Европа веќе извесно време им има фрлено око на руските пари кои се кај неа a Унијата ги има замрзнато со санкциите. Русија им вика дека е тоа обична кражба и ако прибегнат кон таков чекор, да очекуваат сличен потег и од нив. Како показна вежба, Русија го продаде кримскиот апартман на Владимир Зеленски. 

Насловната сторија на Тајм за Владимир Зеленски е навистина шокантна бидејќи ги потврдува сите поенти кои досега се оценуваа/оцрнуваа како „Путиновска пропаганда.“ Не само што сторијата се темели на разговори со најблискиот круг на Зеленски туку што не доаѓа од кујната на Кремљ, туку од новинар и магазин кои лани го прогласија Зеленски за лице на годината.

Бајден ќе стави вето на републиканскиот предлог за помош на Израел, доколку истите овие републиканци продолжат да одбиваат да гласаат за пакетот за помош на Украина, тврдат од Белата куќа.

Преку левичарска активистичка група Сорос поделил милиони долари на организации кои периодов го оправдуваат терористичкиот напад Хамас и кои застануваат зад Палестинци што повикуваат на уништување на еврејската држава.

Викендов толпа од стотици жители на Дагестан тргна да линчува сè израелско што ќе начека на авионската писта на аеродромот во Махачкала. За општа среќа никој не им падна во раце.

Тајм објави детално интервју со Зеленски и инфо од неговите најблиски соработници во кое се дава увид во промената на неговото расположение, лутината што никој од сојузниците не верува  во победа на Украина и нималку сјајната состојба на војската. Покрај сите оние милијарди долари воена и друга помош од Запад, текстот има поднаслов: „Осамената битка на Владимир Зеленски“.    

Германски Билд објави манифест до дојденците во земјата во кој им се објаснува дека домаќините не мислат да го сменат својот начин на живот само затоа што им дошле гости. Им се порачува дека е важно да го научат јазикот, има и лекции за бонтон. Едни одушевени од декларацијата, други велат дека е ова е лошо напишан но добро сумиран манифест на германскиот расизам. 

Да, сакаат тие да го сотрат оној другиот и притоа не прашуваат за цехот, само што со децении меѓу нив постоеше плодна кохабитација. Ваков Израел му требаше на Хамас за да покаже дека умереноста на оние од Западниот брег не врши работа, а Нетанјаху знаеше дека сè додека постои Хамас, ќе има изговор дека нема со кого да прави мир. 

Кратко кажано: да ги нема. Израелското министерство за разузнавање изготвило таен документ во кој се скицира што треба, во неколку фази да се прави со палестинското население од Газа. Ок, да ги има, само не во Газа, туку во северен Синај. Како оваа идеја ќе ја избегне квалификацијата дека се работи за класично етничко чистење, ваљда попат ќе смислат Американците.   

Веројатно едно од најхуманите оружја што Израел ќе ги употреби во војната против Хамас и нивните тунели ќе бидат „сунѓер бомбите“ чија главна намена ќе биде да ги затнуваат подземните премини што ги користат палестинските борци.

Арапскиот свет е едногласен во поддршката за своите браќа и сестри во Палестина. Да, ама на зборови. Истите тие после ќе речат, нема да ги отвориме границите и нема да примаме бегалци од Газа. А можеа и претходно да направат нешто за нив, да запнат и да ги извадат од сиромаштија и беда. Парите што му се даваа на Хамас очигледно отидoa за други работи. 

Зеленски го откажа говорот во романскиот парламент бидејќи тамошните опозиционери најавија дека ќе го реметат. А тие водат на анкети и имаат вртоглав пораст на поддршката. Ставот на Орбан е познат а Словачка ја откажа воената помош за Украина па Романија е следниот предизвик за позицијата на ЕУ. Само што Романија е многу поважна.

Њујорк тајмс седнува и од ново го гледа видеото што израелски и американски високи функционери го наведуваат како клучен доказ дека смртоносната експлозија во болницата Ал-Ахли Араб е дело на залутана палестинска ракета. И не се баш сигурни во официјалната верзија.

На црнците кои живеат во Европската Унија, третманот не само што не им се подобрува туку им се влошува. Расисмот кон нив е во пораст последниве години е една третина годинава биле мета на некаква расна дискриминација. Освен во Германија и Австрија, каде бројките се двојно поголеми. Плус сиромаштија.

До сега се убиени околу 50 луѓе од заложниците што Хамас ги киднапираше на 7 октомври, но не од нив туку од израелските воздушни напади на Газа, објавија Ал Касам бригадите на Телеграм. Хамас во нападот киднапираше најмалку 220 израелски државјани.

Ќелијата на Хамас што го организираше најсмртоносниот напад на Израел цели две години успеала да му се скрие на израелското разузнавање комуницирајќи преку мрежа од жичани телефони поставени низ нивните тунели под Газа.

Затоа што Гутереш во својата реакција на Израел му изгледал како да го оправдува бруталниот напад на Хамас, државата одлучи дека ниту еден функционер на Обединетите нации нема да добие виза за да стапне на израелска земја.

Возило со жена, 12-годишно девојче и мачка во транспортер во јули 2022 од Естонија влегуваат во Русија. Според досега необјавено сведоштво што го пренесува Вашингтон пост, во транспортерот освен мачка има скриено и непознато количество експлозив. Истиот овој експлозив на 20 август 2022 требаше да биде искористен за убивање на Александар Дугин. Наместо него, беше убиена ќерка му, Дарја.

На израелските војници кои волонтираа да се приклучат на војната против Хамас не им е право што синот на премиерот Бенјамин Нетанјаху и понатаму дреме во Мајами.

Иако се уште една израелска чизма нема стапнато во Газа, американските воени експерти почнаа да ја споредуваат најавуваната израелска инвазија на палестинската населба со пеколните битки што американската војска ги водеше во ирачка Фалуџа.

Среде жестоките одмазнички воздушни и артилериски напади на Израел врз Газа, портпаролот на израелските одбранбени објави порака на Фејсбук до жителите на една населба да ги напуштат своите домови додека е време. Не е јасно како луѓето требаше да дознаат за предупредувањето кога таму нема ни интернет, ни струја.

Висок службеник на американскиот Стејт департмент кој работеше на глобалните трансфери на оружје поднесе оставка поради своето противење на дополнителната воена помош на Бајден за Израел, во време кога е во војна со Хамас во која масовно гинат цивили, жени и деца. Малку е, ама па...

Палестинците не се само географски раздвоени меѓу појасот Газа, Западниот брег и Источен Ерусалим. Ги дели и долгогодишен судир меѓу умерените Фатах и екстремните Хамас, на кои досега единствената заедничка карактеристика им беше што се длабоко влезени во корупција. Но, сега гневот може да ги обедини Палестинците и да започнa трета Интифада.

Владеачката полска партија Право и правда после осум години го губат мнозинството во земјата и се отвора врата новата коалиција да ја предводи центристичката платформа на Доналд Туск, кого го наеме како претстедател на Европскиот совет. Ако демократијата се сфаќа орвеловски, тогаш Туск е демократ. Ако не, тогаш нема голема разлика меѓу него и еден Заев или Маричиќ.