Жителите на Париз и уште осум други градови ќе мора да седат дома секој ден во следните 4 недели од 21:00 до 6:00 наутро, откако само денес во Франција беа потврдени 22.951 нов случај на ковид-19.

Трамп и Бајден до сега имаат потрошено по 350 милиони долари на своите претседателски кампањи, само што процената е дека целата работа не се сведува на трка кој повеќе пари ќе фрли на избори.

„Се борев во Авганистан за мојот син да не мора да ја бие истата битка“, велат американски воени ветерани. Откако стана реалност нивните синови да ги заменуваат во истите касарни во кои тие своевремено служеле, им останува да се надеваат за внуците.

Во сето тоа бирократско вагање на безбедноста на граѓаните и неопходноста стопанството на земјата да продолжи да работи, британската влада дојде до решение од типот подземната железница да продолжи да работи и во зима, ама со отворени прозорци.

Постојат проценки дека веќе во 2030 година Кина ќе ја комплетира својата глобална доминација. Хронично слабата ЕУ и акутно хаотичните САД само го расчистуваат тој пат. Леле бе кој ќе ги гледа домашниве бројлери како се колнат дека друг пат освен кинескиот немаме?

Училиште во Сибир од чиста мира (барем за учениците и јавноста) решава да почне општа симулација на упад во училиштето на вооружена група и земање заложници од учениците.

Поединечен е случајот но во каква калакурница е светов, нема да чуди ако некој ден навистина пренесеме вест дека „ноќва е срушена демократски избраната власт на САД и воспоставена е привремена револуционерна управа која ветува дека по брза постапка ќе се справи со ненародниот режим“.

Иако звучи како нешто што би го кажал Доналд Трамп, овој пат не е така. Ова се зборовите на син му на Доналд, Ерик, тој што го водат како помалку бистар од двата возрасни синови на американскиот претседател.

Озлогласената „Бејби шарк“ (ду, дуу, ду, ду, дуу) го доби своето заслужено место во историјата и од пред некој ден е прогласена за - алатка за тортура.

„Нема да си го трошам времето“ е инстантната порака на Трамп на предлогот на организаторот, дебатата на 15 октомври да се одржи виртуелно заради страв од ковид-19.

Некогашната прва другарка на Меланија, а сега авторка на бестселер на тема Меланија, објави снимка во која првата дама на САД зборува за аферата на Трамп со Сторми Даниелс а.к.а. „порно курвата“.

Во јули годинава беше првиот официјален тест на бариерата околу Венеција, меѓутоа тогаш беше на мирна вода и слаба плима. На 3 октомври имаше прогноза за плима од 135 сантиметри која низ целата досегашна историја вообичаено го поплавува градот. Овој пат, бариерата издржа.

Од една страна тешко е во себе да не чувствуваш одвратност додека гледаш како млади ТВ новинари се надвикуваат известувајќи за виталните знаци на стар болен човек. Од друга, мора да знаеме кој моментално раководи со државата, и последиците од релативизирањето на ковид-19 кризата од страна на Доналд Трамп, пишува Бен Смит во Њујорк тајмс.

Стотици милиони Кинези деновиве ќе ги преполнат автопатиштата, возовите и авионите, и од големите метрополи и индустриски центри ќе се вратат назад во своите родни места да го прослават еден од најголемите празници во земјата. Стравот е дека со нив, ќе се рашета и ковид-19.

Меѓу опциите кои веќе се во оптек се дронови кои ќе ги дезинфицираат трибините и другите делови од стадионите, и роботи што со УВ-зраци ќе минуваат делови од стадионите.

Доналд Трамп се зарази од коронавирус еден месец пред изборите. Згора на тоа, со своите 74 години е во ризичните групи за ковид-19 и веќе се претресуваат прцедурите што ќе се случи ако до ноември се случат несаканите здравствени исходи. Случајот е без преседан во американската историја, но процедури постојат. 

Американскиот претседател Доналд Трамп е позитивен на тест за коронавирус. И Меланија Трамп е позитивна на теста на коронавирус. Со тоа паѓаат во вода муабетите дека тој брак е шминка и постои само заради за пред јавност. Сепак се, значи, блиски.

Трамп објави дека тој и првата дама на САД имале позитивен тест на коронавирусот и дека веднаш влегуваат во карантин.

Дури и ефикасна вакцина нема да биде доволна за повторно воведување на „нормален живот“ и луѓето треба да бидат пореални за тоа што и кога може да постигне вакцината, препорачува група водечки британски научници.

Парите секоја година треба да се собираат на глобално ниво, а ги бара Дејвид Атенобороу во име на сите што живеат на планетава.

Во една од поскапите грешки што периодов се случила на Зум (а за која знаеме), аргентински политичар заборава дека е вклучен на он-лајн седница во моментот кога седнува една млада жена во скут и почнува да ја соблекува.

Уште во јули 2016 администрацијата на Обама е брифирана дека Хилари Клинтон наводно одобрила план за стартување на рускиот скандал на Трамп, со цел да се одвлече вниманието од нејзиниот скандал со мејловите, се тврди во документите вчера декласификувани од директорот на американското Национално разузнавање, Џон Ратклиф.

Во дебата која беше политички еквивалент на гаѓање со храна, победник беше човекот кој заврши помалку размачкан со помија, пишува Би-би-си.

„Америка, ме обвинувате за мешање во вашата демократија, но јас не морам да го правам тоа, вие го правите тоа за мене,“ е текстот што е одбран за Путин во предупредувачкото дипфејк видео чија порака е дека странските сили немаат потреба да се мешаат во изборите на земјата, бидејќи самите Американци ќе ја уништат сопствената демократија.