Интересни податоци за тоа колку во време на пандемијата е намален волуменот на други медицински интервенции, Кога ќе ни се соберат колена за менување и очи за баждарење, нема да стигнеме да се конфигурираме ни до следното лето.

CV-то на коронавирусот ни оддалеку не е комплетирано и постојано се надополнува со нови ставки. Меѓу нив и тоа дека кај некои пациенти болеста има долга опашка. 

Земјата има 97 милиони жители, и е прв комшија со Кина со која има над 1.440 километри копнена граница, а и покрај сето ова Виетнам до сега на своја почва имаше нешто над 300 случаи на ковид-19 (вкупно), ниту еден мртов и речиси цел месец нема регистрирано ново пренесување на болеста.

Во мерењето се опфатени само оние што починале во болнички кревет, а друга статистика што ја вади англиското здравство е дека 18% од починатите (повторно во болници) имале деменција.

Американски болници јавуваат за ретко и мистериозно заболување кај деца за кое се верува дека е поврзано со ковид-19. Воспалението се јавува 6 недели по изложеноста на дете на коронавирус, а засега добро се третира со агенси за разретчување на крвта.

Плановите се во почетна фаза но за сега ја опфаќаат целата популација на градот, и веќе од сите области на градот е побарано да испратат детали за тоа како би можело тестирањето да биде спроведено во рок од 10 дена.

Втор ден по ред Германија бележи зголемена стапка на ширење на ковид-19, клучната метрика што Роберт Кох институтот ја користи за следење на вирусот.

Многумина мислат за ковид-19 дека е болест која убива 1% од заболените а останатите минуваат со благи симптоми налик на грип. Но, приказната е посложена од тоа. Многумина ќе завршат со хронични проблеми на бубрезите и срцето. После ова, ќе има стотици илјади луѓе на кои ќе им треба дијализа до крајот на животот. Колку повеќе дознаваме за коронавируот, толку повеќе прашања искрснуваат.

Еден од митовите со кој периодов сакаме да се утешиме е дека човештвото потајно успеало да развие имунитет на стадо кој е доволен за во иднина да нè одбрани од вирусот. Е па, не сме ни блиску.

Иако технички ништо од ова не може целосно да се спроведе, дел од американските држави почнаа да ги олабавуваат рестрикциите околу коронавирусот, со препорака за дистанцирање на граѓаните од 6 стапки или 182 сантиметри.

Пред 7 недели Јужна Кореја и САД имаат ист број на смртни случаи од ковид-19. Денес, Јужна Кореја (на 52 милиона луѓе) има вкупно околу 300 смртни случаи од вирусот, САД имаат над 70.000 смртни случаи од вирусот.

Некако поверувавме дека науката е толку егзактна што ќе ни даде објективни и недвосмислени насоки и упатства, па ние нема да требаме да се мачиме со морални дилеми, филозофски нијанси, погледи на свет и други субјективности. А еве нè денес во ситуaција да треба да бираме меѓу епидемиолози, како да бираме меѓу Битлси и Стонси.

Ветувањето е дека тестот, преку крв, може да утврди присуство на вирусот на 24 часа по заразувањето, период во кој луѓето се уште не покажуваат симптоми и неколку дена пред носителот да може да го шири вирусот на други луѓе.

Интернет порно престолнината која многу повеќе помогна во истрпување на мерките за израмнување на кривата отколку која било влада или светски лидер, сега има нов проект чија цел е да „останете чисти дури и кога сте валкани“.

Мерките и целата ситуација околу коронавирусот значително го подобрија квалитетот на воздухот во Европа, што пак ја подобри здравствената состојба на сите што страдаат од редовно загадениот воздух.

Градови низ Америка почнаа да ги забрануваат маските со вентил, да не ги сметаат како носење маска, по основа не дека се штетни за тебе, туку се опасни за тие околу тебе.

Ублажувањето на кривата има смисла како купување време и избегнување на колапс на здравствениот систем. Но, само по себе, купеното време не значи ништо и не спасува животи. Ако популацијата во голема мерка не биде имунизирана на коронавирусот, или природно или со вакцина, кога и да се дигне карантинот, заразата ќе се врати на својата вродена стапка на ширење и ќе се случи ама баш истото како да немало мерки. Ако не и полошо. 

Во страв да не се заразат по болници, родители не ги носат децата ни на редовни прегледи ни на редовни вакцинации. На тој начин оваа пандемија го сее семето на некои идни здравствени кризи кога ќе е можно да нè сардисаат и посмртоносни болештини.

''Boj se ovna, boj se govna, a kada ću živjeti?'' 
Меша Селимовиќ

Згуснатата крв можеби ја објаснува неефикасноста на респираторите во кои толку се надевавме. Со нив пушташ воздух да циркулира низ белите дробови но бадијала е тоа ако не циркулира крвта. 

Доналд Трамп, бизнисмен по образование и професија, со моментален ангажман како претседател на САД, најлаички запраша дали може луѓето да се вшприцува со средство за дезинфекција како лек од коронавирус, и сега на цел здравствен систем и експерти околу него треба да им паднат пломби од објаснување дека човек не треба да се вшприцува со средство за дезинфекција.

Сооченоста со смртта, хемијата на анестезиите, неприродноста на дишењето преку апарат поради што некои пациенти мораат да бидат врзувани за да не ги откорнат цревата од себе... сето тоа може да остави трајни последици во мозокот, од пост трауматски стрес синдром до когнитивно марушување и деменција.

Во досега невиден здравствен пресврт, медицинска студија, која во повеќе наврати ги нагласува сериозните здравствени последици од пушењето, открива дека во тутунот има некоја супстанца која може да го намалува ризикот од заразување со коронавирус.

Науката ја дочека пандемијава неспремна како што ЈНА што го дочека распадот на СФРЈ. Таман глобално се рашири надежта околу комбинацијата анти-маларик со антибиотик, стигнува студија дека кај пациенти третирани со тоа комбо, смртноста е поголема отколку кај оние без таа терапија.