Кога британскиот министер за транспорт триумфално на Тикток покажуваше како 58-метарска руска суперјахта вкотвена во Лондон повеќе нема да смее да мрдне од пристаништето, и покрај целата желба тој не смееше да стапне на нејзе затоа што Британија само ја замрзна нејзината сопственост, но не ја заплени. Идентично е и со останатите стотици милијарди долари замрзнат руски имот.

Омилената закана на Западот за искористување на запленетите 300 милијарди долари руски имот за реконструкцијата на Украина е обремена со толкави пречки, од правни до историски, што за сега е малку веројатно да се случи. Процената на Фајненшл тајмс е дека ако се сака да се помогне на Украина тоа треба да го направат  лично Европејците.

Локален функционер од Индија наредува, затоа што му се може, една брана од неговата околија да биде испразнета за тој да може да го најде мобилниот телефон што му паднал во водата.

И годинава стандардно кандидатот за избор на нов генерален секретар на НАТО ќе биде од Европа, тоа што е нестандардно, ама има големи шанси да се случи, е лидерот всушност да биде лидерка. За ништо да не биде ни приближно решено, големи шанси да дојде на позицијата има и британскиот министер за одбрана, кој не е ЕУ, ниту е жена, а не е исклучено и Столтенберг да остане.

Неколку дена откако првиот човек на американскиот генералштаб порача дека Ф-16ките нема многу да сменат и дека Украинците треба да се крстат во ПВО системите, Блумберг објавува изјави на неколку американски воени пилоти кои јасно кажуваат дека руските ПВО ракети без проблем можат да ги решат Ф-16ките.

Веќе се во тек подготвителните операции во кои се чистат руските депоа со оружја и муниција на фронтот и се прекинуваат линиите за нивно снабдување, објавил советникот на Зеленски, Михајло Подолјак, објаснувајќи дека ова ќе потрае.

Со задоволна насмевка на лицето, американскиот сенатар од Јужна Каролина имаше што да додаде на она што му го реферираше неговиот домаќин Владимир Зеленски за ситуацијата во Украина. Линдзи Грем ќе дополни: „И Русите гинат. Тоа се нашите најдобро потрошени пари!“ Реагираше Москва па го стави Линдзи на потерница.

Некогашниот воен командант на Русите од Донбас предупредува дека скорешните критики на првиот човек на Вагнер упатени на адреса на воениот врв на Русија и неговата најава за повлекување од Бахмут се правење терен за сериозни разместувања во Кремљ. Според таквото мислење, изгледите за бунт зависат од епилогот на претстојната украинска контра-офанзива.

Бројот на луѓе во Англија која мака мачат да ги платат месечните сметки и рати, за краток период се има зголемено за 40%. И не им текнува на што се должи тоа и како може да се прекине. Важно Борис Џонсон на времето брзо одлета во Истамбул за да спречи мировен договор меѓу Украина и Русија.

На Украина и треба помош од странските сојузници и во уште една контраофанзива против непријател што далеку подолго ја кочи земјата и украинскиот народ: „олигарси и корупција на највисоко ниво“.

За време на Г7 самитот во Хирошима, првиот човек на Обединетите нации, порача дека и Советот за безбедност и договорот од Бретон вудс го одразуваат односот на силите во 1945 и треба да бидат апдејтувани на денешно време.

Во државата во која се води една од најбезмилосните и најуспешни борби против бандите и наркокартелите, денови во еден провинциски град беше убиен полицаец. Како одговор на ова, претседателот на Ел Салвадор, Најиб Букеле, испрати 5.500 војници и полицајци да го опколат градот.

Првиот човек на украинското разузнавање, и веројатно најагресивниот лик во украинскиот врв, се отвори дека од почетокот на војната успешно елиминирале пропагандист на Кремљ, и дека војната нема да заврши само со ослободување на Украина.

Како што и двете партии почнаа да вршат притисок врз Пентагон да се објасни како ќе продолжи да ја помага Украина без нов пакет од Конгресот, така Пентагон открил дека имаат некои си 3 милијарди долари што по грешка ги запишал како потрошени.

Есапот на инвеститорите во Корниш зградата во Хонгконг беше дека ќе вложат 1 милијарда долари, а од продажба на станови ќе извадат 3,8 милијарди долари. За сега, есапот не им излегува.

Ново истражување на американското јавно мислење спроведено од Харвард-Харис покажува две битни работи. Прво, дека американските корпоративни медиуми радикално се оддалечени од мислењата, надежите и ставовите на обичниот народ. Второ, дека истиот тој народ сепак не пие нафта.

Обемот на руски загуби во 2022, во комбинација со рускиот судир со НАТО системи на кои претходно им се немаат спротивставено, предизвика значително застранување на руските операции од нивната востановена доктрина, стои во анализата објавена од институтот РУСИ.

Земјата никаде не мрда од Унијата ама затоа што не знаеш што може да се случи сепак треба да почне да се подготвува за излегување од таму да не биде после начекана во небрано.

Ни специјална, ни хибридна војна, туку апла отворено, ЦИА објави видео на руски јазик во кое се охрабруваат Русите да стапат во контакт со американската шпионска агенција. Од неодамна, казната за предавство на татковината во Русија изнесува од 20 години до доживотен затвор. 

Ниту една држава нема изгубено толку многу луѓе што работат во науката, колку што Русија има во последните 5 години, порачал потпретседателот на Руската академија на науки Валентин Пармон.

Тоа што почна како разумна борба против загадувањето на воздухот изминативе години во Европа е доведено до талибанска чистка на секој можен извор на загадување како би се исполнила фанатичната агенда за 0% штетни издувни гасови. Најновиот непријател во оваа битка е храната и луѓето одговорни за нејзино производство - земјоделци и сточари.

Индиската влада работи на кампања за враќање на кралските бесценети камења, вклучително и оние од круната, и музејски артефакти од Британија во споредба со која грчкото барање за Мермерите од Акропол изгледа како кусур во маркет.

Како што Украина објави дека соборила 6 Кинжал ракети, на што Шојгу одговори дека тогаш собориле повеќе отколку што Русите лансирале, така во Русија се рашири веста дека под обвинение за велепредавство се уапсени тројца научници од лабораторијата во која беше создаден Кинжал.

Наспроти благоглаголивата реторика на актуелната постава на Белата куќа за тоа како Америка е лидер на демократијата и прави сè за да поддржува демократии уздуж и попреку, реалноста е поинаква. Лани САД продале оружје во преку половина од државите кои релевантните светски листи ги означуваат како автократски режими.