Го имате ли и вие сè почесто чувството кое ви го раѓа хаосот и апсурдите на секојдневието поради кои помислувате: „Не е можно ова! Некој мора да се заебава со нас!“ Бидете така. 

Пандемијата доведе до огромен скок на популарноста на шахот, особено на онлајн играњето на оваа древна игра. Но, истовремено тоа доведе и до поплава на измамници кои до вчера биле трупови а денес играат како велемајстори.

Тој што е слаб со бројки е поподложен на дезинформации и лажни вести поврзани со актуелната здравствена криза. А старите, иако ги мислиме завеани, се држат сосема добро.

Сè повеќе деца се раѓаат без умници. Сè повеќе луѓе имаат артерија на подлактицата. Или дополнителни коски во екстремитетите.

Ако ви побараат да направите избор меѓу две работи - две лица или двајца политичари - веројатно сте убедени дека добро ги знаете причините зошто сте одбрале А наместо Б. Но, дали е така? Шведски психолог мисли дека не е.

Венера секогаш му била втора виолина на Марс во очекувањата да најдеме живот во нашиот млечен комшилук. Но, откривањето на гас кој сугерира нешто живо таму, ги менува работите. Уште да смислиме што можеме да пратиме ние од нашава планета а што ќе може да ја издржи температурата (близу 500 целзиусови степени) и притисокот (речиси 90 пати поголем од овде) на таа планета.   

Што би се случило доколку на 1.000 тинејџери им се даде да ја водат државата? Ништо ново, покажува документарец за еден таков експеримент.

„Некој кој се вика Расел Кроу штотуку даде великодушна донација“, обелодени иницијаторот на иницијативата за обнова на разрушениот бејрутски ресторан Леш Шеф, еден од омилените ресторани на покојниот Ентони Бордејн. Потоа се јави Расел Кроу за да каже дека е тој Расел Кроу.  

Ресторани во Фиренца и други места почнаа повторно да ги користат малите отвори низ кои векови наназад, во време на епидемии, им било давано вино на муштерии од пристојна социјална дистанца.  

Научници успеале да оживеат растение од семе старо 32.000 години. Со тоа го срушија досегашниот рекорд за цели 30.000 години. А на некој, патлиџан ќе му порасне и ене го одма на Инстаграм.

Додека оваа пролет се прогласуваа карантини и се препорачуваше да се седи дома, луѓето од неонаталните одделенија за интензивна нега забележале видлив пад во бројот на предвремно родени бебиња. Во некои случаи падот е драстичен.

Насловот е бонбона ама деталите од веста се уште појаки. Ајде да видите за што биле парите од картите и кој е крив.

Астрономите лани открија една монструозно голема црна дупка а сега успеале да направат проценка на нејзината маса и стаписани се од нејзиниот гарантуовски апетит: за да остане во форма, црната дупка јаде по едно наше сонце дневно.

Западни медиуми мораат да се враќаат во минатото и да потсетуваат дека на многу сличен отпор на денешните маски, своевремено наидоа и појасите во автомобилите. Во земја во која масовно се ставаат лажни лаживчиња или појасите се врзуваат зад седиште, нас не мора да нè потсетува минатото. 

Еве ни уште еден шокантен пресврт и тоа во нешто што го мислевме за интуитивно разбирливо и сосема неконтроверзно поправање на штетата која човекот ја прави на планетата: да садиме што повеќе дрвја. Тоа може да донесе повеќе зијан отколку ќар, предупредуваат новите сознанија.

Кога ќе се случи некоја беља која нè погодува сите, многумина се надеваат дека тоа може да биде пресвртен момент за човештвото да ги среди своите приоритети и да го преиспита своето однесување. „Ништо веќе нема да биде исто!,“ ќе мора да се подвикне од копно за да слушнат оние кои ни мавтаат од палубите на луксузните крузери. 

Му продале телефон за кој тврделе дека е непробоен ама му бил хакнат и со тоа му била нанесена емотивна вознемиреност и се чувствувал понижен. Па со пар милијарди долари, самохраниот брат малку од малку да ги закрпи своите рани.

Таман кога светот помислил дека куртулил од првиот бран, доаѓа втор, со мутирана и многу посмртоносна верзија на вирусот. А врвната медицина и наука од тоа време, цело време бараат лек за бактерија. Кои се наравоученијата?

Коронавирусот го има добиено името по специфичната круна/ореол кој го има вирусот кој инаку е сличен на оној на грип. Кога Џун Алмеида во научен магазин го пријавила она што го открила, била одбиена со образложение дека тоа е обичен вирус на инфлуенца, само лошо снимен. 

Накратко - не можете. Поточно, можете, ама топтан со вирусот да отидете и вие. Ама дека автобуси од јавен превоз можат да се дезинфикуваат на тој начин - можат.

Мадона велеумно ја нарече пандемијата „големиот еквилајзер“. Демек таа нè порамни, нè сведе на НЗС, сите сме конечно исти - луѓе кои во страв од глобалната зараза одбираат да бидат во изолација. Само што, има тука некои нијанси. Тајландскиот крал за самоизолација одбра хотел во Гармишпартенкирхен, за себе, послугата и харем од 20 конкубини.  

Парадоксална е таа нивна професија: за да стигнат таму каде што другите не можат, тие не можат да мрднат од своите тесни безвоздушни комори. Астронаути даваат совети како да се прегрми изолацијата и притоа да се сочува памет. 

Во филмот „Вариола вера“ има вонвременски прецизна дефиниција за разликата меѓу женски полов орган и карактерна особина. Значи, како пизди. 

Заради значително и рапидно зголемен број на нови заразени со ковид-19, германскиот центар за контрола на болести го зголеми нивото на ризик од ширење на коронавирус во земјата од „умерен“ на „висок“, а во одредени делови и на „многу висок“.