Движењето Блек лајвс метер и каузите кои гравитираат околу него од 2020 до денес добиле или им биле ветени 82,9 милијарди долари од најразлични американски компании и корпорации, објавува Њузвик.

Минатата година во Токио во полиција се вратени најдени паричници во кои имало пари во износ од речиси 28 милиони евра (3,99 милијарди јени), или во просек нешто повеќе од 76.000 евра на ден.

Бранењето на тоа што и остана од Бахмут ја чини украинската армија илјадници артилериски гранати на ден, и ова ја става во сериозен ризик можната украинска пролетна офанзива за враќање на остатокот од источните територии што моментално се под руска контрола.

Теоријата вели дека жените за секс одбираат паметни мажи и заради сопствен ќар и заради еволутивно подобрување на гените на нашиот вид. Ако беше така, човештвото требаше да станува сè попаметно. А свртете се наоколу и ќе видите - не е така. Не само што интелигенцијата не помага туку закономерноста оди во спротивна насока.  

Како што Шулц најави пред една година, така германскиот парламент и го изгласа пакетот од 100 милијарди евра за инвестирање во и унапредување на германската армија. Од тогаш не само што не е вложено едно евро од ветените пари, туку Германија моментално располага со помалку оружје отколку што имаше пред почетокот на руската инвазија.

Инаку таблоидната дилема во случајов може да е предзнак за покажување досега незабележана надмоќ на Ши во државата каде црната коса од антички времиња се поврзува со сила и енергија, заради што беше неопходно за најмоќните мажи низ кинеската историја да се фарбаат.

Фасцинантна е бројката на делумно или комплетно фабрикувани научни истражувања кои се објавуваат во бројните научни магазини по светов. Некои од нив се вклучени во највлијателните студии на кои се потпира клиничката пракса. Додека се повлечат, знае да трае и со години. Во меѓувреме, милиони пациенти можеби добиваат погрешен третман.

Некогаш еден од столбовите на глобалниот финансиски систем, Кредит Свис груп АГ, по напнати 48-часовни преговори повеќе не постои, и за 3 милијарди швајцарски франци ќе се претопи во швајцарската банка УБС. За луѓето што ја следат банката, нејзиниот пропаст беше само прашање на време.

На пуштањето во погон на 4-та проширена и надградена верзија на ЧатГПТ, ЦЕО-то на компанијата, Сем Алтман, јавно призна дека и тие се малку извадени од памет, и предупреди дека „технологијата доаѓа со вистински опасности.“

Лондонските банкари од британскиот огранок на пропадната Банка во Силиконската долина (SVB UK) добиле милиони фунти во бонуси, само неколку дена откако беше избегната нејзината несолвентност со спасувачки пакет организиран од Банката на Англија.

Се држи само регионот околу Ливерпул, кадешто пазарот на кокаин сè уште го држат локални гангстери. Сè друго, и во градовите и во предградијата во Велика Британија е во рацете на албанската мафија. За да се задоволи ненаситната кокаинска побарувачка на островот, албанската нарко-мафија го нагази Еквадор.

Францускиот претседател Емануел Макрон искористи специјални законодавни овластувања за да го заобиколи парламентот и директно да ja наметне својата волја. Да го направеше истото тоа некој во Унгарија или Полска, во Брисел ќе беше пиштење-вриштење околу „владеењето на правото.“

Додека светот се бутка кон Студена војна 2.0, западниот меинстрим се враќа на старата тактика, етикетирање и оцрнување на сите критичари на политиката на масовен дотур на оружје во Украина. А критичарите не се марионети на Москва, граѓаните имаат целосно право да ја преиспитуваат улогата на своите влади, особено во време на војна.

Допрва се отплеткуваат детали од пандемијата кои осветлуваат како упаднавме во тој чуден период кој ни ги измести животите и навиките. Уште во раните денови, главниот медицински авторитет на Велика Британија им има кажано на надлежните дека ковидот не е толку смртоносен за да се брза со вакцините. Знаете како испадна. 

Камала Харис беше замолена да ги коментира оценките на  гувернерот на Флорида, Рон Де Сантис, дека украинскиот конфликт е „територијален спор“ и дека не е во стратешки интерес на САД да се здружува со Украина и бесконечно да ѝ праќа сè што ѝ е потребно за да се одбрани од Русија. 

Болничката храна кај нас се доживува како „казна во казна“. Во Белгија е троа поинаку. Тамошна болница доби високо признание за нивната храна од угледен француски гастрономски водич. Менито на наградената белгиска болница сепак нема да биде ставено во препораките бидејќи за тоа треба и да си малку болен.

Американецот ланец за брза храна „Бафало вајлд вингс“ махерски реплицираше на милионска тужба против нив затоа што она што фамозно го продаваат како пилешки крилца не се крилца, туку обично бело месо. „Да, така е“, признаваат тие, „крилцата не се крилца, ама па не се ни од бафало.“

Нова студија која долго време следела пчели во еден национален парк излезе со два депримирачки заклучока во врска со нив: дека имаме изгубено преку 60 проценти од пчелната популација но и дека пчелите угинуваат со иста стапка и кога се далеку од луѓе и нивните индустриијализации и  модернизации.

„Плинските шпорети да ти биле штетни како пасивното пушење“, известивме пред некое време за заклучоците од една европска студија на таа тема. Сега Американци направиле студија за истото прашање и тврдат дека со плинските шпорети сè е во ред. „Поважно е што готвиш,“ потсетуваат вториве. 

Лани само во шест држави и седум територии во светов имало воздух кој ги задоволува стандардите и упатствата на Светската здравствена организација да биде наречен здрав воздух. Сите други просечно вдишуваат нешто шкарт. Како тоа мислите ние кај сме? 

„Би можел да се извинам, ама, нека се лечи“ ѝ порача Рамбо на Лејла Кашиќ, продуцентката на емисијата Дневница која го обвини за сексуално вознемирување.УНИЦЕФ брзо го замрзна ангажманот на Рамбо како амбасадор на добрата воља а тој молчеше неколку дена. Еве ја сега неговата страна на приказната.

Кога беше битно, германскиот министер за здравство тврдеше дека вакцините против ковид немаат несакани ефекти. Сега признава дека имаат и дека таквите случаи се вознемирувачки. Карл Лаутербах предлага фармацијата да финансира институт коју би им помагал на оние кои ги сјебале.

Отсекогаш сме биле проучувани, анализирани и опишувани од оние самоуверени пискарала и репортери кои доаѓаат главно од Обединетото кралство и Северна Америка. Тие најдобро знаат кои сме ние и кон кој тип на политички системи и култура треба да стремиме. Од нас, Другите, се очекува да замолчиме и да слушаме, да научиме кои сме од господарите на универзумот.

Американската компанија планира да произведува автомобили кои на газдата ќе му покажат - кој е газда. Ако не се плати некоја рата, софтверот на колата стартува серија сценарија кои стануваат сè понепријатни. Од гаснење на радиото и климата, па до непуштање на сопственикот да влезе во кола.