Иако наликува како продолжение на некои обвиненија и шпекулации за пракси во македонски психијатриски болници, сторијата доаѓа од многу подалеку, од Гана, поконкретно од рурална Гана, каде луѓе со проблеми со ментално здравје завршуваат со години врзани за бетонски столб или за дрво.
Се вика Лори Гарет, покрива научни области, добитник е на Пулицерова награда и нема епидемија по светов на која не се појавил за одвнатре да ја посматра. Ова има да го каже.
ХПВ16 и 18, најризичните канцерогени типови на човечкиот папиломавирус се речиси елиминирани меѓу младите жени во Англија, благодарејќи на успешната масовна вакцинација преку школите. Во вакцинацијата се вклучени двата пола.
Нова студија тврди дека сите луѓе имаат тенденција да бидат најнесреќни во ист од момент од животот, на 47 години. Истото од студијата го потврдуваат и луѓе што се на 47 години.
Научници анализираат 10 години во здравствени статистики и како општествените и економските фактори доведуваат до здравствени проблеми на стари години. Излегло дека немањето пари оболува.
Од измислена смртоносна епидемија на измислени смртоносни сипаници во Демократската република Конго починаа измислени 6.000 луѓе. Нормално дека ништо од ова не е измислено, ама кој да се објаснува.
Пакувањата на храна освен рок на траење, калории, состојки, начин на подготвување и потекло, на себе треба да имаат и колку вежбање е неопходно за да се потрошат калориите од производот.
Речиси една четвртина од децата и младите (оние млади што уште ти живеат по дома) се навлечени на своите смартфони до ниво што почнува да наликува на зависност. А ако сакаш да видиш до каде е дојдена работата, пробај на кратко лиши ги од мобилниот.
Ли се раѓа како Деби, меѓутоа на 44-годишна возраст решава дека тоа не е правилната улога што треба да ја има во животот па прави операција за промена на полот. Сега, речиси 2 децении подоцна, Ли не се чувствува пријатно ни како Ли.
Нови студии покажуваат дека штетата од сипаниците трае многу подолго од самата болест. После сипаници, организмот останува со многу слаб спектар заштитни клетки и пребришана имуно-меморија за претходните болести, со што имунолошката кондиција на децата се враќа во бебешка фаза.
Измените што ги правиш на местото на кое работиш во форма на апгрејд на столицата или бирото, имаат малку или воопшто немаат влијание на тоа дали ќе развиеш проблеми со кичма и врат. Она што има влијание е - стресот.
Луѓето кои умреа како резултат на оштетување на белите дробови поврзано со користење електронски цигари, најчесто користеле производи кои исклучиво содржат ТХЦ, објави американскиот Центар за контрола на болести.
Џонсон и Џонсон соочени со неколку тужби дека нивни производи им наштетиле на корисниците, одлучи дека сепак е најпаметно да ја повлечат пудрата за бебиња во која беа откриени траги на азбест.
Британски психијатар ја алармира јавноста дека во земјата веќе е регистриран еден случај на психоза предизвикана од нервоза околу брегзит и сè што се случува околу него.
Долгогодишната упорност со која што работат корпорациите (а и замореноста на јавноста од константниот бараж) успеа да убеди стотици милиони, инаку разумни, луѓе низ светот, дека големите проблеми на човештвото се предизвикани од нивниот личен избор, а не од алчните корпорации кои го корумпираат комплетното глобално законодавство со цел тие на крај да излезат чисти и без последици од масовниот помор што и го прават на планетава.
Не дека не е убаво кога некој ќе поништи ерес од типот дека јадењето месо е причина за епидемијата на рак, ама народ толку се возбуди околу новава студија како па до сега да му се тресеа на секој залак месо.
Добар дел од тие што почетоците на пушењето ги имаа со цигари, почнаа да се префрлаат на електронската варијанта затоа што тоа им звучеше како „поздрава алтернатива“. Сега спасот од цицање УСБ го бараат пак назад кај тутунот.
Пред да се случи масовното навлекување (и претерано и непотребно користење) на лекови против болка, се работеше на ширење потребата од нив, а тоа се одвиваше на терен со работа со доктори, и во етер со медиумско ширење на неопходноста од користење опијати.
Во 2015, најголемите 6 производители на цигари прават поголем профит од Дизни, Кока-кола, Гугл, Мекдоналдс, Старбакс и Федекс, заедно. А тоа не се пари што се прават во свет што не пуши.
Британците решија дијагнози од типот анксиозност и депресија наместо со лекарства и какви се не хемии, да почнат да ги лекуваат со зеленило и градинарство. И за сега добро им оди.
