Неделава силите требаше да ги одмерат двајца најдобро пласирани романски претседателски кандидати:  ТикТок 'ѕвездата' Калин Георгеску и поранешната тв новинарка Елена Ласцони. Но, само 48 часа пред отворање на гласачките кутии, Уставниот суд реши да го поништи целиот процес заради руска вмешаност. Истовремено се оддржаа и парламентарни избори, ама, види чудо, тие резултати на државата ѝ се чинат неспорни.

Американската амбасада во Сирија во 2017 година објавува награда за озлогласениот терорист Абу Мухамед Ал Џавлани, нудејќи 10 милиони долари за негово откривање или ликвидирање. Седум години подоцна, откако Обама рече „Асад мора да замине“, денешен Вашингтон прилично неутрално порачува дека „внимателно го следи развојот на настаните во Сирија.“

Два месеца откако влегуваат во брак, Кинез уплаќа животно осигурување на својата нова сопруга, чиј краен корисник е самиот тој. И тоа не е едно, туку неколку. За жал ништо од ова не и е ни најмалку сомнително на жената.

Уште месец и половина останува до стартот на вториот мандат на Доналд Трамп. Веќе се познати имињата на клучните лица во власта и агенциите а најмногу се очекува од новиот оддел DOGE (Оддел за владина ефикасност), кој ќе делува како советодавно тело надвор од самата влада. Ќе го водат Илон Маск (Тесла, Спејс Икс, Икс) и републиканскиот политичар Вивек Рамасвами.

Белата куќа составила стратегија за засилување на Украина која треба да биде испорачана пред доаѓањето на Трамп на власт. Таа вклучува 20 милијарди долари во заеми и дополнителни сеопфатни санкции против Русија.

Воената хунта во Нигер која на власт дојде минатата недела, вети дека ќе ги ревидира и поништи сите договори кои претходните власти галантно ги имаат склучено со странски фирми за експлоатација на екстремно богатите рудни наоѓалишта во земјата. Први тоа го почувствуваа Французите кои менаџираа рудници со преку 200.000 тони ураниум.

Само во ноември Украина изгуби повеќе територија отколку територијата на цел Њујорк (градот), што претставува најголема загуба на територија од септември 2022, кога ја организираше својата најуспешна контра-офанзива.

Дел од највисоките украински функционери преговараат со колегите од идната американска администрација во надеж дека ќе ги намалат разликите што ги имаат со Трамп за тоа колку Украина треба да попушти во идните преговори.

За прв пат по 27 години холандското министерство за одбрана размислува за воведување задолжителен воен рок во земјата. Веќе имаат план што треба да се направи и сфатиле дека многу треба да се направи, ама веројатно друго решение нема да има.

Полјаците буквално го сфатија надмениот опис на Жозеп Борел за ЕУ како „градина“ чии луѓе и институции имаат обврска да ја штитат од „варварите“ од надвор. На источната граница поставуваат тн змејски заби, бетонски фортификациски објекти кои се користат уште од Втората светска војна и со нив прават одбрамбен бедем. Колку долг? 800 километри!

Средно училиште од Нирнберг со константни проблеми со доцнење на учениците одлучи проблемот да го реши со пари. Не со давање пари, туку со земање.

Најновиот јавач на неизбежната апокалипса на руската држава е информацијата дека во Русија почнал да се краде путер во супермаркети заради неговата висока цена, а дел од сопствениците почнале и да го заклучуваат.

Предложената формула од Зеленски е примирје со Москва, Русија да ги задржи териториите што ги има освоено, а безбедноста на остатокот на државата да ја гарантира НАТО, така што нивни војници би создале демилитаризирана зона меѓу двете страни.

Човекот што успеа да го собере цел Запад зад себе, и на зборови и на пари и на дела, и да ја води Украина во најтешките денови на окупацијата, моментално се наоѓа на дното од својата популарност, а најголемиот дел од гласачите би сакале тој да не бара втор мандат.

Полска станува клучен воен и политички играч во Европа. Со рекордно одвојување за војска, таа ги надминува и препораките на НАТО и сопствените домети во модернизација на војската. Свесна за историските компликации и можните закани, Полска тоа го прави поради нивната проценка дека „медениот месец за Европа заврши.“

Кабелот е за интернет и е подводен, а треба да се пушти низ океаните за да ја обиколи планетава и да и помогне на Мета сите нејзини сервиси (Фејсбук, Инстаграм, Вотсап), подобро и постабилно да функционираат.

Жена е згрозена од својот бивш партнер заради роденденот што овој му го организирал на нивниот 13-годишен син. И полицијата е на ист став со мајката, а и судот.

На неколку недели пред крајот на мандатот, американскиот претседател Џо Бајден потпиша сеопфатно помилување за син му Хантер Бајден. До сега Бајден држеше на ставот дека нема никако да се меша во правните проблеми на Хантер.

Новоизбраниот и сè уште неинаугуриран претседател на САД, Доналд Трамп, им се закани на државите од БРИКС (Бразил, Русија, Индија, Кина и Јужна Африка, подоцна проширени со Иран, Египет, Етиопија и Емиратите, плус дузина држави партнерки, плус 30-тина заинтересирани) дека ќе ги замава со драконски тарифи ако помислат да се еманципираат од доларот како валута за меѓународни финансиски транскации и почнат да прават конкурентна валута.

Британските парламентарци го направија првиот чекор кон дозволување на предвремено и асистирано умирање. Терминално болни лица чии изгледи за живот не се подолги од шест месеци, ќе може да побараат да бидат еутанизирани. Потребни ќе бидат потписи од два доктора и од еден виши суд. Кај нас суд дур ти потпише нешто, и онака ќе умреш.

Мајка од Кина решава дека е време да го научи својот син повеќе да го цени образованието и училиштето, па го тера да почне да работи на тезга за храна. Планот целосно и пропаѓа откако за првите 10 дена дечкото прави мало богатство.

Последното што доаѓа од американската администрација во заминување е дека Украина треба да почне да работи на симнување на старосната граница за регрутирање од 25 на 18 години. Да, со полнолетство, да се влегува директно во војска.

Од завршувањето на изборите во САД пред дваесетина дена Стејт Департментот веќе одржал неколку тераписки сесии со вработените кои биле премногу вознемирени од изборната победа на Доналд Трамп.

Не било тоа само кај нас, со мавтање со резултати од предизборни сондажи да се манипулира перцепцијата, да се храбри гласачката база и оние кои сакат да гласаат за победник. Камала до последен момент водеше пред Трамп, покажуваа медиумски обилно користените анкети. Неполн месец по изборите, од нејзиниот штаб признаваат дека на интерните анкети, никогаш не водела.