливачките“, воопшто не асоцира на она што ќе следи. Годината е 2011, а местото базен во Дамаск, Сирија. Две сестри, талентирани пливачки, тренираат под будното око на таткото. Едната од нив е одлучна дека ќе се натпреварува за својата земја на Олимпијадата во Рио. Но војната ги пореметува сите планови.

Годината која изминува донесе напредок на повеќе полиња, покривајќи ги сите животни периоди, од раѓање до смрт, и секоја компонента, од клетките до ѕвездите. Тие вклучуваат супстанца која ги обновува органите на мртви животни; ембрион создаден без сперма или јајце-клетка; телескоп со кој може да се видат првите моменти на универзумот и вештачка интелигенција која создава висока уметност.

Најновото во синџирот на еволуцијата на вештачка интелигенција доаѓа во форма на „нешто“ со кое можете да разговарате како со човек. И уште повеќе - како со прилично артикулиран и разбран човек, со кого е мерак да се прави муабет.

Турнип прајз е британска награда - сатира на престижната Тарнер прајз која ја доделува галеријата Тејт. Во 1999, кога Тарнер оди кај Трејси Амен за обичен ненаместен кревет, друштво од хотел и ресторан во Сомерсет одлучува да воспостави награда на уметност која е намерно глупа, односно која отсликува „краен недостаток на напор“. Оваа година награденото дело е асоцијација на двајцата новинари кои влегоа преку ред да ѝ оддадат почит на починатата кралица Елизабета Втора.

Во нов филм на Нетфликс, „Чудото“ (The Wonder), англиска болничарка пристигнува во село во Ирска за да помине две недели со 11-годишно девојче кое тврди дека живее само на „мана од небесата“ и нема јадено четири месеци. Ваквите случаи во 19 биле чести, на восхит на јавноста и загриженост на медицинската фела.

Во студентските денови Ками бил голман на јуниорскиот тим на алжирски спортски клуб кој обединувал повеќе дисциплини. Запишаните сведоштва од тоа време велат дека писателот бил прилично добар, иако не и сјаен играч. Сепак, секоја година британското здружение „Филозофски фудбал“ (формирано според славниот скеч на Монти Пајтон) продава над 5000 дресови со една негова славна изрека поврзана со фудбалот.

„Само двајца дојдоа на моето вчерашно потпишување книги. Искрено, помалку се засрамив и се вознемирив“, напиша една млада писателка на Твитер. Неколку нејзини постари и поискусни колеги споделија слични искуства и, се надеваме, ја утешија. 

Аргентина, како и голем број други земји е луда по фудбалот, но истовремено и длабоко социјално поделена. Насилството е рутински дел од натпреварите, нешто што Борхес, самиот Аргентинец, го нарекол „ужасна идеја на супермацијата“. Нему му било тешко да ја оддели навивачката култура од самата игра, па еднаш изјавил - секако на ужас на неговите сограѓани - дека фудбалот и глупоста се исти, затоа што обете се популарни.

Не е никаква метафизика, туку станува збор за вистински поштенски сандачиња поставени на дното на морето во залив во Јапонија. Зошто? За да се помачиш да пратиш неколку рачно напишани редови на оние кои нешто ти значат, со малку повеќе напор од еден „клик“.

Нам ни се бендисува затоа што одлично оди со сива или црна. Официјално се вика Пантон 18-750 и според компанијата е боја која ќе ја обележи 2023-тата година.

Сите филмови кои некогаш биле снимени за мафијата се ништовни во споредба со оној на Скорсезе од 1973. Тој дефинирал цел жанр. Инспирирал цели генерации автори. Исто така - никогаш не постоел.

„Писмото е сопатник на човештвото веќе приближно пет илјади години....Не мислам дека би застраниле предалеку од вистината кога би кажале дека писмото е тукуречи синонимно со цивилизацијата“. 

Кога некој конечно ќе го добие заслуженото признание, чувството е позитивно поради тоа што правдата е задоволена, но истовремено останува горчина поради долгото време кое било потребно тоа да се случи. Ова е особено така во приказната на младата хемичарка Алис Бол, чие откритие на ефикасен метод за третман на лепра било преземено од колега кој си го нарекол по себе.

„Животот на развратникот“, единствената целосна опера на Стравински, била премиерно изведена во 1951 на Венецијанското биенале. На ова му претходело долга соработка помеѓу него и британско-американскиот поет Оден. Нив неколку години претходно ги запознал - Олдос Хаксли.

Фридрих Втори или Велики бил еден од најзначајните државници на 18 век. Поборник на уметноста и филозофијата, тој на својот двор го примил Волтер (кој на гостопримството возвратил со тоа што во своите мемоари ја обелоденил хомосексуалноста на кралот). Ја реформирал бирократијата и промовирал верска толеранција. Но имало едно нешто кон кое не бил толерантен - кафето.