Шпанската држава ќе им плаќа по 250 евра на млади Шпанци/Шпанки да ја пресечат папочна врска со своите родители и да се иселат од дома. Колку млади? Па до кај 35 години.

Во иднина секоја реклама за автомобили во Франција задолжително ќе треба да содржи порака дека автомобилите општо не ги бива и да ги стимулира гледачите да не користат автомобили.

Каде ја бараат и во што ја наоѓаат луѓето среќата и смислата на своите животи? Среде пандемија биле прашани 19.000 возрасни лица во 17 различни држави од светот. Има некои константи ама интересни се и разликите.

Универзитетските видео предавања треба да се пуштаат на двојно поголема брзина ама да се изгледаат два пати за најлесно да се научат. Истото веројатно важи и за разни Јутјуб туториали што ги гледате.

За една година, очекуваниот животен век на Американците падна за речиси две цели години. Се работи за најголемиот пад во оваа статистичка категорија во последниве 75 години. Притоа, ковид не е најголемиот поединечен убиец.

Најмногу што на времето можеше да се ќари од јавниот превоз во Скопје беа филтерчиња од картите за автобус. Сега Берлин оди еден чекор понапред и пушти во оптек карти за метро од коноп што се јадат.

Во преседан кој би требало да стане пракса барем еднаш во мандатот на кој било политичар, двајца локални политичари од Бразил префрлањата од Фејсбук ги решија во ММА ринг.

Судиските власти зададоа одлучен удар на една од најголемите измами во земјата и наредија дисквалификување на 40 камили од еден тамошен избор за најубава камила, затоа што биле „унапредени“ со ботокс, фејслифт и филери.

Иако беше една од првите земји во светот што се барикадираше откако се разбра за новата ковид варијанта, Израел одлучи да воведе исклучок во забраната за влез на странци кој ќе важи исклучиво за Мисиците од цел свет.

Бабите емоционално се повеќе поврзани со своите внуци и внуки, отколку со сопствените деца, покажува студија која го истражува функционирањето на нивниот мозок.

Три неуспешни кандидатки за мис на Франција го тужат организаторот дека учесничките и победничката ги бирал врз основа на нивниот изглед.

На 95 години, кралицата Елизабета од својот доктор беше советувана да почне внимава на здравјето и за почеток да откаже алкохол.

Во желба што повпечатливо да му го честита роденденот на рускиот претседател, официјалната верификувана Твитер сметка @Russia го намонтира Путин до една масивна мечка, и сега Американците им фаќаат сеир дека мечката не била нивна.

Во околината на белгиски Гент отворени се првите природни гробишта во кои телата на починатите се закопуваат во дупка на отворена ливада без никакво обележје и имаат рок од 25 години да се распаднат.

Нагласувајќи проблеми со „правичност и безбедност“ извештај објавен од Британскиот совет на петте спортови, покажува дека клучната физичката предност на транс-жените пред биолошките жени останува дури и по намалувањето на нивото на тестостерон кај транс-родовите спортистки.

Дански уметник му зема 84.000 долари на еден локален музеј за да изработи уметничко дело за изложба, и за возврат им испорачува празни рамки, празна банкарска сметка и резил. Уметност.

38-годишната Алана Меклофлин победи во својата прва ММА борба во кариерата поразувајќи ја Селин Провост. Пред да се реши да биде ММА борец во женска категорија, Меклофлин беше машко и служеше неколку години во Ирак како специјалец во американската армија.

Заглавен во својот автомобил во некоја бескрајна сообраќајна колона, дечко решил да го хакне билбордот кој бил во близина и на него да стрима порно. За негова голема несреќа, сето тоа се случува во Индонезија.

Од 71 медал што го имаат освоено Русите на Олимпијадата во Токио, нешто помалку од половина ги добиваат луѓе од војската, полицијата и националната гарда.

Како место во кое летните температури редовно знаат да бидат и над 48 степени Целзиусови, а и како место во кое без проблем со години сред пустина функционира затворен скијачки терен, Дубаи одлучи со дронови и струја да создава дожд. И местимично претера во тоа.

На два вида на риби од северните мориња, изгледа им успеа да пренесат генетски материјал меѓу себе, без парење. Ваков “хоризонтален” трансфер на ДНК до сега е забележан само кај микроорганизми, кај бактериите. За сега, ова откритие се третира како куриозитет во научниот свет, но кој знае, можеби еден ден ќе откриеме дека некои меѓу нашите гени не се “наши”, туку ни ги пренеле, на пример, комарци.

Емотиконите, тие забавни и ефикасни алатки за онеписменување на луѓето, добиваат засилувања со неколку нови решенија кои треба да го најават времето кое доаѓа. Меѓу нив и маж со стомак, ама не од пиво.

Ранчови, вили, куќи и слични недвижности запленети од наркобосовите завршија во списокот на награди кои ќе се делат на лотаријата организирана од мексиканската влада.

Запознајте се со малиот белгиско -холандски вундеркинд кој заврши средно за година ипол а факултет за една година. Помлад од него беше еден Американец ама тој подоцна заврши по квизови. Ова дете е нешто поамбициозно.