За тие што не ја видоа: видео што ги покрива сите мулти-култи ставки од муслиманки со фереџе, црнци, ЛГБТ луѓе, до латиноси, жолти, кафеави и бели, сите тргнати во протест против репресивните власти и во моментот пред сето ова да експлодира, работата ја смирува Кендал Џенер (тазе избегана од фото-сесија) - со лименка Пепси. Глобалната реакција на видеото, обединета како ретко кога, а шаренолика како и самиот кастинг на рекламата беше - па дај молим те.

Русија забрани објавување и споделување фотографии од Путин како геј кловн (меѓу останатите работи што ги забрани), и ова е посебен проблем за медиумите кои заради забраната сега немаат како да покажат која слика е забранета за прикажување.

Едно од најсериозните политички пера на Ролинг стоун, Мат Таиби, смета дека актуелната американска хистерија околу Путин е засрамувачка. А многумина паметни луѓе молчат само за да не бидат прозвани како платеници на рускиот претстедател.

Бибиси проценува дека ова се цифрите што ќе ги дефинираат претстојните 100 години и што ќе се случува во нив.

Њујорк тајмс цитира руски извори по кои во Чеченија се спроведува масовна чистка на хомосексуалци. Портпаролот на Кадиров пак, вели дека не можеш да уапсиш некој кој не постои.

Додека Тереза Меј го потпишуваше почетокот на преговорите за напуштање на ЕУ, никој не се сомневаше дека ова разделување ќе биде болно за двете страни - а за Британија многу повеќе отколку за ЕУ. Ама не е дека нема позитивна страна.

150.000 долари на ден е проценетиот (заокружен) трошок на градските власти за обезбедување на сопругата и најмалиот син на американскиот претседател додека се во Њујорк. А таму ќе бидат се додека малиот не заврши со школо.

Со темата што тоа нè спречува да се сослушаме се имаат занимавано и сериозни теориски физичари. Ако во еден дијалог се влегува со мотив да се победи другиот (овдешните малоумници тоа го викаат „да избрише под со него“), таквиот дијалог само ќе доведе до уште поголема конфузија и недоразбирање.

Кон крајот на 2016-та Трамп во еден свој Твитер проглас порача "Обединетите нации имаат толку голем потенцијал, а моментално се само клуб на луѓе што се собираат, зборуваат и убаво си поминуваат. Тажно." Ова кај добар дел од поборниците на глобалната институција предизвика напад на уште повеќе твитање и пишување едиторијали.

Американскиот ракетен штит (АБМ), кој вклучува неколку локации во источна Европа и бродови кои патролираат во близина на руските граници, му даваат можност на САД да започне "огромен изненаден нуклеарен напад на Русија".

Не е почеток на виц туку реакцијата на Џон Клиз откако беше објавена веста дека Керим Ахметспахиќ за 35 секунди скршил дури 111 блокови и го срушил Гинисовиот рекорд во оваа категорија.

Белата куќа планира дека 1 милијарда долари ќе покријат изградба на 100 километри од ѕидот кон Мексико. Пресметките од одделот за Домашна безбедност покажуваат дека милијардата е доволна само за 77 километри. Она околу што сите се сложуваат е дека меѓу САД и Мексико има 3218 километри граница.

Двајца врвни професори од Принстон и Харвард, едниот левичар, другиот десничар, иницираа заедничка изјава. Клучна реченица: „Без разлика дали сте лево, десно или во центар, ПОСТОЈАТ луѓе со добра воља кои не ги делат вашите суштински убедувања“. Тоа е работа на професори, да ги потсетуваат пишпириците на важноста на слободата на говорот. А не...

Не дека ваква сплетка не можеше да се очекува. Откако заради разочараност со капитализмот голем број десничарски движења од Источна Европа тргна во уште една пресметка со комунизмот, логото на холандското пиво Хајнекен се наметна како сериозен предизвик во оваа идеолошка забуна: симбол на продорот на капитализмот со петокрака на шишето. Не само тоа, неретко на либералите ова лого им претставуваше клуч во одбраната од нападите од десно.

Верувале или не, Во Австралија досега си можел да се вадиш што си утепал човек затоа што си се уплашил дека овој сака да те погали по јајца.

Јусуфија е крајно небитно село во централен Ирак на 10 километри од руралниот град Махмудија, и на околу 30 километри од Багдад. Кон крајот на јуни 2006, селото станува обележје и најгнасната дамка американската интервенција во Ирак, дури и во конкуренција на Абу Греиб. На 22-ри јуни 2006, американски војник го пријавува силувањето и убиството на 14-годишно ирачко девојче, и егзекуцијата на нејзиното семејство.

Се вика Национална геопросторно-разузнавачка агенција (National Geospatial-Intelligence Agency), Обама прв пат слуша за неа во случаен разговор пет месеци откако станува претседател на САД. Новиов уште не се знае дали ја има разбрано.

Њујорк Тајмс на психијатриски кауч го става Доналд Трамп и неговиот терсене табиет заради кој никој во Белата куќа не смее да помисли да му зуцне а не па да му каже дека некаде погрешил или претерал со Твитер. Освен еден човек.

Иако не малку сме горди на себе што успеваме да стоиме настрана од фекалиите кои го навасаа јавниот збор, од ужасот на сеопштото пцуење, вреѓање и вадење очи и од медиумската реалност во која дивеат психопати со портали и идиотизирана публика која мисли дека ако на некој директно не му ебеш све најмило и не го наполниш со говна - тогаш мора нешто да калкулираш, таквата „полемична сцена“ е толку сиромашна што мора и за тоа да се подели по некоја лекција.

Бетер од кај нас. На стари лица кои сè уште возат автомобил им даваат попусти за погребување ако доброволно ги предадат возачките дозволи.

Холанѓаните со децении успеваат да работат на својот имиџ на толерантни и лежерни луѓе кои си бркаат работа и не се мешаат во туѓи животи. Па сепак, малку е чудно како масовно се заборава дека само до пред 70 години и тоа како се мешаа; со војска, окупации и масовни убиства. Сè за тија пусти пари.

Иако звучи контра-интуитивно (најпознатата книга за мафијата се вика „Кум“), италијански бискуп го сака токму тоа, да го ребрендира кумството и да го одлепи од доминантните асоцијации за Сицилија.

Браќа со еден потег станаа милионери. За нивната верзија на Солитер (сè уште е една од најомилените игри на македонската администрација) ги искешираа 42,5 милиони долари.

Браќа со еден потег станаа милионери. За нивната верзија на Солитер (сè уште е една од најомилените игри на македонската администрација) ги искешираа 42,5 милиони долари.