Трамп уште од почетокот на својата кампања тврдеше дека во најскоро време ќе ја заврши војната, а неодамна порача дека подготвен да се сретне со рускиот претседател. Самиот Путин му ја честиташе победата на Трамп на изборите, и исто така изјави дека е подготвен да се сретне со него да дискутираат за Украина и енергетика.
До сега руските власти во повеќе наврати отфрлаа дека имале директни контакти со американските колеги околу подготовки за телефонски разговор меѓу Трамп и Путин, кој би требало да претходи на евентуалната средба меѓу двајцата.
Меѓутоа Ројтерс пишува дека според руски извори, тамошни функционери изминативе недели биле во посета и на Саудиска Арабија и на Емиратите.
Дел од изворите тврдат дека во Кремљ и понатаму има отпор кон идејата, бидејќи и кралството и Емиратите имаат блиски односи со САД.
Саудискиот престолонаследник беше првиот светски лидер кој му се јави на Трамп да му ја честита победата на изборите во ноември, а Путин во септември јавно му се заблагодари на Мухамед бин Салман што помогнал за организирање на најголемата размена на американски и руски затвореници од крајот на Студената војна.
